§4.103.1ἐπὶ ταύτην οὖν ὁ Βρασίδας ἄρας ἐξ Ἀρνῶν τῆς Χαλκιδικῆς ἐπορεύετο τῷ στρατῷ.
그리하여 브라시다스는 할키디케의 아르나이에서 군대를 이끌고 출발하여 이 도시를 향해 진군했다.
καὶ ἀφικόμενος περὶ δείλην ἐπὶ τὸν Αὐλῶνα καὶ Βορμίσκον, ᾗ ἡ Βόλβη λίμνη ἐξίησιν ἐς θάλασσαν, καὶ δειπνοποιησάμενος ἐχώρει τὴν νύκτα.
그리고 저녁 무렵 볼베호가 바다로 흘러드는 아울론과 브로미스코스에 도착하여, 저녁 식사를 마친 뒤 밤을 틈타 행군했다.
§4.103.2χειμὼν δὲ ἦν καὶ ὑπένειφεν·
겨울이었고 눈이 가볍게 내리고 있었다.
ᾗ καὶ μᾶλλον ὥρμησε, βουλόμενος λαθεῖν τοὺς ἐν τῇ Ἀμφιπόλει πλὴν τῶν προδιδόντων.
그래서 그는 내통자들을 제외한 암피폴리스 안의 사람들에게 들키지 않기를 바라며 더욱 서둘러 나아갔다.
§4.103.3ἦσαν γὰρ Ἀργιλίων τε ἐν αὐτῇ οἰκήτορες (εἰσὶ δὲ οἱ Ἀργίλιοι Ἀνδρίων ἄποικοι) καὶ ἄλλοι οἳ ξυνέπρασσον ταῦτα, οἱ μὲν Περδίκκᾳ πειθόμενοι, οἱ δὲ Χαλκιδεῦσιν.
그 도시 안에는 아르길로스의 주민들(아르길로스인들은 안드로스인들의 식민 이주자들이다)과 이 일을 공모하던 다른 자들이 있었는데, 일부는 페르디카스에게 설득당하고 일부는 할키디케인들에게 설득당한 자들이었다.
§4.103.4μάλιστα δὲ οἱ Ἀργίλιοι, ἐγγύς τε προσοικοῦντες καὶ αἰεί ποτε τοῖς Ἀθηναίοις ὄντες ὕποπτοι καὶ ἐπιβουλεύοντες τῷ χωρίῳ, ἐπειδὴ παρέτυχεν ὁ καιρὸς καὶ Βρασίδας ἦλθεν, ἔπραξάν τε ἐκ πλέονος πρὸς τοὺς ἐμπολιτεύοντας σφῶν ἐκεῖ ὅπως ἐνδοθήσεται ἡ πόλις, καὶ τότε δεξάμενοι αὐτὸν τῇ πόλει καὶ ἀποστάντες τῶν Ἀθηναίων ἐκείνῃ τῇ νυκτὶ κατέστησαν τὸν στρατὸν πρὸ ἕω ἐπὶ τὴν γέφυραν τοῦ ποταμοῦ.
특히 아르길로스인들은 인근에 거주하며 이전부터 늘 아테네인들에게 의심을 받아왔고 그 지역을 차지하려 음모를 꾸미고 있었는데, 마침 기회가 오고 브라시다스가 당도하자, 그곳에 거주하는 자신들의 동포들과 도시를 어떻게 넘겨줄지 이미 전부터 교섭하고 있었다. 그리고 그때 브라시다스를 자신들의 도시에 맞아들이고 아테네인들로부터 이탈하여, 그날 밤 동트기 전에 그의 군대를 강의 다리 앞으로 인도했다.
§4.103.5ἀπέχει δὲ τὸ πόλισμα πλέον τῆς διαβάσεως, καὶ οὐ καθεῖτο τείχη ὥσπερ νῦν, φυλακὴ δέ τις βραχεῖα καθειστήκει·
도시(시가지)는 건너는 곳(다리)에서 다소 떨어져 있었고, 지금처럼 성벽이 다리까지 내려와 있지 않았으며, 소규모의 초소만이 설치되어 있었다.
ἣν βιασάμενος ῥᾳδίως ὁ Βρασίδας, ἅμα μὲν τῆς προδοσίας οὔσης, ἅμα δὲ καὶ χειμῶνος ὄντος καὶ ἀπροσδοκήτοις προσπεσών, διέβη τὴν γέφυραν, καὶ τὰ ἔξω τῶν Ἀμφιπολιτῶν οἰκούντων κατὰ πᾶν τὸ χωρίον εὐθὺς εἶχεν.
브라시다스는 한편으로는 내통이 있었고, 다른 한편으로는 겨울 날씨에 불시에 습격했기 때문에 이를 쉽게 제압하고 다리를 건너, 성벽 밖에 거주하는 암피폴리스인들의 온 지역에 걸친 재산을 즉시 수중에 넣었다.