§2.7.1γεγενημένου δὲ τοῦ ἐν Πλαταιαῖς ἔργου καὶ λελυμένων λαμπρῶς τῶν σπονδῶν οἱ Ἀθηναῖοι παρεσκευάζοντο ὡς πολεμήσοντες, παρεσκευάζοντο δὲ καὶ Λακεδαιμόνιοι καὶ οἱ ξύμμαχοι, πρεσβείας τε μέλλοντες πέμπειν παρὰ βασιλέα καὶ ἄλλοσε πρὸς τοὺς βαρβάρους, εἴ ποθέν τινα ὠφελίαν ἤλπιζον ἑκάτεροι προσλήψεσθαι, πόλεις τε ξυμμαχίδας ποιούμενοι ὅσαι ἦσαν ἐκτὸς τῆς ἑαυτῶν δυνάμεως.
プラタイアでの出来事が起こり、和平条約が明白に破られたので、アテナイ人は戦争をするつもりで準備を進め、ラケダイモーン人とその同盟者たちも、双方ともどこかから何らかの援助が得られると期待して王やその他の蛮族のもとへと使節を派遣しようとし、自分たちの勢力範囲外にある同盟都市を味方に獲得しようとしながら、準備を進めた。
§2.7.2καὶ Λακεδαιμονίοις μὲν πρὸς ταῖς αὐτοῦ ὑπαρχούσαις ἐξ Ἰταλίας καὶ Σικελίας τοῖς τἀκείνων ἑλομένοις ναῦς ἐπετάχθη ποιεῖσθαι κατὰ μέγεθος τῶν πόλεων, ὡς ἐς τὸν πάντα ἀριθμὸν πεντακοσίων νεῶν ἐσομένων, καὶ ἀργύριον ῥητὸν ἑτοιμάζειν, τά τε ἄλλα ἡσυχάζοντας καὶ Ἀθηναίους δεχομένους μιᾷ νηὶ ἕως ἂν ταῦτα παρασκευασθῇ.
そして、ラケダイモーン人側には、国内にすでに存在する船に加えて、イタリアとシケリアの彼らの側を選んだ者たちに対して、都市の規模に応じて船を建造することが課され、その総数は五百隻に達するものと見込まれた。 また、一定の額の資金を準備することも命じられ、これらの準備が整うまでは、他の点では平穏を保ち、アテナイ人を一隻の船だけで受け入れるようにとされた。
§2.7.3Ἀθηναῖοι δὲ τήν τε ὑπάρχουσαν ξυμμαχίαν ἐξήταζον καὶ ἐς τὰ περὶ Πελοπόννησον μᾶλλον χωρία ἐπρεσβεύοντο, Κέρκυραν καὶ Κεφαλληνίαν καὶ Ἀκαρνᾶνας καὶ Ζάκυνθον, ὁρῶντες, εἰ σφίσι φίλια ταῦτ’ εἴη βεβαίως, πέριξ τὴν Πελοπόννησον καταπολεμήσοντες.
一方アテナイ人は、既存の同盟関係を調査するとともに、ペロポネソス周辺の地域、すなわちケルキュラ、ケパレニア、アカルナニア、ザキュントスへ主として使節を派遣した。 これは、もしこれらが自分たちにとって確実に友好関係にあるならば、ペロポネソスを包囲するようにして戦争を進めることができるだろうと見越してのことであった。