§5.60.1καὶ οἱ μὲν ταῦτα εἰπόντες τῶν Ἀργείων ἀφ’ ἑαυτῶν καὶ οὐ τοῦ πλήθους κελεύσαντος εἶπον·
そして、このように語ったアルゴス人たちは、民衆が命じたのではなく、自らの独断で語ったのであった。
καὶ ὁ Ἆγις δεξάμενος τοὺς λόγους αὐτός, καὶ οὐ μετὰ τῶν πλεόνων οὐδὲ αὐτὸς βουλευσάμενος ἀλλ’ ἢ ἑνὶ ἀνδρὶ κοινώσας τῶν ἐν τέλει ξυστρατευομένων, σπένδεται τέσσαρας μῆνας, ἐν οἷς ἔδει ἐπιτελέσαι αὐτοὺς τὰ ῥηθέντα.
アギスは彼らの提案を自ら受け入れ、彼自身も多数の者と相談したのではなく、ただ一緒に従軍していた役人のうちの一人の男に相談しただけで、四ヶ月の休戦を結んだ。 その期間内に、彼らは言明された合意事項を実行しなければならなかった。
καὶ ἀπήγαγε τὸν στρατὸν εὐθύς, οὐδενὶ φράσας τῶν ἄλλων ξυμμάχων.
そしてアギスは、他の同盟者の誰にも告げずに、直ちに軍を撤退させた。
§5.60.2οἱ δὲ Λακεδαιμόνιοι καὶ οἱ ξύμμαχοι εἵποντο μὲν ὡς ἡγεῖτο διὰ τὸν νόμον, ἐν αἰτίᾳ δ᾽ εἶχον κατ’ ἀλλήλους πολλῇ τὸν Ἆγιν, νομίζοντες ἐν καλῷ παρατυχὸν σφίσι ξυμβαλεῖν καὶ πανταχόθεν αὐτῶν ἀποκεκλῃμένων καὶ ὑπὸ ἱππέων καὶ πεζῶν οὐδὲν δράσαντες ἄξιον τῆς παρασκευῆς ἀπιέναι.
ラケダイモン人と同盟軍は、法があるために彼の先導に従いはしたものの、自分たちの間ではアギスに対して激しい非難を口にしていた。 彼らにとって戦闘を交える絶好の好機があったにもかかわらず、また敵が四方から、それも騎兵によっても歩兵によっても遮断されていたにもかかわらず、この大がかりな準備に値するいかなることも成し遂げずに撤退するのだ、と考えたからである。
§5.60.3στρατόπεδον γὰρ δὴ τοῦτο κάλλιστον Ἑλληνικὸν τῶν μέχρι τοῦδε ξυνῆλθεν·
というのも、これまで集結した中で、これこそが最も優れたギリシア人の軍勢であったからである。
ὤφθη δὲ μάλιστα ἕως ἔτι ἦν ἁθρόον ἐν Νεμέᾳ, ἐν ᾧ Λακεδαιμόνιοί τε πανστρατιᾷ ἦσαν καὶ Ἀρκάδες καὶ Βοιωτοὶ καὶ Κορίνθιοι καὶ Σικυώνιοι καὶ Πελληνῆς καὶ Φλειάσιοι καὶ Μεγαρῆς, καὶ οὗτοι πάντες λογάδες ἀφ’ ἑκάστων, ἀξιόμαχοι δοκοῦντες εἶναι οὐ τῇ Ἀργείων μόνον ξυμμαχίᾳ ἀλλὰ κἂν ἄλλῃ ἔτι προσγενομένῃ.
そして、この軍勢はとりわけネメアにまだ集結していた時にその全貌が目撃された。 その中には、ラケダイモン人が全軍で加わっており、またアルカディア人、ボイオティア人、コリントス人、シキュオン人、ペレネ人、プレイウス人、メガラ人がいた。 しかもこれらすべては、各々から選り抜かれた精鋭であり、アルゴス人の同盟軍に対してだけでなく、たとえさらに別の同盟軍が加わったとしても、十分に戦える能力があると思われていた。
§5.60.4τὸ μὲν οὖν στρατόπεδον οὕτως ἐν αἰτίᾳ ἔχοντες τὸν Ἆγιν ἀνεχώρουν τε καὶ διελύθησαν ἐπ’ οἴκου ἕκαστοι,
こうして、全軍はアギスを非難しつつ、撤退し、それぞれ帰郷するために解散した。
§5.60.5Ἀργεῖοι δὲ καὶ αὐτοὶ ἔτι ἐν πολλῷ πλέονι αἰτίᾳ εἶχον τοὺς σπεισαμένους ἄνευ τοῦ πλήθους, νομίζοντες κἀκεῖνοι μὴ ἂν σφίσι ποτὲ κάλλιον παρασχὸν Λακεδαιμονίους διαπεφευγέναι·
一方、アルゴス人たち自身も、民衆を通さずに休戦を結んだ者たちを、なおいっそう激しく非難した。 彼らもまた、これ以上ない好機が与えられていたのに、ラケダイモン人たちを逃がしてしまったと考えたからである。
πρός τε γὰρ τῇ σφετέρᾳ πόλει καὶ μετὰ πολλῶν καὶ ἀγαθῶν ξυμμάχων τὸν ἀγῶνα ἂν γίγνεσθαι.
自分たちの市の近くで、かつ多くの優れた同盟軍とともに戦闘が行われるはずであったからである。
§5.60.6τόν τε Θράσυλον ἀναχωρήσαντες ἐν τῷ Χαράδρῳ, οὗπερ τὰς ἀπὸ στρατείας δίκας πρὶν ἐσιέναι κρίνουσιν, ἤρξαντο λεύειν.
そして彼らは退却すると、ハラドロス川において（そこで彼らは市に入る前に遠征に関する裁判を行うのであるが）、トラシュロスを石打ちに処し始めた。
ὁ δὲ καταφυγὼν ἐπὶ τὸν βωμὸν περιγίγνεται·
しかし彼は祭壇に逃げ込んで助かった。
τὰ μέντοι χρήματα ἐδήμευσαν αὐτοῦ.
もっとも、彼らは彼の財産を没収した。