§1.63.1ἐπαναχωρῶν δὲ ὁ Ἀριστεὺς ἀπὸ τῆς διώξεως, ὡς ὁρᾷ τὸ ἄλλο στράτευμα ἡσσημένον, ἠπόρησε μὲν ὁποτέρωσε διακινδυνεύσῃ χωρήσας, ἢ ἐπὶ τῆς Ὀλύνθου ἢ ἐς τὴν Ποτείδαιαν·
追撃から戻る途中で、アリステウスは他の軍勢が敗北したのを目にすると、オリュントスに向かうべきか、それともポテイデイアに入るべきか、どちらに進んで危険を冒すべきか途方に暮れた。
ἔδοξε δ’ οὖν ξυναγαγόντι τοὺς μεθ’ αὑτοῦ ὡς ἐς ἐλάχιστον χωρίον δρόμῳ βιάσασθαι ἐς τὴν Ποτείδαιαν, καὶ παρῆλθε παρὰ τὴν χηλὴν διὰ τῆς θαλάσσης βαλλόμενός τε καὶ χαλεπῶς, ὀλίγους μέν τινας ἀποβαλών, τοὺς δὲ πλείους σώσας.
しかし結局、彼は自分に伴う者たちをできる限り狭い場所に集め、駆け足で強行突破してポテイデイアに入ることに決め、防波堤に沿って海中を、飛び道具を浴びせられながら、かつ困難を極めつつも通り抜け、少数の者を失いはしたものの、大半の者を救い出した。
§1.63.2οἱ δ’ ἀπὸ τῆς Ὀλύνθου τοῖς Ποτειδεάταις βοηθοί (ἀπέχει δὲ ἑξήκοντα μάλιστα σταδίους καὶ ἔστι καταφανές), ὡς ἡ μάχη ἐγίγνετο καὶ τὰ σημεῖα ἤρθη, βραχὺ μέν τι προῆλθον ὡς βοηθήσοντες, καὶ οἱ Μακεδόνες ἱππῆς ἀντιπαρετάξαντο ὡς κωλύσοντες·
一方、オリュントスからのポテイデイア人への救援隊は（なお、そこは六十スタディオンほど離れており、見渡せる場所である）、戦闘が始まり、信号が掲げられたのを見ると、援助しようとして少し前進し、マケドニア人の騎兵もこれを阻止しようと対峙して陣を敷いた。
ἐπειδὴ δὲ διὰ τάχους ἡ νίκη τῶν Ἀθηναίων ἐγίγνετο καὶ τὰ σημεῖα κατεσπάσθη, πάλιν ἐπανεχώρουν ἐς τὸ τεῖχος καὶ οἱ Μακεδόνες παρὰ τοὺς Ἀθηναίους·
しかし、速やかにアテナイ人の勝利が決まり、信号が下ろされると、彼らは再び城壁へと退却し、マケドニア人もアテナイ軍のもとへ戻っていった。
ἱππῆς δ’ οὐδετέροις παρεγένοντο.
こうして、どちらの側の騎兵も（本戦に）加わることはなかった。
§1.63.3μετὰ δὲ τὴν μάχην τροπαῖον ἔστησαν οἱ Ἀθηναῖοι καὶ τοὺς νεκροὺς ὑποσπόνδους ἀπέδοσαν τοῖς Ποτειδεάταις·
戦闘の後、アテナイ人は戦勝記念碑を建て、遺体を休戦条約のもとにポテイデイア人に返還した。
ἀπέθανον δὲ Ποτειδεατῶν μὲν καὶ τῶν ξυμμάχων ὀλίγῳ ἐλάσσους τριακοσίων, Ἀθηναίων δὲ αὐτῶν πεντήκοντα καὶ ἑκατὸν καὶ Καλλίας ὁ στρατηγός.
ポテイデイア人と同盟軍の側は三百人よりわずかに少ない数が戦死し、アテナイ人自身は百五十人と将軍カリアスが戦死した。