§2.70.1τοῦ δ’ αὐτοῦ χειμῶνος οἱ Ποτειδεᾶται ἐπειδὴ οὐκέτι ἐδύναντο πολιορκούμενοι ἀντέχειν, ἀλλ’ αἵ τε ἐς τὴν Ἀττικὴν ἐσβολαὶ Πελοποννησίων οὐδὲν μᾶλλον ἀπανίστασαν τοὺς Ἀθηναίους ὅ τε σῖτος ἐπελελοίπει, καὶ ἄλλα τε πολλὰ ἐπεγεγένητο αὐτόθι ἤδη βρώσεως πέρι ἀναγκαίας καί τινες καὶ ἀλλήλων ἐγέγευντο, οὕτω δὴ λόγους προσφέρουσι περὶ ξυμβάσεως τοῖς στρατηγοῖς τῶν Ἀθηναίων τοῖς ἐπὶ σφίσι τεταγμένοις, Ξενοφῶντί τε τῷ Εὐριπίδου καὶ Ἑστιοδώρῳ τῷ Ἀριστοκλείδου καὶ Φανομάχῳ τῷ Καλλιμάχου.
同じ冬、ポテイダイアの人々は、包囲されてもはや持ちこたえることができなくなると、――ペロポネソス人によるアッティカへの侵入もアテナイ人を全く退散させず、食料は尽き果て、そこでは生存に必要な食料についてすでに他にも多くの事態が生じており、中には互いの肉を食べ合う者さえいたほどであったので、――ついに、自分たちに対して配備されていたアテナイ人の将軍たち、すなわちエウリピデスの子クセノポン、アリストクレイデスの子ヘスティオドロス、カリマコスの子パノマコスに対して、協定についての交渉を申し出た。
§2.70.2οἱ δὲ προσεδέξαντο, ὁρῶντες μὲν τῆς στρατιᾶς τὴν ταλαιπωρίαν ἐν χωρίῳ χειμερινῷ, ἀνηλωκυίας δὲ ἤδη τῆς πόλεως δισχίλια τάλαντα ἐς τὴν πολιορκίαν.
将軍たちはこれを受け入れた。 彼らは冬の厳しい土地における軍勢の労苦を目にし、また国家がすでに包囲戦に二千タラントンを費やしているのを見ていたからである。
§2.70.3ἐπὶ τοῖσδε οὖν ξυνέβησαν, ἐξελθεῖν αὐτοὺς καὶ παῖδας καὶ γυναῖκας καὶ τοὺς ἐπικούρους ξὺν ἑνὶ ἱματίῳ, γυναῖκας δὲ ξὺν δυοῖν, καὶ ἀργύριόν τι ῥητὸν ἔχοντας ἐφόδιον.
そこで彼らは、以下の条件で合意に達した。 彼ら自身と子供たち、妻たち、および救援軍は、衣服一枚（女性は二枚）を身にまとい、旅費として定められた額の金銭を携えて退去すること。
§2.70.4καὶ οἱ μὲν ὑπόσπονδοι ἐξῆλθον ἔς τε τὴν Χαλκιδικὴν καὶ ᾗ ἕκαστος ἐδύνατο·
こうして彼らは休戦協定を結んで退去し、カルキディケ地方や、各自が行くことのできる場所へと向かった。
Ἀθηναῖοι δὲ τούς τε στρατηγοὺς ἐπῃτιάσαντο ὅτι ἄνευ αὐτῶν ξυνέβησαν (ἐνόμιζον γὰρ ἂν κρατῆσαι τῆς πόλεως ᾗ ἐβούλοντο), καὶ ὕστερον ἐποίκους ἔπεμψαν ἑαυτῶν ἐς τὴν Ποτείδαιαν καὶ κατῴκισαν.
しかしアテナイ人は、将軍たちが自分たちの承認なしに協定を結んだとして彼らを非難した（彼らは自分たちの望む方法でその都市を征服できたはずだと考えていたからである）。 そして後に、アテナイ人は自らの植民者をポテイダイアに派遣して入植させた。
ταῦτα μὲν ἐν τῷ χειμῶνι ἐγένετο, καὶ [τὸ] δεύτερον ἔτος ἐτελεύτα τῷ πολέμῳ τῷδε ὃν Θουκυδίδης ξυνέγραψεν.
これらのことがこの冬の間に起こり、トゥキディデスが記述したこの戦争の第二年が終了した。