§1.46.1αἱ μὲν δὴ νῆες ἀφικνοῦνται ἐς τὴν Κέρκυραν, οἱ δὲ Κορίνθιοι, ἐπειδὴ αὐτοῖς παρεσκεύαστο, ἔπλεον ἐπὶ τὴν Κέρκυραν ναυσὶ πεντήκοντα καὶ ἑκατόν.
さて、船はコルキュラに到着した。 一方、コリントス人は準備が整うと、百五十隻の船でコルキュラへと航行した。
ἦσαν δὲ Ἠλείων μὲν δέκα, Μεγαρέων δὲ δώδεκα καὶ Λευκαδίων δέκα, Ἀμπρακιωτῶν δὲ ἑπτὰ καὶ εἴκοσι καὶ Ἀνακτορίων μία, αὐτῶν δὲ Κορινθίων ἐνενήκοντα·
その内訳は、エレイア人の船が十隻、メガラ人の船が十二隻、レウカス人の船が十隻、アンブラキア人の船が二十七隻、アナクトリオン人の船が一隻、コリントス人自身の船が九十隻であった。
§1.46.2στρατηγοὶ δὲ τούτων ἦσαν μὲν καὶ κατὰ πόλεις ἑκάστων, Κορινθίων δὲ Ξενοκλείδης ὁ Εὐθυκλέους πέμπτος αὐτός.
これら諸軍の指揮官は各都市ごとにそれぞれいたが、コリントス人の指揮官は、エウテュクレスの子クセノクレイデスが他四名とともに務めた。
§1.46.3ἐπειδὴ δὲ προσέμειξαν τῇ κατὰ Κέρκυραν ἠπείρῳ ἀπὸ Λευκάδος πλέοντες, ὁρμίζονται ἐς Χειμέριον τῆς Θεσπρωτίδος γῆς.
彼らはレウカスから航行し、コルキュラの対岸の本土に近づくと、テスプロティス地方のケイメリオンに停泊した。
§1.46.4ἔστι δὲ λιμήν, καὶ πόλις ὑπὲρ αὐτοῦ κεῖται ἀπὸ θαλάσσης ἐν τῇ Ἐλαιάτιδι τῆς Θεσπρωτίδος Ἐφύρη.
そこは港であり、その上方、海から離れたテスプロティスのエライアティス地方にエピュレという都市がある。
ἐξίησι δὲ παρ’ αὐτὴν Ἀχερουσία λίμνη ἐς θάλασσαν·
その傍らを通ってアケルーシア湖が海へと流れ出ている。
διὰ δὲ τῆς Θεσπρωτίδος Ἀχέρων ποταμὸς ῥέων ἐσβάλλει ἐς αὐτήν, ἀφ’ οὗ καὶ τὴν ἐπωνυμίαν ἔχει.
テスプロティス地方を流れるアケロン川がこの湖に注ぎ込んでおり、湖の名前もこの川に由来している。
ῥεῖ δὲ καὶ Θύαμις ποταμός, ὁρίζων τὴν Θεσπρωτίδα καὶ Κεστρίνην, ὧν ἐντὸς ἡ ἄκρα ἀνέχει τὸ Χειμέριον.
また、テスプロティスとケストリネの境界をなすテュアミス川も流れており、これら二つの川の間に、ケイメリオンをなす岬が突き出ている。
§1.46.5οἱ μὲν οὖν Κορίνθιοι τῆς ἠπείρου ἐνταῦθα ὁρμίζονταί τε καὶ στρατόπεδον ἐποιήσαντο.
そこでコリントス人は、本土のこの場所に停泊して陣地を設営した。