§4.129.1Βρασίδας δὲ ἀναχωρήσας ἐκ Μακεδονίας ἐς Τορώνην καταλαμβάνει Ἀθηναίους Μένδην ἤδη ἔχοντας, καὶ αὐτοῦ ἡσυχάζων ἐς μὲν τὴν Παλλήνην ἀδύνατος ἤδη ἐνόμιζεν εἶναι διαβὰς τιμωρεῖν, τὴν δὲ Τορώνην ἐν φυλακῇ εἶχεν.
ブラシダスはマケドニアからトロネへと撤退すると、アテナイ人がすでにメンデを占有しているのを見出した。 彼はそこで静観しつつ、もはやパレネへと渡って救援に赴くことは不可能であると考え、トロネの防備を固めていた。
§4.129.2ὑπὸ γὰρ τὸν αὐτὸν χρόνον τοῖς ἐν τῇ Λύγκῳ ἐξέπλευσαν ἐπί τε τὴν Μένδην καὶ τὴν Σκιώνην οἱ Ἀθηναῖοι, ὥσπερ παρεσκευάζοντο, ναυσὶ μὲν πεντήκοντα, ὧν ἦσαν δέκα Χῖαι, ὁπλίταις δὲ χιλίοις ἑαυτῶν καὶ τοξόταις ἑξακοσίοις καὶ Θρᾳξὶ μισθωτοῖς χιλίοις καὶ ἄλλοις τῶν αὐτόθεν ξυμμάχων πελτασταῖς·
というのも、これとほぼ同じ時期に、リンコスでの出来事と並行して、アテナイ人はかねてより準備していた通り、船五十隻（うち十隻はキオス船）、自国重装兵千人、弓兵六百人、トラキア人の雇い兵千人、および現地の同盟軍からの他の軽装歩兵を率いてメンデとスキオネに向けて出航したからである。
ἐστρατήγει δὲ Νικίας ὁ Νικηράτου καὶ Νικόστρατος ὁ Διειτρέφους.
将軍はニケラトスの子ニキアスとディイトレフェスの子ニコストラトスであった。
§4.129.3ἄραντες δὲ ἐκ Ποτειδαίας ταῖς ναυσὶ καὶ σχόντες κατὰ τὸ Ποσειδώνιον ἐχώρουν ἐς τοὺς Μενδαίους.
彼らはポテイダイアから船で出発し、ポセイドニオンに寄港した後、メンデ人に向かって進軍した。
οἱ δὲ αὐτοί τε καὶ Σκιωναίων τριακόσιοι βεβοηθηκότες Πελοποννησίων τε οἱ ἐπίκουροι, ξύμπαντες [δὲ] ἑπτακόσιοι ὁπλῖται, καὶ Πολυδαμίδας ὁ ἄρχων αὐτῶν, ἔτυχον ἐξεστρατοπεδευμένοι ἔξω τῆς πόλεως ἐπὶ λόφου καρτεροῦ.
メンデ人自身と、彼らを救援に来ていたスキオネ人三百人、およびペロポネソス人の援軍（総勢で重装兵七百人）、そして彼らの指揮官ポリダミダスは、ちょうど市外の険しい丘の上に陣を敷いていた。
§4.129.4καὶ αὐτοῖς Νικίας μὲν Μεθωναίους τε ἔχων εἴκοσι καὶ ἑκατὸν ψιλοὺς καὶ λογάδας τῶν Ἀθηναίων ὁπλιτῶν ἑξήκοντα καὶ τοὺς τοξότας ἅπαντας κατὰ ἀτραπόν τινα τοῦ λόφου πειρώμενος προσβῆναι καὶ τραυματιζόμενος ὑπ’ αὐτῶν οὐκ ἐδυνήθη βιάσασθαι·
彼らに対し、ニキアスはメトネの軽装兵百二十人と、アテナイ人の精鋭の重装兵六十人、およびすべての弓兵を率いて、丘のある間道を登ろうと試みたが、敵から傷を負わされ、突破することができなかった。
Νικόστρατος δὲ ἄλλῃ ἐφόδῳ ἐκ πλέονος παντὶ τῷ ἄλλῳ στρατοπέδῳ ἐπιὼν τῷ λόφῳ ὄντι δυσπροσβάτῳ καὶ πάνυ ἐθορυβήθη, καὶ ἐς ὀλίγον ἀφίκετο πᾶν τὸ στράτευμα τῶν Ἀθηναίων νικηθῆναι.
一方、ニコストラトスは、別の接近路からより遠方より残りの全軍を率いて進撃したが、近づきがたいその丘で激しい混乱に陥り、アテナイの全軍が敗北する一歩手前まで追い込まれた。
§4.129.5καὶ ταύτῃ μὲν τῇ ἡμέρᾳ, ὡς οὐκ ἐνέδοσαν οἱ Μενδαῖοι καὶ οἱ ξύμμαχοι, οἱ Ἀθηναῖοι ἀναχωρήσαντες ἐστρατοπεδεύσαντο, καὶ οἱ Μενδαῖοι νυκτὸς ἐπελθούσης ἐς τὴν πόλιν ἀπῆλθον.
この日は、メンデ人とその同盟軍が屈しなかったため、アテナイ人は撤退して陣を敷き、メンデ人は夜が訪れると市内に退却した。