§2.37.1‘χρώμεθα γὰρ πολιτείᾳ οὐ ζηλούσῃ τοὺς τῶν πέλας νόμους, παράδειγμα δὲ μᾶλλον αὐτοὶ ὄντες τισὶν ἢ μιμούμενοι ἑτέρους.
‘私たちは、隣人の法律を模倣することのない国制を用いており、他者の真似をするのではなく、むしろ私たち自身がある人々に対して手本となっている。
καὶ ὄνομα μὲν διὰ τὸ μὴ ἐς ὀλίγους ἀλλ’ ἐς πλείονας οἰκεῖν δημοκρατία κέκληται·
そして、それは少数の人々のためではなく、より多くの人々のために運営されているため、その名は民主政と呼ばれている。
μέτεστι δὲ κατὰ μὲν τοὺς νόμους πρὸς τὰ ἴδια διάφορα πᾶσι τὸ ἴσον, κατὰ δὲ τὴν ἀξίωσιν, ὡς ἕκαστος ἔν τῳ εὐδοκιμεῖ, οὐκ ἀπὸ μέρους τὸ πλέον ἐς τὰ κοινὰ ἢ ἀπ’ ἀρετῆς προτιμᾶται, οὐδ’ αὖ κατὰ πενίαν, ἔχων γέ τι ἀγαθὸν δρᾶσαι τὴν πόλιν, ἀξιώματος ἀφανείᾳ κεκώλυται.
しかし、私的な紛争に関しては、法律に従って、すべての人に平等が与えられている。 他方、公的な活動においては、各自が何らかの分野で秀でているのに応じて、特定の身分によるのではなく、その徳によって、より優先される。 また、貧しさのゆえに、国家に対して何か有益な働きをすることができるにもかかわらず、地位が低いという理由で、その道が閉ざされることもない。
§2.37.2ἐλευθέρως δὲ τά τε πρὸς τὸ κοινὸν πολιτεύομεν καὶ ἐς τὴν πρὸς ἀλλήλους τῶν καθ᾽ ἡμέραν ἐπιτηδευμάτων ὑποψίαν, οὐ δι’ ὀργῆς τὸν πέλας, εἰ καθ’ ἡδονήν τι δρᾷ, ἔχοντες, οὐδὲ ἀζημίους μέν, λυπηρὰς δὲ τῇ ὄψει ἀχθηδόνας προστιθέμενοι.
私たちは、公の事柄においても、日々のいとなみをめぐる互いに対する猜疑心に対しても、自由に行動している。 隣人が自分の好むままに行動しているからといって怒りを向けることはなく、また、実害を伴わないとはいえ、見る者に不快感を与えるような気まずい表情を向けることもない。
§2.37.3ἀνεπαχθῶς δὲ τὰ ἴδια προσομιλοῦντες τὰ δημόσια διὰ δέος μάλιστα οὐ παρανομοῦμεν, τῶν τε αἰεὶ ἐν ἀρχῇ ὄντων ἀκροάσει καὶ τῶν νόμων, καὶ μάλιστα αὐτῶν ὅσοι τε ἐπ’ ὠφελίᾳ τῶν ἀδικουμένων κεῖνται καὶ ὅσοι ἄγραφοι ὄντες αἰσχύνην ὁμολογουμένην φέρουσιν.
このように私生活においては互いに穏やかに交わりつつ、公の事柄については、主に畏怖の念から、法を犯すことがない。 それは、その時々の支配者と法律に従うことによってであり、とりわけ、虐げられている者の助けとなるよう定められている法律や、成文化されていなくても、それに反することが共通の恥とされる不文律に従うことによってである。