§3.102.1ἐπειδὴ δὲ παρεσκεύαστο πάντα καὶ τοὺς ὁμήρους κατέθετο ἐς Κυτίνιον τὸ Δωρικόν, ἐχώρει τῷ στρατῷ ἐπὶ τὴν Ναύπακτον διὰ τῶν Λοκρῶν, καὶ πορευόμενος Οἰνεῶνα αἱρεῖ αὐτῶν καὶ Εὐπάλιον·
すべての準備を整え、人質をドーリス地方のキュティニオンに預けると、エウリュロコスは軍勢を率いてロクリス地方を通りナウパクトスに向けて進軍した。 そしてその途上で、ロクリス人の町であるオイネオンとエウパリオンを攻略した。
οὐ γὰρ προσεχώρησαν.
というのも、彼らは帰順しなかったからである。
§3.102.2γενόμενοι δ’ ἐν τῇ Ναυπακτίᾳ καὶ οἱ Αἰτωλοὶ ἅμα ἤδη προσβεβοηθηκότες ἐδῄουν τὴν γῆν καὶ τὸ προάστειον ἀτείχιστον ὂν εἷλον·
彼らがナウパクトス地方に入ると、すでに救援のために合流していたアイトリア人たちも加わって土地を荒らし、城壁のない郊外を占領した。
ἐπί τε Μολύκρειον ἐλθόντες τὴν Κορινθίων μὲν ἀποικίαν, Ἀθηναίων δὲ ὑπήκοον, αἱροῦσιν.
さらに、コリントス人の植民市でありながらアテナイの服属国であったモリクレイオンに進み、これを攻略した。
§3.102.3Δημοσθένης δὲ ὁ Ἀθηναῖος (ἔτι γὰρ ἐτύγχανεν ὢν μετὰ τὰ ἐκ τῆς Αἰτωλίας περὶ Ναύπακτον) προαισθόμενος τοῦ στρατοῦ καὶ δείσας περὶ αὐτῆς, ἐλθὼν πείθει Ἀκαρνᾶνας, χαλεπῶς διὰ τὴν ἐκ τῆς Λευκάδος ἀναχώρησιν, βοηθῆσαι Ναυπάκτῳ.
一方、アテナイ人のデモステネス（彼はアイトリアでの出来事の後もまだナウパクトス周辺にとどまっていたのであるが）は、この軍勢の接近を事前に察知し、町のことを案じて、自ら赴き、レウカスからの撤退の件があったために困難を極めたものの、アカルナニア人を説得してナウパクトスを救援させた。
§3.102.4καὶ πέμπουσι μετ’ αὐτοῦ ἐπὶ τῶν νεῶν χιλίους ὁπλίτας, οἳ ἐσελθόντες περιεποίησαν τὸ χωρίον·
そして彼らはデモステネスとともに船で1000人の重装歩兵を派遣し、彼らは入城してその地を守り抜いた。
δεινὸν γὰρ ἦν μὴ μεγάλου ὄντος τοῦ τείχους, ὀλίγων δὲ τῶν ἀμυνομένων, οὐκ ἀντίσχωσιν.
というのも、城壁は大きくなく、守備兵も少なかったため、持ちこたえられないのではないかという恐れがあったからである。
§3.102.5Εὐρύλοχος δὲ καὶ οἱ μετ’ αὐτοῦ ὡς ᾔσθοντο τὴν στρατιὰν ἐσεληλυθυῖαν καὶ ἀδύνατον ὂν τὴν πόλιν βίᾳ ἑλεῖν, ἀνεχώρησαν οὐκ ἐπὶ Πελοποννήσου, ἀλλ’ ἐς τὴν Αἰολίδα τὴν νῦν καλουμένην Καλυδῶνα καὶ Πλευρῶνα καὶ ἐς τὰ ταύτῃ χωρία καὶ ἐς Πρόσχιον τῆς Αἰτωλίας.
エウリュロコスとその部下たちは、その軍勢が入城したこと、そしてもはや力づくで市を攻略することは不可能であることを知ると、ペロポネソスに向けてではなく、現在ではカリュドンおよびプレウロンと呼ばれているアイオリス地方、ならびにその周辺の地域、そしてアイトリアのプロスシオンへと撤退した。
§3.102.6οἱ γὰρ Ἀμπρακιῶται ἐλθόντες πρὸς αὐτοὺς πείθουσιν ὥστε μετὰ σφῶν Ἄργει τε τῷ Ἀμφιλοχικῷ καὶ Ἀμφιλοχίᾳ τῇ ἄλλῃ ἐπιχειρῆσαι καὶ Ἀκαρνανίᾳ ἅμα, λέγοντες ὅτι, ἢν τούτων κρατήσωσι, πᾶν τὸ ἠπειρωτικὸν Λακεδαιμονίοις ξύμμαχον καθεστήξει.
というのも、アンプラキア人が彼らのもとにやって来て、自分たちとともにアムピロキコン・アルゴス、その他のアムピロキア地方、さらにはアカルナニアをも攻撃するよう説得し、もしこれらを制圧すれば、大陸部全体がラケダイモン人の同盟国になるであろうと語ったからである。
§3.102.7καὶ ὁ μὲν Εὐρύλοχος πεισθεὶς καὶ τοὺς Αἰτωλοὺς ἀφεὶς ἡσύχαζε τῷ στρατῷ περὶ τοὺς χώρους τούτους, ἕως τοῖς Ἀμπρακιώταις ἐκστρατευσαμένοις περὶ τὸ Ἄργος δέοι βοηθεῖν.
そこでエウリュロコスは説得に応じ、アイトリア人を帰らせて、アンプラキア人がアルゴスに対して出兵した際に支援する必要が生じるまで、この地域に軍を留めて待機した。
καὶ τὸ θέρος ἐτελεύτα.
こうして夏が終了した。