§3.79.1καὶ οἱ Κερκυραῖοι δείσαντες μὴ σφίσιν ἐπιπλεύσαντες ἐπὶ τὴν πόλιν ὡς κρατοῦντες οἱ πολέμιοι ἢ τοὺς ἐκ τῆς νήσου ἀναλάβωσιν ἢ καὶ ἄλλο τι νεωτερίσωσι, τούς τε ἐκ τῆς νήσου πάλιν ἐς τὸ Ἥραιον διεκόμισαν καὶ τὴν πόλιν ἐφύλασσον.
ケルキュラ人たちは、敵が勝者として自分たちに向かって町へと襲来し、島にいる人々を連れ戻すか、あるいは何か他の不穏な動きを起こすのではないかと恐れ、島にいた人々を再びヘーラー神殿へと送り戻し、町を警備した。
§3.79.2οἱ δ’ ἐπὶ μὲν τὴν πόλιν οὐκ ἐτόλμησαν πλεῦσαι κρατοῦντες τῇ ναυμαχίᾳ, τρεῖς δὲ καὶ δέκα ναῦς ἔχοντες τῶν Κερκυραίων ἀπέπλευσαν ἐς τὴν ἤπειρον, ὅθενπερ ἀνηγάγοντο.
一方、敵は海戦に勝利していたにもかかわらず、町へと航行する勇気はなく、ケルキュラ人の船のうち十三隻を拿捕して、自分たちが出港した場所である本土へと退却した。
§3.79.3τῇ δ’ ὑστεραίᾳ ἐπὶ μὲν τὴν πόλιν οὐδὲν μᾶλλον ἐπέπλεον, καίπερ ἐν πολλῇ ταραχῇ καὶ φόβῳ ὄντας καὶ Βρασίδου παραινοῦντος, ὡς λέγεται, Ἀλκίδᾳ, ἰσοψήφου δὲ οὐκ ὄντος·
翌日も、彼らが大きな混乱と恐怖の中にあったにもかかわらず、また伝えられるところではブラシダスがアルキダスに勧告したにもかかわらず（ただしブラシダスには同等の決定権がなかった）、敵は町へと襲撃することはやはりなかった。
ἐπὶ δὲ τὴν Λευκίμμην τὸ ἀκρωτήριον ἀποβάντες ἐπόρθουν τοὺς ἀγρούς.
その代わりに、レウキッメ岬に上陸して、田野を略奪した。