§1.70.1‘καὶ ἅμα, εἴπερ τινὲς καὶ ἄλλοι, ἄξιοι νομίζομεν εἶναι τοῖς πέλας ψόγον ἐπενεγκεῖν, ἄλλως τε καὶ μεγάλων τῶν διαφερόντων καθεστώτων, περὶ ὧν οὐκ αἰσθάνεσθαι ἡμῖν γε δοκεῖτε, οὐδ’ ἐκλογίσασθαι πώποτε πρὸς οἵους ὑμῖν Ἀθηναίους ὄντας καὶ ὅσον ὑμῶν καὶ ὡς πᾶν διαφέροντας ὁ ἀγὼν ἔσται.
「また同時に、もし他の誰かがそうであるとすれば、私たちこそが隣人に非難をもたらすにふさわしいと考えている。 特に重大な利害の不一致が生じている中ではなおさらであり、それについてあなたがたは気づいていないように私たちには思われるし、自分たちが戦う相手となるアテナイ人がいかなる人々であり、あなたがたといかに異なり、またいかに全面的に異なっているかを、これまで一度も深く考えたことがないように見える。
§1.70.2οἱ μέν γε νεωτεροποιοὶ καὶ ἐπινοῆσαι ὀξεῖς καὶ ἐπιτελέσαι ἔργῳ ἃ ἂν γνῶσιν·
彼らは変革を好み、構想することも行動に移すことも素早いが、決意したことは何でも。
ὑμεῖς δὲ τὰ ὑπάρχοντά τε σῴζειν καὶ ἐπιγνῶναι μηδὲν καὶ ἔργῳ οὐδὲ τἀναγκαῖα ἐξικέσθαι.
これに対してあなたがたは、今あるものを守り、新たな計画を立てず、行動においては必要なことさえ成し遂げない。
§1.70.3αὖθις δὲ οἱ μὲν καὶ παρὰ δύναμιν τολμηταὶ καὶ παρὰ γνώμην κινδυνευταὶ καὶ ἐν τοῖς δεινοῖς εὐέλπιδες·
さらに、彼らは自らの力を超えて大胆であり、判断力を超えて危険を冒し、危難の中にあっても希望に満ちている。
τὸ δὲ ὑμέτερον τῆς τε δυνάμεως ἐνδεᾶ πρᾶξαι τῆς τε γνώμης μηδὲ τοῖς βεβαίοις πιστεῦσαι τῶν τε δεινῶν μηδέποτε οἴεσθαι ἀπολυθήσεσθαι.
しかしあなたがたのやり方は、自らの力に満たない行動をとり、確実な判断さえ信頼せず、危難から決して抜け出せないと思い込むことである。
§1.70.4καὶ μὴν καὶ ἄοκνοι πρὸς ὑμᾶς μελλητὰς καὶ ἀποδημηταὶ πρὸς ἐνδημοτάτους·
さらにまた、ためらいがちなあなたがたに対して彼らは迅速に行動し、最も内弁慶なあなたがたに対して彼らは外へと出かけていく。
οἴονται γὰρ οἱ μὲν τῇ ἀπουσίᾳ ἄν τι κτᾶσθαι, ὑμεῖς δὲ τῷ ἐπελθεῖν καὶ τὰ ἑτοῖμα ἂν βλάψαι.
なぜなら、彼らは遠征によって何かを手に入れられると考え、あなたがたは進撃することによって既にあるものさえ損なうかもしれないと考えるからである。
§1.70.5κρατοῦντές τε τῶν ἐχθρῶν ἐπὶ πλεῖστον ἐξέρχονται καὶ νικώμενοι ἐπ’ ἐλάχιστον ἀναπίπτουσιν.
そして、彼らは敵に勝利したときにはどこまでも突き進み、敗れたときにはごくわずかしか後退しない。
§1.70.6ἔτι δὲ τοῖς μὲν σώμασιν ἀλλοτριωτάτοις ὑπὲρ τῆς πόλεως χρῶνται, τῇ δὲ γνώμῃ οἰκειοτάτῃ ἐς τὸ πράσσειν τι ὑπὲρ αὐτῆς.
さらに、彼らは自らの身体を、都市のためには最も自分とは無関係な他人のものとして使い、自らの知性を、都市のために何かを成し遂げるためには最も自らに属するものとして用いる。
§1.70.7καὶ ἃ μὲν ἂν ἐπινοήσαντες μὴ ἐπεξέλθωσιν, οἰκείων στέρεσθαι ἡγοῦνται, ἃ δ’ ἂν ἐπελθόντες κτήσωνται, ὀλίγα πρὸς τὰ μέλλοντα τυχεῖν πράξαντες.
そして、彼らは自らが構想しながらも実行に移さなかったものを、本来自分の持っていたものを奪われたかのように見なし、進撃して獲得したものを、将来手に入れるはずのものに比べればわずかなものと見なす。
ἢν δ’ ἄρα του καὶ πείρᾳ σφαλῶσιν, ἀντελπίσαντες ἄλλα ἐπλήρωσαν τὴν χρείαν·
そして、もし何らかの試みに失敗しても、別の希望を抱くことでその欠乏を埋めてしまう。
μόνοι γὰρ ἔχουσί τε ὁμοίως καὶ ἐλπίζουσιν ἃ ἂν ἐπινοήσωσι διὰ τὸ ταχεῖαν τὴν ἐπιχείρησιν ποιεῖσθαι ὧν ἂν γνῶσιν.
なぜなら、決意したことを実行に移すのが迅速であるため、彼らだけが、構想したものと同じようにそれを手にし、かつ望むことができるからである。
§1.70.8καὶ ταῦτα μετὰ πόνων πάντα καὶ κινδύνων δι’ ὅλου τοῦ αἰῶνος μοχθοῦσι, καὶ ἀπολαύουσιν ἐλάχιστα τῶν ὑπαρχόντων διὰ τὸ αἰεὶ κτᾶσθαι καὶ μήτε ἑορτὴν ἄλλο τι ἡγεῖσθαι ἢ τὸ τὰ δέοντα πρᾶξαι ξυμφοράν τε οὐχ ἧσσον ἡσυχίαν ἀπράγμονα ἢ ἀσχολίαν ἐπίπονον·
そして、これらすべてを、彼らは一生を通じて労苦と危険を伴いながら骨を折って行い、常に獲得し続けているために、今あるものを最も享受することがない。 また、なすべきことをなすこと以外に祭日を認めず、何もしない平穏を、骨の折る忙しさと同じくらい大きな災厄と見なしているからである。
§1.70.9ὥστε εἴ τις αὐτοὺς ξυνελὼν φαίη πεφυκέναι ἐπὶ τῷ μήτε αὐτοὺς ἔχειν ἡσυχίαν μήτε τοὺς ἄλλους ἀνθρώπους ἐᾶν, ὀρθῶς ἂν εἴποι.
したがって、もし誰かが彼らを一言で要約して、彼らは自ら平穏を得ることもできず、また他の人々がそうすることを許さないように生まれついている、と言ったなら、それは正当な発言となるであろう。 」