§7.33.1καὶ περὶ τὰς αὐτὰς ἡμέρας καὶ οἱ Καμαριναῖοι ἀφικνοῦνται αὐτοῖς βοηθοῦντες, πεντακόσιοι μὲν ὁπλῖται, τριακόσιοι δὲ ἀκοντισταὶ καὶ τοξόται τριακόσιοι.
そしてほぼ同じ頃、カマリナ人たちも彼らの救援に到着した。 重装歩兵500人、投槍兵300人、弓兵300人であった。
ἔπεμψαν δὲ καὶ οἱ Γελῷοι ναυτικόν τε ἐς πέντε ναῦς καὶ ἀκοντιστὰς τετρακοσίους καὶ ἱππέας διακοσίους.
また、ゲラ人たちも5隻の船からなる海軍力と、投槍兵400人、騎兵200人を送った。
§7.33.2σχεδὸν γάρ τι ἤδη πᾶσα ἡ Σικελία πλὴν Ἀκραγαντίνων (οὗτοι δ’ οὐδὲ μεθ’ ἑτέρων ἦσαν), οἱ δ’ ἄλλοι ἐπὶ τοὺς Ἀθηναίους μετὰ τῶν Συρακοσίων οἱ πρότερον περιορώμενοι ξυστάντες ἐβοήθουν.
というのも、アクラガス人（彼らはどちらの側にもつかなかったが）を除くほぼ全シケリアが、かつては形勢を傍観していた他の者たちも含めて、今や団結してシラクサ人とともにアテナイ人に対して援助を与えていたからである。
§7.33.3καὶ οἱ μὲν Συρακόσιοι, ὡς αὐτοῖς τὸ ἐν τοῖς Σικελοῖς πάθος ἐγένετο, ἐπέσχον τὸ εὐθέως τοῖς Ἀθηναίοις ἐπιχειρεῖν· ὁ δὲ Δημοσθένης καὶ Εὐρυμέδων, ἑτοίμης ἤδη τῆς στρατιᾶς οὔσης ἔκ τε τῆς Κερκύρας καὶ ἀπὸ τῆς ἠπείρου, ἐπεραιώθησαν ξυμπάσῃ τῇ στρατιᾷ τὸν Ἰόνιον ἐπ’ ἄκραν Ἰαπυγίαν·
一方、シラクサ人たちは、シケロス人の間での惨劇が彼らに伝わると、アテナイ人への即座の攻撃を手控え、デモステネスとエウリュメドンは、ケルキュラや本土からの軍勢がすでに整っていたので、全軍を率いてイオニア海を渡り、ヤピュギアの岬へと向かった。
§7.33.4καὶ ὁρμηθέντες αὐτόθεν κατίσχουσιν ἐς τὰς Χοιράδας νήσους Ἰαπυγίας, καὶ ἀκοντιστάς τέ τινας τῶν Ἰαπύγων πεντήκοντα καὶ ἑκατὸν τοῦ Μεσσαπίου ἔθνους ἀναβιβάζονται ἐπὶ τὰς ναῦς, καὶ τῷ Ἄρτᾳ, ὅσπερ καὶ τοὺς ἀκοντιστὰς δυνάστης ὢν παρέσχετο αὐτοῖς, ἀνανεωσάμενοί τινα παλαιὰν φιλίαν ἀφικνοῦνται ἐς Μεταπόντιον τῆς Ἰταλίας.
彼らはそこから出発してヤピュギアのコイラデス諸島に寄港し、メッサピア族に属するヤピュギア人の投槍兵150人を船に乗せ、かつその投槍兵を提供してくれた有力者であるアルタスとの古い友好関係を更新したのち、イタリアのメタポンティオンに到着した。
§7.33.5καὶ τοὺς Μεταποντίους πείσαντες κατὰ τὸ ξυμμαχικὸν ἀκοντιστάς τε ξυμπέμπειν τριακοσίους καὶ τριήρεις δύο καὶ ἀναλαβόντες ταῦτα παρέπλευσαν ἐς Θουρίαν.
そしてメタポンティオン人を説得して、同盟条約に基づいて300人の投槍兵と2隻の三段櫂船を派遣させ、これらを伴って沿岸を航行してトゥリアへと向かった。
καὶ καταλαμβάνουσι νεωστὶ στάσει τοὺς τῶν Ἀθηναίων ἐναντίους ἐκπεπτωκότας·
そこで彼らは、アテナイに反対する一派が最近の党争によって追放されたばかりであることを知った。
§7.33.6καὶ βουλόμενοι τὴν στρατιὰν αὐτόθι πᾶσαν ἁθροίσαντες εἴ τις ὑπελέλειπτο ἐξετάσαι, καὶ τοὺς Θουρίους πεῖσαι σφίσι ξυστρατεύειν τε ὡς προθυμότατα καί, ἐπειδήπερ ἐν τούτῳ τύχης εἰσί, τοὺς αὐτοὺς ἐχθροὺς καὶ φίλους τοῖς Ἀθηναίοις νομίζειν, περιέμενον ἐν τῇ Θουρίᾳ καὶ ἔπρασσον ταῦτα.
彼らは、同地に全軍を集めて、遅れている者がいないかを点検したいと考え、また、トゥリア人たちを説得して、できる限り熱意を持って自分たちとともに従軍させ、このような運命の局面にある以上、アテナイ人と同じ敵と味方を共有するようにさせたいと考えたため、トゥリアに留まってこれらの交渉を行った。