§4.96.1τοιαῦτα τοῦ Ἱπποκράτους παρακελευομένου καὶ μέχρι μὲν μέσου τοῦ στρατοπέδου ἐπελθόντος, τὸ δὲ πλέον οὐκέτι φθάσαντος, οἱ Βοιωτοί, παρακελευσαμένου καὶ σφίσιν ὡς διὰ ταχέων καὶ ἐνταῦθα Παγώνδου, παιανίσαντες ἐπῇσαν ἀπὸ τοῦ λόφου.
ヒッポクラテスがこのように激励しながら、軍列の中央にまで進んだものの、それ以上は進む時間がなかったとき、ボイオティア人は、パゴンダスが彼らに対してもまた、そこでできるだけ速やかに激励を終えたので、勝鬨の歌を歌いながら丘から下って進撃した。
ἀντεπῇσαν δὲ καὶ οἱ Ἀθηναῖοι καὶ προσέμειξαν δρόμῳ.
アテナイ人も立ち向かって進撃し、駆け足で衝突した。
§4.96.2καὶ ἑκατέρων τῶν στρατοπέδων τὰ ἔσχατα οὐκ ἦλθεν ἐς χεῖρας, ἀλλὰ τὸ αὐτὸ ἔπαθεν·
そして両軍の端は白兵戦にはならず、同じ運命をたどった。
ῥύακες γὰρ ἐκώλυσαν.
というのも、急流がそれを妨げたからである。
τὸ δὲ ἄλλο καρτερᾷ μάχῃ καὶ ὠθισμῷ ἀσπίδων ξυνειστήκει.
しかし残りの部分は、激しい戦闘と盾の押し合いによって膠着状態にあった。
§4.96.3καὶ τὸ μὲν εὐώνυμον τῶν Βοιωτῶν καὶ μέχρι μέσου ἡσσᾶτο ὑπὸ τῶν Ἀθηναίων, καὶ ἐπίεσαν τούς τε ἄλλους ταύτῃ καὶ οὐχ ἥκιστα τοὺς Θεσπιᾶς.
そしてボイオティア人の左翼、および中央に至るまではアテナイ人に圧倒されており、アテナイ人はその場所の他の者たち、とりわけテスピアイ人を激しく圧迫した。
ὑποχωρησάντων γὰρ αὐτοῖς τῶν παρατεταγμένων, καὶ κυκλωθέντων ἐν ὀλίγῳ, οἵπερ διεφθάρησαν Θεσπιῶν, ἐν χερσὶν ἀμυνόμενοι κατεκόπησαν·
というのも、彼らの隣に整列していた者たちが退却し、彼らが狭い場所に包囲されたため、テスピアイ人のうちで斃された者たちは、白兵戦で防戦しながら切り倒されたからである。
καί τινες καὶ τῶν Ἀθηναίων διὰ τὴν κύκλωσιν ταραχθέντες ἠγνόησάν τε καὶ ἀπέκτειναν ἀλλήλους.
またアテナイ人のある者たちも、この包囲による混乱のために味方を識別できず、互いに殺し合ってしまった。
§4.96.4τὸ μὲν οὖν ταύτῃ ἡσσᾶτο τῶν Βοιωτῶν καὶ πρὸς τὸ μαχόμενον κατέφυγε, τὸ δὲ δεξιόν, ᾗ οἱ Θηβαῖοι ἦσαν, ἐκράτει τῶν Ἀθηναίων, καὶ ὠσάμενοι κατὰ βραχὺ τὸ πρῶτον ἐπηκολούθουν.
こうしてボイオティア人のその部分の者たちは敗れ、いまだ戦っている味方のところへ逃げ込んだが、テーバイ人のいた右翼はアテナイ人に打ち勝ち、最初は少しずつ押し出しながら追撃していった。
§4.96.5καὶ ξυνέβη, Παγώνδου περιπέμψαντος δύο τέλη τῶν ἱππέων ἐκ τοῦ ἀφανοῦς περὶ τὸν λόφον, ὡς ἐπόνει τὸ εὐώνυμον αὐτῶν, καὶ ὑπερφανέντων αἰφνιδίως, τὸ νικῶν τῶν Ἀθηναίων κέρας, νομίσαν ἄλλο στράτευμα ἐπιέναι, ἐς φόβον καταστῆναι·
そして、ボイオティア人の左翼が苦戦していたため、パゴンダスが騎兵の二つの部隊を丘の周囲に人目に触れないように迂回させて派遣したのだが、彼らが突如として姿を現したため、勝利を収めつつあったアテナイ人の翼は、別の軍勢が攻めてくるものと思い、恐怖に陥るという事態が起こった。
§4.96.6καὶ ἀμφοτέρωθεν ἤδη, ὑπό τε τοῦ τοιούτου καὶ ὑπὸ τῶν Θηβαίων ἐφεπομένων καὶ παραρρηγνύντων, φυγὴ καθειστήκει παντὸς τοῦ στρατοῦ τῶν Ἀθηναίων.
そして今や両方面から、このような事態と、追撃して隊列を突き崩すテーバイ人たちによって、アテナイ軍全体の敗走が引き起こされた。
§4.96.7καὶ οἱ μὲν πρὸς τὸ Δήλιόν τε καὶ τὴν θάλασσαν ὥρμησαν, οἱ δὲ ἐπὶ τοῦ Ὠρωποῦ, ἄλλοι δὲ πρὸς Πάρνηθα τὸ ὄρος, οἱ δὲ ὡς ἕκαστοί τινα εἶχον ἐλπίδα σωτηρίας.
ある者たちはデリオンと海に向かって走り、別の者たちはオロポスを目指し、他の者たちはパルネス山に向かい、またある者たちはそれぞれが抱く何らかの救いの望みに従って逃れた。
§4.96.8Βοιωτοὶ δὲ ἐφεπόμενοι ἔκτεινον, καὶ μάλιστα οἱ ἱππῆς οἵ τε αὐτῶν καὶ οἱ Λοκροὶ βεβοηθηκότες ἄρτι τῆς τροπῆς γιγνομένης·
ボイオティア人は追撃して彼らを殺害し、とりわけ彼ら自身の騎兵と、敗走が始まったちょうどその時に援軍として到着したロクリス人の騎兵がそれを行った。
νυκτὸς δὲ ἐπιλαβούσης τὸ ἔργον ῥᾷον τὸ πλῆθος τῶν φευγόντων διεσώθη.
しかし夜が更けたため、敗走する人々の大半はより容易に安全に逃れることができた。
§4.96.9καὶ τῇ ὑστεραίᾳ οἵ τε ἐκ τοῦ Ὠρωποῦ καὶ οἱ ἐκ τοῦ Δηλίου φυλακὴν ἐγκαταλιπόντες (εἶχον γὰρ αὐτὸ ὅμως ἔτι) ἀπεκομίσθησαν κατὰ θάλασσαν ἐπ’ οἴκου.
そして翌日、オロポスからの人々およびデリオンからの人々は、守備隊を残した上で（というのは、彼らはそれでもまだそこを保持していたからである）、海路で故郷へと引き揚げた。