§3.102.1ἐπειδὴ δὲ παρεσκεύαστο πάντα καὶ τοὺς ὁμήρους κατέθετο ἐς Κυτίνιον τὸ Δωρικόν, ἐχώρει τῷ στρατῷ ἐπὶ τὴν Ναύπακτον διὰ τῶν Λοκρῶν, καὶ πορευόμενος Οἰνεῶνα αἱρεῖ αὐτῶν καὶ Εὐπάλιον·
모든 준비가 끝나고 볼모들을 도리스 지방의 키티니온에 안전하게 맡긴 뒤, 에우리로코스는 군대를 이끌고 로크리스인들의 영토를 통과하여 나우팍토스로 진격했으며, 행군 도중에 그들의 마을인 오이네온과 에우팔리온을 함락시켰다.
οὐ γὰρ προσεχώρησαν.
이 두 곳이 귀순하지 않았기 때문이다.
§3.102.2γενόμενοι δ’ ἐν τῇ Ναυπακτίᾳ καὶ οἱ Αἰτωλοὶ ἅμα ἤδη προσβεβοηθηκότες ἐδῄουν τὴν γῆν καὶ τὸ προάστειον ἀτείχιστον ὂν εἷλον·
그들이 나우팍토스 영내에 이르자, 이미 지원하러 와 있던 아이토리아인들도 합세하여 그 땅을 황폐화하고 성벽이 없던 외곽 지역을 함락했다.
ἐπί τε Μολύκρειον ἐλθόντες τὴν Κορινθίων μὲν ἀποικίαν, Ἀθηναίων δὲ ὑπήκοον, αἱροῦσιν.
이어 그들은 코린토스인들의 식민시이자 아테네인들의 속국이었던 몰리크레이온으로 진격하여 이를 점령했다.
§3.102.3Δημοσθένης δὲ ὁ Ἀθηναῖος (ἔτι γὰρ ἐτύγχανεν ὢν μετὰ τὰ ἐκ τῆς Αἰτωλίας περὶ Ναύπακτον) προαισθόμενος τοῦ στρατοῦ καὶ δείσας περὶ αὐτῆς, ἐλθὼν πείθει Ἀκαρνᾶνας, χαλεπῶς διὰ τὴν ἐκ τῆς Λευκάδος ἀναχώρησιν, βοηθῆσαι Ναυπάκτῳ.
한편 아테네인 데모스테네스는(그는 아이토리아에서의 사태 이후에도 여전히 나우팍토스 주변에 머무르고 있었다) 적군의 움직임을 미리 알아채고 나우팍토스를 걱정하여, 직접 가서 아카르나니아인들을 설득해 나우팍토스를 구원하도록 했다. 레우카스에서의 철수 사건 때문에 설득하는 일이 매우 어려웠음에도 말이다.
§3.102.4καὶ πέμπουσι μετ’ αὐτοῦ ἐπὶ τῶν νεῶν χιλίους ὁπλίτας, οἳ ἐσελθόντες περιεποίησαν τὸ χωρίον·
아카르나니아인들은 그와 함께 배에 승선시켜 중장보병 천 명을 보냈고, 그들은 나우팍토스로 들어가 그 지역을 지켜냈다.
δεινὸν γὰρ ἦν μὴ μεγάλου ὄντος τοῦ τείχους, ὀλίγων δὲ τῶν ἀμυνομένων, οὐκ ἀντίσχωσιν.
성벽이 크지 않고 수비병도 적어서 버텨내지 못할까 봐 두려웠기 때문이다.
§3.102.5Εὐρύλοχος δὲ καὶ οἱ μετ’ αὐτοῦ ὡς ᾔσθοντο τὴν στρατιὰν ἐσεληλυθυῖαν καὶ ἀδύνατον ὂν τὴν πόλιν βίᾳ ἑλεῖν, ἀνεχώρησαν οὐκ ἐπὶ Πελοποννήσου, ἀλλ’ ἐς τὴν Αἰολίδα τὴν νῦν καλουμένην Καλυδῶνα καὶ Πλευρῶνα καὶ ἐς τὰ ταύτῃ χωρία καὶ ἐς Πρόσχιον τῆς Αἰτωλίας.
에우리로코스와 그의 부하들은 구원병이 들어왔으며 무력으로 그 도시를 함락하는 것이 불가능함을 깨닫고, 펠로폰네소스 방면이 아니라 현재 칼리돈과 플레우론이라 불리는 아이올리스 지방과 그 일대의 요새들, 그리고 아이토리아의 프로스히온으로 철수했다.
§3.102.6οἱ γὰρ Ἀμπρακιῶται ἐλθόντες πρὸς αὐτοὺς πείθουσιν ὥστε μετὰ σφῶν Ἄργει τε τῷ Ἀμφιλοχικῷ καὶ Ἀμφιλοχίᾳ τῇ ἄλλῃ ἐπιχειρῆσαι καὶ Ἀκαρνανίᾳ ἅμα, λέγοντες ὅτι, ἢν τούτων κρατήσωσι, πᾶν τὸ ἠπειρωτικὸν Λακεδαιμονίοις ξύμμαχον καθεστήξει.
암브라키아인들이 그들에게 와서 자신들과 힘을 합쳐 암필로키아의 아르고스와 그 외의 암필로키아 전역, 나아가 아카르나니아까지 동시에 공격하자고 설득했기 때문이다. 그들은 이곳들을 제압하면 대륙부 전체가 라케다이몬인들의 동맹국이 될 것이라고 주장했다.
§3.102.7καὶ ὁ μὲν Εὐρύλοχος πεισθεὶς καὶ τοὺς Αἰτωλοὺς ἀφεὶς ἡσύχαζε τῷ στρατῷ περὶ τοὺς χώρους τούτους, ἕως τοῖς Ἀμπρακιώταις ἐκστρατευσαμένοις περὶ τὸ Ἄργος δέοι βοηθεῖν.
이에 에우리로코스는 설득되어 아이토리아인들을 돌려보내고, 암브라키아인들이 아르고스로 출병하여 지원이 필요해질 때까지 군대를 이끌고 이 지역 근처에서 대기했다.
καὶ τὸ θέρος ἐτελεύτα.
이렇게 여름이 끝났다.