§3.56.1‘Θηβαῖοι δὲ πολλὰ μὲν καὶ ἄλλα ἡμᾶς ἠδίκησαν, τὸ δὲ τελευταῖον αὐτοὶ ξύνιστε, δι’ ὅπερ καὶ τάδε πάσχομεν.
『テーバイ人は、他の多くの点でも私たちに対して不当な行いを重ねてきましたが、その最後のものについてはあなた方自身がよく知っています。 そのことによってこそ、私たちは今このように苦しんでいるのです。
§3.56.2πόλιν γὰρ αὐτοὺς τὴν ἡμετέραν καταλαμβάνοντας ἐν σπονδαῖς καὶ προσέτι ἱερομηνίᾳ ὀρθῶς τε ἐτιμωρησάμεθα κατὰ τὸν πᾶσι νόμον καθεστῶτα, τὸν ἐπιόντα πολέμιον ὅσιον εἶναι ἀμύνεσθαι, καὶ νῦν οὐκ ἂν εἰκότως δι’ αὐτοὺς βλαπτοίμεθα.
なぜなら、条約の最中、さらには聖なる月の最中に私たちの都市を占領しようとした彼らを、私たちは「襲いかかる敵を撃退することは神聖な義務である」という万民に共通する確立された法に従って正当に処罰したからであり、今になって彼らのために私たちが理不尽に損害を被るようなことがあってはならないからです。
§3.56.3εἰ γὰρ τῷ αὐτίκα χρησίμῳ ὑμῶν τε καὶ ἐκείνων πολεμίῳ τὸ δίκαιον λήψεσθε, τοῦ μὲν ὀρθοῦ φανεῖσθε οὐκ ἀληθεῖς κριταὶ ὄντες, τὸ δὲ ξυμφέρον μᾶλλον θεραπεύοντες.
もしあなた方が、当面の自らの便宜と、あの方々が敵であるということによって正義を判定するならば、あなた方は正しいことの真の審判者ではないことが明らかとなり、むしろ自己の利益を重んじていると見なされることになるでしょう。
§3.56.4καίτοι εἰ νῦν ὑμῖν ὠφέλιμοι δοκοῦσιν εἶναι, πολὺ καὶ ἡμεῖς καὶ οἱ ἄλλοι Ἕλληνες μᾶλλον τότε ὅτε ἐν μείζονι κινδύνῳ ἦτε.
しかしながら、もし彼らが今あなた方にとって有用であると思われるなら、あなた方がより大きな危機にあった当時は、私たちや他のギリシア人の方がはるかに有用であったのです。
νῦν μὲν γὰρ ἑτέροις ὑμεῖς ἐπέρχεσθε δεινοί, ἐν ἐκείνῳ δὲ τῷ καιρῷ, ὅτε πᾶσι δουλείαν ἐπέφερεν ὁ βάρβαρος, οἵδε μετ’ αὐτοῦ ἦσαν.
というのも、今はあなた方が恐るべき攻撃者として他者に向かって進撃していますが、異民族がすべての人に奴隷状態をもたらそうとしていたあの危急の際には、彼らは異民族の側にいたからです。
§3.56.5καὶ δίκαιον ἡμῶν τῆς νῦν ἁμαρτίας, εἰ ἄρα ἡμάρτηταί τι, ἀντιθεῖναι τὴν τότε προθυμίαν·
ですから、私たちの現在の過ち（もし本当に何らかの過ちがあったとしても）に対して、当時の私たちの熱意を対置するのが公正というものです。
καὶ μείζω τε πρὸς ἐλάσσω εὑρήσετε καὶ ἐν καιροῖς οἷς σπάνιον ἦν τῶν Ἑλλήνων τινὰ ἀρετὴν τῇ Ξέρξου δυνάμει ἀντιτάξασθαι, ἐπῃνοῦντό τε μᾶλλον οἱ μὴ τὰ ξύμφορα πρὸς τὴν ἔφοδον αὑτοῖς ἀσφαλείᾳ πράσσοντες, ἐθέλοντες δὲ τολμᾶν μετὰ κινδύνων τὰ βέλτιστα.
そうすれば、より大きなものとより小さなものを対比することになるでしょう。 しかもそれは、ギリシア人の誰かがクセルクセスの軍勢に対して勇気を示して立ち向かうことが稀であったような時期におけるものでした。 当時は、自らの安全のために侵略に対して有利な道を選んだ者たちではなく、むしろ危険を冒して最善のことをあえて成し遂げようと望んだ人々こそが、より称賛されたのです。
§3.56.6ὧν ἡμεῖς γενόμενοι καὶ τιμηθέντες ἐς τὰ πρῶτα νῦν ἐπὶ τοῖς αὐτοῖς δέδιμεν μὴ διαφθαρῶμεν, Ἀθηναίους ἑλόμενοι δικαίως μᾶλλον ἢ ὑμᾶς κερδαλέως.
私たちはそのような人々の一員となり、最も高く評価されたのですが、今やまさにその同じことのゆえに、私たちが滅ぼされるのではないかと恐れています。 利益になるあなた方を選ぶよりも、正義に基づいてアテナイ人を選択したがために。
§3.56.7καίτοι χρὴ ταὐτὰ περὶ τῶν αὐτῶν ὁμοίως φαίνεσθαι γιγνώσκοντας, καὶ τὸ ξυμφέρον μὴ ἄλλο τι νομίσαι ἢ τῶν ξυμμάχων τοῖς ἀγαθοῖς ὅταν αἰεὶ βέβαιον τὴν χάριν τῆς ἀρετῆς ἔχωσι καὶ τὸ παραυτίκα που ὑμῖν ὠφέλιμον καθιστῆται.
しかしながら、同じ事柄については一貫して同じ判断を抱いているように見えるべきであり、また、利益とは、あなた方が善良な同盟者たちに対するその徳への恩義を常に確固として保ち、同時にそれが現時点であなた方にとっても有用であるような状態のほかないと見なすべきです。 』