§4.109.1τοῦ δ’ αὐτοῦ χειμῶνος Μεγαρῆς τε τὰ μακρὰ τείχη, ἃ σφῶν οἱ Ἀθηναῖοι εἶχον, κατέσκαψαν ἑλόντες ἐς ἔδαφος, καὶ Βρασίδας μετὰ τὴν Ἀμφιπόλεως ἅλωσιν ἔχων τοὺς ξυμμάχους στρατεύει ἐπὶ τὴν Ἀκτὴν καλουμένην.
同じ冬、メガラ人たちは、アテナイ人が保持していた自分たちの長城を奪取して地平まで取り壊し、ブラシダスはアンフィポリスの陥落後、同盟諸兵を率いてアクテと呼ばれる地へ遠征した。
§4.109.2ἔστι δὲ ἀπὸ τοῦ βασιλέως διορύγματος ἔσω προύχουσα, καὶ ὁ Ἄθως αὐτῆς ὄρος ὑψηλὸν τελευτᾷ ἐς τὸ Αἰγαῖον πέλαγος.
この地は王の運河から内側へと突き出ており、その高い山であるアトス山がエーゲ海へと突き出て終わっている。
§4.109.3πόλεις δὲ ἔχει Σάνην μὲν Ἀνδρίων ἀποικίαν παρ’ αὐτὴν τὴν διώρυχα, ἐς τὸ πρὸς Εὔβοιαν πέλαγος τετραμμένην, τὰς δὲ ἄλλας Θυσσὸν καὶ Κλεωνὰς καὶ Ἀκροθῴους καὶ Ὀλόφυξον καὶ Δῖον·
そこには諸都市があり、一方は運河そのものの傍らにあってエウボイアに面した海を臨むアンドロス人の植民都市サネであり、他方は、テュッソス、クレオナイ、アクロトオイ、オロピュクソス、ディオンである。
§4.109.4αἳ οἰκοῦνται ξυμμείκτοις ἔθνεσι βαρβάρων διγλώσσων, καί τι καὶ Χαλκιδικὸν ἔνι βραχύ, τὸ δὲ πλεῖστον Πελασγικόν, τῶν καὶ Λῆμνόν ποτε καὶ Ἀθήνας Τυρσηνῶν οἰκησάντων, καὶ Βισαλτικὸν καὶ Κρηστωνικὸν καὶ Ἠδῶνες· κατὰ δὲ μικρὰ πολίσματα οἰκοῦσιν.
これらの都市には、二言語を話すバルバロイの混成民族が居住しており、カルキス的要素もわずかに含まれているが、大部分はペラスゴス人（かつてレムノスやアテナイに居住したテュルセニア人に属する人々）であり、さらにビサルティア人、クレストニア人、およびエドニア人であって、彼らは小さな町ごとに暮らしている。
§4.109.5καὶ οἱ μὲν πλείους προσεχώρησαν τῷ Βρασίδᾳ, Σάνη δὲ καὶ Δῖον ἀντέστη, καὶ αὐτῶν τὴν χώραν ἐμμείνας τῷ στρατῷ ἐδῄου.
そして大半の都市はブラシダスに帰順したが、サネとディオンは抵抗し、ブラシダスはそこにとどまって、軍勢を率いて彼らの土地を荒廃させた。