§4.96.1τοιαῦτα τοῦ Ἱπποκράτους παρακελευομένου καὶ μέχρι μὲν μέσου τοῦ στρατοπέδου ἐπελθόντος, τὸ δὲ πλέον οὐκέτι φθάσαντος, οἱ Βοιωτοί, παρακελευσαμένου καὶ σφίσιν ὡς διὰ ταχέων καὶ ἐνταῦθα Παγώνδου, παιανίσαντες ἐπῇσαν ἀπὸ τοῦ λόφου.
히포크라테스가 이와 같이 격려하며 군대 중간까지 나아갔으나 더 이상 갈 시간이 없었을 때, 보이오티아인들은 파곤다스가 그곳에서 그들에게도 가능한 한 신속히 격려를 마쳤으므로, 군가를 부르며 언덕에서 내려와 진격했다.
ἀντεπῇσαν δὲ καὶ οἱ Ἀθηναῖοι καὶ προσέμειξαν δρόμῳ.
아테네인들도 맞서 진격하여 달려가 맞부딪쳤다.
§4.96.2καὶ ἑκατέρων τῶν στρατοπέδων τὰ ἔσχατα οὐκ ἦλθεν ἐς χεῖρας, ἀλλὰ τὸ αὐτὸ ἔπαθεν·
그리고 양쪽 군대의 가장자리 끝부분은 백병전을 벌이지 못하고 같은 운명을 겪었다.
ῥύακες γὰρ ἐκώλυσαν.
왜냐하면 급류가 가로막았기 때문이다.
τὸ δὲ ἄλλο καρτερᾷ μάχῃ καὶ ὠθισμῷ ἀσπίδων ξυνειστήκει.
그러나 나머지 부분은 격렬한 전투와 방패 밀치기로 맞붙어 있었다.
§4.96.3καὶ τὸ μὲν εὐώνυμον τῶν Βοιωτῶν καὶ μέχρι μέσου ἡσσᾶτο ὑπὸ τῶν Ἀθηναίων, καὶ ἐπίεσαν τούς τε ἄλλους ταύτῃ καὶ οὐχ ἥκιστα τοὺς Θεσπιᾶς.
보이오티아인의 좌익과 중앙부에 이르기까지는 아테네인들에게 밀리고 있었으며, 아테네인들은 그곳의 다른 이들과 특히 테스피아이인들을 거세게 압박했다.
ὑποχωρησάντων γὰρ αὐτοῖς τῶν παρατεταγμένων, καὶ κυκλωθέντων ἐν ὀλίγῳ, οἵπερ διεφθάρησαν Θεσπιῶν, ἐν χερσὶν ἀμυνόμενοι κατεκόπησαν·
왜냐하면 그들 옆에 전열을 갖추었던 자들이 후퇴하고 그들이 좁은 공간에 포위되었기 때문에, 테스피아이인들 중 전사한 자들은 육탄전을 벌이며 저항하다가 베여 쓰러졌기 때문이다.
καί τινες καὶ τῶν Ἀθηναίων διὰ τὴν κύκλωσιν ταραχθέντες ἠγνόησάν τε καὶ ἀπέκτειναν ἀλλήλους.
또한 아테네인 중 일부도 포위로 인한 혼란 때문에 아군을 알아보지 못하고 서로를 죽이기도 했다.
§4.96.4τὸ μὲν οὖν ταύτῃ ἡσσᾶτο τῶν Βοιωτῶν καὶ πρὸς τὸ μαχόμενον κατέφυγε, τὸ δὲ δεξιόν, ᾗ οἱ Θηβαῖοι ἦσαν, ἐκράτει τῶν Ἀθηναίων, καὶ ὠσάμενοι κατὰ βραχὺ τὸ πρῶτον ἐπηκολούθουν.
그리하여 이쪽 구역의 보이오티아인들은 패배하여 여전히 싸우고 있던 아군 쪽으로 도망쳤으나, 테베인들이 있던 우익은 아테네인들을 압도했고, 처음에는 조금씩 밀어붙이며 추격했다.
§4.96.5καὶ ξυνέβη, Παγώνδου περιπέμψαντος δύο τέλη τῶν ἱππέων ἐκ τοῦ ἀφανοῦς περὶ τὸν λόφον, ὡς ἐπόνει τὸ εὐώνυμον αὐτῶν, καὶ ὑπερφανέντων αἰφνιδίως, τὸ νικῶν τῶν Ἀθηναίων κέρας, νομίσαν ἄλλο στράτευμα ἐπιέναι, ἐς φόβον καταστῆναι·
그리고 보이오티아인의 좌익이 고전하고 있었기에 파곤다스가 기병 두 개 부대를 보이지 않는 곳에서 언덕 너머로 우회시켜 보냈는데, 이들이 갑자기 나타나자 승리하고 있던 아테네군의 날개는 다른 군대가 쳐들어오는 줄로 생각하고 공포에 빠지는 일이 일어났다.
§4.96.6καὶ ἀμφοτέρωθεν ἤδη, ὑπό τε τοῦ τοιούτου καὶ ὑπὸ τῶν Θηβαίων ἐφεπομένων καὶ παραρρηγνύντων, φυγὴ καθειστήκει παντὸς τοῦ στρατοῦ τῶν Ἀθηναίων.
그리하여 이제 양쪽 모두에서, 이러한 사태와 추격해오며 대열을 무너뜨리는 테베인들로 인해 아테네군 전체가 패주하기 시작했다.
§4.96.7καὶ οἱ μὲν πρὸς τὸ Δήλιόν τε καὶ τὴν θάλασσαν ὥρμησαν, οἱ δὲ ἐπὶ τοῦ Ὠρωποῦ, ἄλλοι δὲ πρὸς Πάρνηθα τὸ ὄρος, οἱ δὲ ὡς ἕκαστοί τινα εἶχον ἐλπίδα σωτηρίας.
일부는 델리온과 바다를 향해 달려갔고, 일부는 오로포스로, 다른 이들은 파르네스산으로, 또 다른 이들은 각자 살아남을 가망이 있어 보이는 곳으로 향했다.
§4.96.8Βοιωτοὶ δὲ ἐφεπόμενοι ἔκτεινον, καὶ μάλιστα οἱ ἱππῆς οἵ τε αὐτῶν καὶ οἱ Λοκροὶ βεβοηθηκότες ἄρτι τῆς τροπῆς γιγνομένης·
보이오티아인들은 뒤쫓으며 이들을 죽였는데, 특히 그들의 기병들과 패주가 시작되던 참에 구하러 온 로크리스인 기병들이 그러했다.
νυκτὸς δὲ ἐπιλαβούσης τὸ ἔργον ῥᾷον τὸ πλῆθος τῶν φευγόντων διεσώθη.
그러나 밤이 찾아와 추격이 무마되면서 도망치던 다수의 사람들은 더 수월하게 살아남았다.
§4.96.9καὶ τῇ ὑστεραίᾳ οἵ τε ἐκ τοῦ Ὠρωποῦ καὶ οἱ ἐκ τοῦ Δηλίου φυλακὴν ἐγκαταλιπόντες (εἶχον γὰρ αὐτὸ ὅμως ἔτι) ἀπεκομίσθησαν κατὰ θάλασσαν ἐπ’ οἴκου.
그리고 이튿날 오로포스에서 온 자들과 델리온에서 온 자들은 수비대를 남겨둔 채(여전히 그곳을 차지하고 있었기 때문이다) 바다를 통해 집으로 돌아갔다.