§2.70.1τοῦ δ’ αὐτοῦ χειμῶνος οἱ Ποτειδεᾶται ἐπειδὴ οὐκέτι ἐδύναντο πολιορκούμενοι ἀντέχειν, ἀλλ’ αἵ τε ἐς τὴν Ἀττικὴν ἐσβολαὶ Πελοποννησίων οὐδὲν μᾶλλον ἀπανίστασαν τοὺς Ἀθηναίους ὅ τε σῖτος ἐπελελοίπει, καὶ ἄλλα τε πολλὰ ἐπεγεγένητο αὐτόθι ἤδη βρώσεως πέρι ἀναγκαίας καί τινες καὶ ἀλλήλων ἐγέγευντο, οὕτω δὴ λόγους προσφέρουσι περὶ ξυμβάσεως τοῖς στρατηγοῖς τῶν Ἀθηναίων τοῖς ἐπὶ σφίσι τεταγμένοις, Ξενοφῶντί τε τῷ Εὐριπίδου καὶ Ἑστιοδώρῳ τῷ Ἀριστοκλείδου καὶ Φανομάχῳ τῷ Καλλιμάχου.
같은 겨울, 포테이다이아인들은 포위되어 더 이상 버틸 수 없게 되자—펠로폰네소스인들의 아티카 침입도 아테네인들을 전혀 퇴각시키지 못했고 식량은 바닥났으며, 그곳에서는 이미 생존에 필요한 식량을 두고 다른 많은 참상이 벌어져 어떤 이들은 서로를 먹기까지 했기에—마침내 자신들을 포위하고 있던 아테네 장군들, 즉 에우리피데스의 아들 크세노폰, 아리스토클레이데스의 아들 헤스티오도로스, 칼리마코스의 아들 파노마코스에게 협정에 관한 협상을 제안했다.
§2.70.2οἱ δὲ προσεδέξαντο, ὁρῶντες μὲν τῆς στρατιᾶς τὴν ταλαιπωρίαν ἐν χωρίῳ χειμερινῷ, ἀνηλωκυίας δὲ ἤδη τῆς πόλεως δισχίλια τάλαντα ἐς τὴν πολιορκίαν.
장군들은 이를 받아들였는데, 한편으로는 겨울철의 혹독한 지역에서 자신들의 군대가 겪는 고초를 보았기 때문이고, 다른 한편으로는 국가가 이미 포위 공격에 이천 탈란톤을 소비했기 때문이다.
§2.70.3ἐπὶ τοῖσδε οὖν ξυνέβησαν, ἐξελθεῖν αὐτοὺς καὶ παῖδας καὶ γυναῖκας καὶ τοὺς ἐπικούρους ξὺν ἑνὶ ἱματίῳ, γυναῖκας δὲ ξὺν δυοῖν, καὶ ἀργύριόν τι ῥητὸν ἔχοντας ἐφόδιον.
그리하여 그들은 다음과 같은 조건으로 합의했다. 그들 자신과 자녀들, 아내들, 그리고 구원군이 옷 한 벌(여성은 두 벌)씩만 걸치고, 여비로 정해진 액수의 돈을 지닌 채 퇴거한다는 것이었다.
§2.70.4καὶ οἱ μὲν ὑπόσπονδοι ἐξῆλθον ἔς τε τὴν Χαλκιδικὴν καὶ ᾗ ἕκαστος ἐδύνατο·
그리하여 그들은 휴전 협정을 맺고 퇴거하여 칼키디케 지방과 각자가 갈 수 있는 곳으로 향했다.
Ἀθηναῖοι δὲ τούς τε στρατηγοὺς ἐπῃτιάσαντο ὅτι ἄνευ αὐτῶν ξυνέβησαν (ἐνόμιζον γὰρ ἂν κρατῆσαι τῆς πόλεως ᾗ ἐβούλοντο), καὶ ὕστερον ἐποίκους ἔπεμψαν ἑαυτῶν ἐς τὴν Ποτείδαιαν καὶ κατῴκισαν.
그러나 아테네인들은 장군들이 자신들의 동의 없이 협정을 맺었다고 비난했다(그들은 자신들이 원하는 방식으로 그 도시를 함락시킬 수 있었을 것이라고 생각했기 때문이다). 그리고 나중에 그들은 자신들의 이주민들을 포테이다이아로 보내 정착시켰다.
ταῦτα μὲν ἐν τῷ χειμῶνι ἐγένετο, καὶ [τὸ] δεύτερον ἔτος ἐτελεύτα τῷ πολέμῳ τῷδε ὃν Θουκυδίδης ξυνέγραψεν.
이 일들은 겨울 동안 일어났으며, 투키디데스가 기록한 이 전쟁의 제2년이 끝났다.