§4.57.1προσπλεόντων οὖν ἔτι τῶν Ἀθηναίων οἱ Αἰγινῆται τὸ μὲν ἐπὶ τῇ θαλάσσῃ ὃ ἔτυχον οἰκοδομοῦντες τεῖχος ἐκλείπουσιν, ἐς δὲ τὴν ἄνω πόλιν, ἐν ᾗ ᾤκουν, ἀπεχώρησαν, ἀπέχουσαν σταδίους μάλιστα δέκα τῆς θαλάσσης.
アテナイ人がなおも船で接近してくる間に、アイギナ人は海辺にたまたま建設中であった壁を放棄し、自分たちが居住していた、海からおよそ十スタディオン離れた上の町へと退却した。
§4.57.2καὶ αὐτοῖς τῶν Λακεδαιμονίων φρουρὰ μία τῶν περὶ τὴν χώραν, ἥπερ καὶ ξυνετείχιζε, ξυνεσελθεῖν μὲν ἐς τὸ τεῖχος οὐκ ἠθέλησαν δεομένων τῶν Αἰγινητῶν, ἀλλ’ αὐτοῖς κίνδυνος ἐφαίνετο ἐς τὸ τεῖχος κατακλῄεσθαι·
彼らに対し、その地方の周辺にいたラケダイモン人の守備隊の一つで、壁を共同で建設していた者たちは、アイギナ人たちが懇願したにもかかわらず、壁の中に一緒に逃げ込むことを拒んだ。 彼らにとって、壁の中に閉じ込められることは危険だと思われたからである。
ἀναχωρήσαντες δὲ ἐπὶ τὰ μετέωρα, ὡς οὐκ ἐνόμιζον ἀξιόμαχοι εἶναι, ἡσύχαζον.
そのため、彼らは高地へと退却し、自分たちが互角に戦うに足る戦力ではないと考えたので、静観していた。
§4.57.3ἐν τούτῳ δὲ οἱ Ἀθηναῖοι κατασχόντες καὶ χωρήσαντες εὐθὺς πάσῃ τῇ στρατιᾷ αἱροῦσι τὴν Θυρέαν.
その間にアテナイ人は上陸し、直ちに全軍で進撃してテュレアを攻略した。
καὶ τήν τε πόλιν κατέκαυσαν καὶ τὰ ἐνόντα ἐξεπόρθησαν, τούς τε Αἰγινήτας, ὅσοι μὴ ἐν χερσὶ διεφθάρησαν, ἄγοντες ἀφίκοντο ἐς τὰς Ἀθήνας καὶ τὸν ἄρχοντα ὃς παρ’ αὐτοῖς ἦν τῶν Λακεδαιμονίων, Τάνταλον τὸν Πατροκλέους·
そして町を焼き払い、内部のものを略奪した。 またアイギナ人のうち、戦闘中に殺されなかった者全員と、彼らのもとにいたラケダイモン人の指揮官、パトロクレスの子タンタロスを連れてアテナイに到着した。
ἐζωγρήθη γὰρ τετρωμένος.
タンタロスは負傷して生け捕りにされていたからである。
§4.57.4ἦγον δέ τινας καὶ ἐκ τῶν Κυθήρων ἄνδρας ὀλίγους, οὓς ἐδόκει ἀσφαλείας ἕνεκα μεταστῆσαι.
彼らはキュテラからも、安全のために移住させることが適当と思われた数人の人々を連行していた。
καὶ τούτους μὲν οἱ Ἀθηναῖοι ἐβουλεύσαντο καταθέσθαι ἐς τὰς νήσους, καὶ τοὺς ἄλλους Κυθηρίους οἰκοῦντας τὴν ἑαυτῶν φόρον τέσσαρα τάλαντα φέρειν, Αἰγινήτας δὲ ἀποκτεῖναι πάντας ὅσοι ἑάλωσαν διὰ τὴν προτέραν αἰεί ποτε ἔχθραν, Τάνταλον δὲ παρὰ τοὺς ἄλλους τοὺς ἐν τῇ νήσῳ Λακεδαιμονίους καταδῆσαι.
そしてアテナイ人は、これらの人々については諸島に抑留し、自国に留まる他のキュテラ人には四タラントンの貢納金を支払わせ、一方で、捕虜となったアイギナ人全員については、以前からの根深い敵対関係のために死刑に処し、タンタロスについては、あの島で捕虜となった他のラケダイモン人たちとともに拘束することを決議した。