§4.103.1ἐπὶ ταύτην οὖν ὁ Βρασίδας ἄρας ἐξ Ἀρνῶν τῆς Χαλκιδικῆς ἐπορεύετο τῷ στρατῷ.
そこでブラシダスは、ハルキディケのアルナイから軍を率いて、この都市に向けて出発した。
καὶ ἀφικόμενος περὶ δείλην ἐπὶ τὸν Αὐλῶνα καὶ Βορμίσκον, ᾗ ἡ Βόλβη λίμνη ἐξίησιν ἐς θάλασσαν, καὶ δειπνοποιησάμενος ἐχώρει τὴν νύκτα.
そして、夕方頃にボルベ湖が海へと流れ出る場所であるアウロンとボルミスコスに到着し、夕食をとった後、夜の間進軍した。
§4.103.2χειμὼν δὲ ἦν καὶ ὑπένειφεν·
冬のことで雪がうっすらと降っていた。
ᾗ καὶ μᾶλλον ὥρμησε, βουλόμενος λαθεῖν τοὺς ἐν τῇ Ἀμφιπόλει πλὴν τῶν προδιδόντων.
そのため彼は、裏切り者たちを除いてアンフィポリス市内の人々に気づかれないことを望んで、なおさら急いで進んだ。
§4.103.3ἦσαν γὰρ Ἀργιλίων τε ἐν αὐτῇ οἰκήτορες (εἰσὶ δὲ οἱ Ἀργίλιοι Ἀνδρίων ἄποικοι) καὶ ἄλλοι οἳ ξυνέπρασσον ταῦτα, οἱ μὲν Περδίκκᾳ πειθόμενοι, οἱ δὲ Χαλκιδεῦσιν.
というのも、その市内にはアルギロスの住民（アルギロス人はアンドロス人の植民者である）や、この計画に協力する他の人々がおり、ある者はペルディッカスに、ある者はハルキディケ人に説得されていたからである。
§4.103.4μάλιστα δὲ οἱ Ἀργίλιοι, ἐγγύς τε προσοικοῦντες καὶ αἰεί ποτε τοῖς Ἀθηναίοις ὄντες ὕποπτοι καὶ ἐπιβουλεύοντες τῷ χωρίῳ, ἐπειδὴ παρέτυχεν ὁ καιρὸς καὶ Βρασίδας ἦλθεν, ἔπραξάν τε ἐκ πλέονος πρὸς τοὺς ἐμπολιτεύοντας σφῶν ἐκεῖ ὅπως ἐνδοθήσεται ἡ πόλις, καὶ τότε δεξάμενοι αὐτὸν τῇ πόλει καὶ ἀποστάντες τῶν Ἀθηναίων ἐκείνῃ τῇ νυκτὶ κατέστησαν τὸν στρατὸν πρὸ ἕω ἐπὶ τὴν γέφυραν τοῦ ποταμοῦ.
特にアルギロス人は、近くに居住し、かねてよりアテナイ人から疑われ、この土地を狙っていたが、好機が訪れてブラシダスがやって来ると、アンフィポリス市内に住む自国の同胞たちと、いかにして都市を引き渡すかについて以前から交渉を進めていた。 そしてその時、彼らはブラシダスを自らの都市に迎え入れ、アテナイ人から離反すると、その夜のうちに、夜明け前に軍を川の橋のところへと引率した。
§4.103.5ἀπέχει δὲ τὸ πόλισμα πλέον τῆς διαβάσεως, καὶ οὐ καθεῖτο τείχη ὥσπερ νῦν, φυλακὴ δέ τις βραχεῖα καθειστήκει·
都市は渡り場から離れており、当時は現在のように城壁が（橋まで）下ろされておらず、小規模な守備隊が置かれているだけだった。
ἣν βιασάμενος ῥᾳδίως ὁ Βρασίδας, ἅμα μὲν τῆς προδοσίας οὔσης, ἅμα δὲ καὶ χειμῶνος ὄντος καὶ ἀπροσδοκήτοις προσπεσών, διέβη τὴν γέφυραν, καὶ τὰ ἔξω τῶν Ἀμφιπολιτῶν οἰκούντων κατὰ πᾶν τὸ χωρίον εὐθὺς εἶχεν.
ブラシダスは、一方では裏切りがあり、他方では悪天候でもあり、また不意を突いて襲いかかったこともあって、これらを容易に制圧して橋を渡り、城壁の外に住むアンフィポリス市民の全地域における所有財産をただちに手中に収めた。