§3.67.1‘καὶ ταῦτα, ὦ Λακεδαιμόνιοι, τούτου ἕνεκα ἐπεξήλθομεν καὶ ὑπὲρ ὑμῶν καὶ ἡμῶν, ἵνα ὑμεῖς μὲν εἰδῆτε δικαίως αὐτῶν καταγνωσόμενοι, ἡμεῖς δὲ ἔτι ὁσιώτερον τετιμωρημένοι.
「スパルタ人よ、私たちは、あなた方が彼らに有罪の判決を下すのが正当であることを知り、また私たちがさらに敬虔に復讐を果たしたことを知るために、あなた方のためにも、また私たち自身のためにも、このことを詳細に論じたのです。
§3.67.2καὶ μὴ παλαιὰς ἀρετάς, εἴ τις ἄρα καὶ ἐγένετο, ἀκούοντες ἐπικλασθῆτε, ἃς χρὴ τοῖς μὲν ἀδικουμένοις ἐπικούρους εἶναι, τοῖς δὲ αἰσχρόν τι δρῶσι διπλασίας ζημίας, ὅτι οὐκ ἐκ προσηκόντων ἁμαρτάνουσιν.
そして、たとえ本当に過去に彼らの徳があったとしても、それを聞いて心が和らぐことのないようにしてください。 そのような徳は、不当な扱いを受けている者たちにとっては助けとなるべきですが、恥ずべきことを行う者たちにとっては、自分たちにふさわしくない過ちを犯したという理由で、二倍の罰をもたらすものとなるべきです。
μηδὲ ὀλοφυρμῷ καὶ οἴκτῳ ὠφελείσθων, πατέρων τε τάφους τῶν ὑμετέρων ἐπιβοώμενοι καὶ τὴν σφετέραν ἐρημίαν.
また、彼らがあなた方の父祖の墓に哀願し、自分たちの孤独を訴えることによって、哀哭や同情からいかなる益も得ることがないようにしてください。
§3.67.3καὶ γὰρ ἡμεῖς ἀνταποφαίνομεν πολλῷ δεινότερα παθοῦσαν τὴν ὑπὸ τούτων ἡλικίαν ἡμῶν διεφθαρμένην, ὧν πατέρες οἱ μὲν πρὸς ὑμᾶς τὴν Βοιωτίαν ἄγοντες ἀπέθανον ἐν Κορωνείᾳ, οἱ δὲ πρεσβῦται λελειμμένοι καὶ οἰκίαι ἐρῆμοι πολλῷ δικαιοτέραν ὑμῶν ἱκετείαν ποιοῦνται τούσδε τιμωρήσασθαι.
なぜなら、私たちもまた、彼らによって殺された私たちの若者たちが、はるかに恐ろしい苦しみを被ったことを示すからです。 彼らの父親たちのうち、ある者たちはボイオティアをあなた方の同盟へと導こうとしてコロネイアで戦死し、残された老人たちや荒廃した家々は、あなた方に対して、彼らに報復することを求める、はるかに正当な嘆願を行っているのです。
§3.67.4οἴκτου τε ἀξιώτεροι τυγχάνειν οἱ ἀπρεπές τι πάσχοντες τῶν ἀνθρώπων, οἱ δὲ δικαίως, ὥσπερ οἵδε, τὰ ἐναντία ἐπίχαρτοι εἶναι.
そして、人々のうちで同情に値するのは、不当な苦しみを受けている人々であり、一方で、正当な理由で苦しみを受けている者たち、例えば彼らのごとき者たちは、反対に、喜んで見過ごされるのが当然なのです。
§3.67.5καὶ τὴν νῦν ἐρημίαν δι’ ἑαυτοὺς ἔχουσιν·
彼らが今被っている孤独は、彼ら自身の責任です。
τοὺς γὰρ ἀμείνους ξυμμάχους ἑκόντες ἀπεώσαντο.
なぜなら、彼らはより優れた同盟者たちを、自ら進んで退けたからです。
παρενόμησάν τε οὐ προπαθόντες ὑφ’ ἡμῶν, μίσει δὲ πλέον ἢ δίκῃ κρίναντες καὶ οὐκ ἀνταποδόντες νῦν τὴν ἴσην τιμωρίαν·
また彼らは、私たちから先に害を受けたわけでもないのに法を犯し、正義よりも憎しみによって判断を下し、今や同等の報いを返しませんでした。
ἔννομα γὰρ πείσονται καὶ οὐχὶ ἐκ μάχης χεῖρας προϊσχόμενοι, ὥσπερ φασίν, ἀλλ’ ἀπὸ ξυμβάσεως ἐς δίκην σφᾶς αὐτοὺς παραδόντες.
というのも、彼らがこれから被ることは合法的なものであり、彼らが言うように戦闘の中で降伏の手を差し出したのではなく、協定に基づいて裁判に自らを委ねたからです。
§3.67.6ἀμύνατε οὖν, ὦ Λακεδαιμόνιοι, καὶ τῷ τῶν Ἑλλήνων νόμῳ ὑπὸ τῶνδε παραβαθέντι, καὶ ἡμῖν ἄνομα παθοῦσιν ἀνταπόδοτε χάριν δικαίαν ὧν πρόθυμοι γεγενήμεθα, καὶ μὴ τοῖς τῶνδε λόγοις περιωσθῶμεν ἐν ὑμῖν, ποιήσατε δὲ τοῖς Ἕλλησι παράδειγμα οὐ λόγων τοὺς ἀγῶνας προθήσοντες ἀλλ’ ἔργων, ὧν ἀγαθῶν μὲν ὄντων βραχεῖα ἡ ἀπαγγελία ἀρκεῖ, ἁμαρτανομένων δὲ λόγοι ἔπεσι κοσμηθέντες προκαλύμματα γίγνονται.
それゆえ、スパルタ人よ、彼らによって破られたギリシア人の法を擁護し、不当な仕打ちを受けた私たちに対して、私たちが示した熱意に対する正当な返礼を返しなさい。 そして、私たちがあなた方の前で彼らの言葉によって脇に押しやられることがないようにしてください。 また、ギリシア人たちに一つの範を示しなさい。 言葉の争いを提示するのではなく、行為の争いを提示することによって。 行為が善いものであるならば、短い報告だけで十分ですが、悪行であるならば、美辞麗句で飾られた言葉がその隠れ蓑となるのです。
§3.67.7ἀλλ’ ἢν οἱ ἡγεμόνες, ὥσπερ νῦν ὑμεῖς, κεφαλαιώσαντες πρὸς τοὺς ξύμπαντας διαγνώμας ποιήσησθε, ἧσσόν τις ἐπ’ ἀδίκοις ἔργοις λόγους καλοὺς ζητήσει. ’
しかし、もし指導者たちが、ちょうど今あなた方がしているように、すべての人々に対して要約された判決を下すならば、不義な行いに対して美しい言葉を探し求める者はいなくなるでしょう」