§2.11.1‘ἄνδρες Πελοποννήσιοι καὶ ξύμμαχοι, καὶ οἱ πατέρες ἡμῶν πολλὰς στρατείας καὶ ἐν αὐτῇ Πελοποννήσῳ καὶ ἔξω ἐποιήσαντο, καὶ ἡμῶν αὐτῶν οἱ πρεσβύτεροι οὐκ ἄπειροι πολέμων εἰσίν·
「ペロポネソス人および同盟国の諸君、私たちの父祖たちも、ペロポネソスそのものにおいても国外においても多くの遠征を行い、また私たち自身の年長者たちも戦争に未経験ではない。
ὅμως δὲ τῆσδε οὔπω μείζονα παρασκευὴν ἔχοντες ἐξήλθομεν, ἀλλὰ καὶ ἐπὶ πόλιν δυνατωτάτην νῦν ἐρχόμεθα καὶ αὐτοὶ πλεῖστοι καὶ ἄριστοι στρατεύοντες.
しかしながら、これほど大きな備えを持って出征したことはいまだかつてなく、私たちは今、極めて強力な都市に向かって進んでおり、私たち自身も、最も数が多く最も優れた軍勢として遠征しているのである。
§2.11.2δίκαιον οὖν ἡμᾶς μήτε τῶν πατέρων χείρους φαίνεσθαι μήτε ἡμῶν αὐτῶν τῆς δόξης ἐνδεεστέρους.
したがって、私たちが父祖たちよりも劣っているように見えたり、自分たちの名声に背いたりしないようにするのが当然である。
ἡ γὰρ Ἑλλὰς πᾶσα τῇδε τῇ ὁρμῇ ἐπῆρται καὶ προσέχει τὴν γνώμην, εὔνοιαν ἔχουσα διὰ τὸ Ἀθηναίων ἔχθος πρᾶξαι ἡμᾶς ἃ ἐπινοοῦμεν.
全ギリシアがこの進軍に興奮して関心を寄せており、アテナイ人への憎しみゆえに、私たちが企てていることを成し遂げるよう好意を抱いて見守っているのだから。
§2.11.3οὔκουν χρή, εἴ τῳ καὶ δοκοῦμεν πλήθει ἐπιέναι καὶ ἀσφάλεια πολλὴ εἶναι μὴ ἂν ἐλθεῖν τοὺς ἐναντίους ἡμῖν διὰ μάχης, τούτων ἕνεκα ἀμελέστερόν τι παρεσκευασμένους χωρεῖν, ἀλλὰ καὶ πόλεως ἑκάστης ἡγεμόνα καὶ στρατιώτην τὸ καθ’ αὑτὸν αἰεὶ προσδέχεσθαι ἐς κίνδυνόν τινα ἥξειν.
それゆえ、たとえ誰かにとって私たちが大軍で進撃しており、敵が我々と戦うために出てくることは決してないという大きな安全があるように思われるとしても、これらのことのために少しでも油断して備えを怠って進軍するようなことがあってはならない。 むしろ、各都市の指揮官も兵士も、各人が常に何らかの危険に直面するかもしれないと覚悟すべきである。
§2.11.4ἄδηλα γὰρ τὰ τῶν πολέμων, καὶ ἐξ ὀλίγου τὰ πολλὰ καὶ δι’ ὀργῆς αἱ ἐπιχειρήσεις γίγνονται·
戦争の諸事は予測不可能であり、多くの場合、不意に、そして怒りによって攻撃が仕掛けられるからである。
πολλάκις τε τὸ ἔλασσον πλῆθος δεδιὸς ἄμεινον ἠμύνατο τοὺς πλέονας διὰ τὸ καταφρονοῦντας ἀπαρασκεύους γενέσθαι.
また、数が劣る軍勢であっても、恐れを抱いて警戒している方が、軽蔑して備えを怠っている多数の敵をより良く撃退することはしばしばある。
§2.11.5χρὴ δὲ αἰεὶ ἐν τῇ πολεμίᾳ τῇ μὲν γνώμῃ θαρσαλέους στρατεύειν, τῷ δ’ ἔργῳ δεδιότας παρεσκευάσθαι·
敵地にあっては、心の中では勇敢に戦う意志を持ちながらも、実際の行動においては恐れを抱いて備えをするべきである。
οὕτω γὰρ πρός τε τὸ ἐπιέναι τοῖς ἐναντίοις εὐψυχότατοι ἂν εἶεν πρός τε τὸ ἐπιχειρεῖσθαι ἀσφαλέστατοι.
そうすれば、敵を攻撃するに際しては最も勇敢であり得、攻撃を受けるに際しては最も安全であり得るからだ。
§2.11.6ἡμεῖς δὲ οὐδ’ ἐπὶ ἀδύνατον ἀμύνεσθαι οὕτω πόλιν ἐρχόμεθα, ἀλλὰ τοῖς πᾶσιν ἄριστα παρεσκευασμένην, ὥστε χρὴ καὶ πάνυ ἐλπίζειν διὰ μάχης ἰέναι αὐτούς, εἰ μὴ καὶ νῦν ὥρμηνται ἐν ᾧ οὔπω πάρεσμεν, ἀλλ’ ὅταν ἐν τῇ γῇ ὁρῶσιν ἡμᾶς δῃοῦντάς τε καὶ τἀκείνων φθείροντας.
そして私たちが向かっているのは、防衛する力のない都市などではなく、あらゆる点で最善の準備を整えている都市である。 したがって、彼らが私たちがまだ到着していない今すでに戦闘に向けて出撃していないとしても、私たちが彼らの土地で略奪し、彼らの財産を破壊しているのを目にするときには、彼らが戦闘に打って出てくることを大いに予期すべきである。
§2.11.7πᾶσι γὰρ ἐν τοῖς ὄμμασι καὶ ἐν τῷ παραυτίκα ὁρᾶν πάσχοντάς τι ἄηθες ὀργὴ προσπίπτει·
なぜなら、すべての者にとって、不慣れな損害を被るのを目の当たりにし、その瞬間に直視するとき、怒りが襲いかかるからである。
καὶ οἱ λογισμῷ ἐλάχιστα χρώμενοι θυμῷ πλεῖστα ἐς ἔργον καθίστανται.
そして、理性を最も働かせない者たちこそ、激しい怒りによって最も行動に駆り立てられるものなのだ。
§2.11.8Ἀθηναίους δὲ καὶ πλέον τι τῶν ἄλλων εἰκὸς τοῦτο δρᾶσαι, οἳ ἄρχειν τε τῶν ἄλλων ἀξιοῦσι καὶ ἐπιόντες τὴν τῶν πέλας δῃοῦν μᾶλλον ἢ τὴν αὑτῶν ὁρᾶν.
他者を支配することを自負し、自国の土地が蹂躙されるのを見るよりはむしろ、他国を侵略して隣人の土地を蹂躙することを望むアテナイ人にとって、なおさらこのように行動するのは当然である。
§2.11.9ὡς οὖν ἐπὶ τοσαύτην πόλιν στρατεύοντες καὶ μεγίστην δόξαν οἰσόμενοι τοῖς τε προγόνοις καὶ ἡμῖν αὐτοῖς ἐπ’ ἀμφότερα ἐκ τῶν ἀποβαινόντων, ἕπεσθ’ ὅπῃ ἄν τις ἡγῆται, κόσμον καὶ φυλακὴν περὶ παντὸς ποιούμενοι καὶ τὰ παραγγελλόμενα ὀξέως δεχόμενοι·
それゆえ、これほど偉大な都市に遠征し、結果がどうなるかによって先祖たちと私たち自身に、良くも悪くも最大の名声をもたらすことになるのだから、どこであれ指揮官が導くところに従い、規律と警戒を何よりも重んじ、命令には素早く従いなさい。
κάλλιστον γὰρ τόδε καὶ ἀσφαλέστατον, πολλοὺς ὄντας ἑνὶ κόσμῳ χρωμένους φαίνεσθαι. ’
大軍でありながら、一つの規律に従う姿を示すことこそ、最も美しく、また最も安全なのだから」