§1.12.1ἐπεὶ καὶ μετὰ τὰ Τρωικὰ ἡ Ἑλλὰς ἔτι μετανίστατό τε καὶ κατῳκίζετο, ὥστε μὴ ἡσυχάσασαν αὐξηθῆναι.
というのも、トロイア戦争の後になっても、ギリシアは依然として移住と定住を繰り返しており、そのため、平穏を得て発展することができなかったからである。
§1.12.2ἥ τε γὰρ ἀναχώρησις τῶν Ἑλλήνων ἐξ Ἰλίου χρονία γενομένη πολλὰ ἐνεόχμωσε, καὶ στάσεις ἐν ταῖς πόλεσιν ὡς ἐπὶ πολὺ ἐγίγνοντο, ἀφ’ ὧν ἐκπίπτοντες τὰς πόλεις ἔκτιζον.
すなわち、イリオンからのギリシア人の帰還が長期に及んだことが多くの変革をもたらし、諸都市では概して党争が生じ、人々はそれらから追放されて新しい都市を創建したのである。
§1.12.3Βοιωτοί τε γὰρ οἱ νῦν ἑξηκοστῷ ἔτει μετὰ Ἰλίου ἅλωσιν ἐξ Ἄρνης ἀναστάντες ὑπὸ Θεσσαλῶν τὴν νῦν μὲν Βοιωτίαν, πρότερον δὲ Καδμηίδα γῆν καλουμένην ᾤκισαν (ἦν δὲ αὐτῶν καὶ ἀποδασμὸς πρότερον ἐν τῇ γῇ ταύτῃ, ἀφ’ ὧν καὶ ἐς Ἴλιον ἐστράτευσαν), Δωριῆς τε ὀγδοηκοστῷ ἔτει ξὺν Ἡρακλείδαις Πελοπόννησον ἔσχον.
例えば、現在のボイオティア人は、イリオン陥落の六十年後に、テッサリア人によってアルネから追い出され、現在ボイオティアと呼ばれ、以前はカドメイアの地と呼ばれていた場所に定住した（ただし、それ以前にも彼らの一部がこの土地に分住しており、彼らの中からイリオンへの遠征軍も出立したのである）。 また、ドリス人は八十年後にヘラクレイダイとともにペロポネソスを領有した。
§1.12.4μόλις τε ἐν πολλῷ χρόνῳ ἡσυχάσασα ἡ Ἑλλὰς βεβαίως καὶ οὐκέτι ἀνισταμένη ἀποικίας ἐξέπεμψε, καὶ Ἴωνας μὲν Ἀθηναῖοι καὶ νησιωτῶν τοὺς πολλοὺς ᾤκισαν, Ἰταλίας δὲ καὶ Σικελίας τὸ πλεῖστον Πελοποννήσιοι τῆς τε ἄλλης Ἑλλάδος ἔστιν ἃ χωρία.
そして、長い時間を経てようやく、ギリシアは確実に平穏を取り戻し、もはや動揺しなくなると、植民市を送り出した。 アテナイ人はイオニア地方や島々の大部分を入植させ、ペロポネソス人はイタリアやシケリアの大部分、およびその他のギリシアのいくつかの地域に入植させた。
πάντα δὲ ταῦτα ὕστερον τῶν Τρωικῶν ἐκτίσθη.
これらはすべてトロイア戦争の後に創建されたのである。