§1.118.1μετὰ ταῦτα δὲ ἤδη γίγνεται οὐ πολλοῖς ἔτεσιν ὕστερον τὰ προειρημένα, τά τε Κερκυραϊκὰ καὶ τὰ Ποτειδεατικὰ καὶ ὅσα πρόφασις τοῦδε τοῦ πολέμου κατέστη.
これらの出来事ののち、それほど何年も経たないうちに、すでに前に述べた事柄、すなわちケルキュラやポテイアイアを巡る事件や、この戦争の口実となったすべてのことが生じることになった。
§1.118.2ταῦτα δὲ ξύμπαντα ὅσα ἔπραξαν οἱ Ἕλληνες πρός τε ἀλλήλους καὶ τὸν βάρβαρον ἐγένετο ἐν ἔτεσι πεντήκοντα μάλιστα μεταξὺ τῆς τε Ξέρξου ἀναχωρήσεως καὶ τῆς ἀρχῆς τοῦδε τοῦ πολέμου·
ギリシア人たちが互いに対して、また蛮族に対しておこなったこれらすべての出来事は、クセルクセスの撤退とこの戦争の開始との間の、およそ50年の間に生じた。
ἐν οἷς οἱ Ἀθηναῖοι τήν τε ἀρχὴν ἐγκρατεστέραν κατεστήσαντο καὶ αὐτοὶ ἐπὶ μέγα ἐχώρησαν δυνάμεως, οἱ δὲ Λακεδαιμόνιοι αἰσθόμενοι οὔτε ἐκώλυον εἰ μὴ ἐπὶ βραχύ, ἡσύχαζόν τε τὸ πλέον τοῦ χρόνου, ὄντες μὲν καὶ πρὸ τοῦ μὴ ταχεῖς ἰέναι ἐς τοὺς πολέμους, ἢν μὴ ἀναγκάζωνται, τὸ δέ τι καὶ πολέμοις οἰκείοις ἐξειργόμενοι, πρὶν δὴ ἡ δύναμις τῶν Ἀθηναίων σαφῶς ᾔρετο καὶ τῆς ξυμμαχίας αὐτῶν ἥπτοντο. τότε δὲ οὐκέτι ἀνασχετὸν ἐποιοῦντο, ἀλλ’ ἐπιχειρητέα ἐδόκει εἶναι πάσῃ προθυμίᾳ καὶ καθαιρετέα ἡ ἰσχύς, ἢν δύνωνται, ἀραμένοις τόνδε τὸν πόλεμον.
この間に、アテナイ人たちは自らの支配をより強固なものにし、自らも大いなる力へと進んでいった。 他方、ラケダイモン人たちはこれに気づいていながらも、わずかな期間を除いては妨げようとせず、大半の期間において静観していた。 彼らは以前からも、強制されない限りは進んで戦争に赴くことの遅い人々であり、またある程度は国内の戦争によって妨げられてもいたからである。 しかし、ついにアテナイの力が明らかに高まり、彼らの同盟国に手が伸びるに及んで、もはや耐えられないものと考え、この戦争を引き受けて、あらゆる熱意をもって立ち向かい、可能であればその力を打ち砕くべきであると決意するに至った。
§1.118.3αὐτοῖς μὲν οὖν τοῖς Λακεδαιμονίοις διέγνωστο λελύσθαι τε τὰς σπονδὰς καὶ τοὺς Ἀθηναίους ἀδικεῖν, πέμψαντες δὲ ἐς Δελφοὺς ἐπηρώτων τὸν θεὸν εἰ πολεμοῦσιν ἄμεινον ἔσται·
さて、ラケダイモン人自身にとっては、すでに条約は破られており、アテナイ人が不正を働いていると決議されていた。 そこで彼らはデルポイに使者を送り、戦争をすることが彼らにとってより良き結果をもたらすかを神に尋ねた。
ὁ δὲ ἀνεῖλεν αὐτοῖς, ὡς λέγεται, κατὰ κράτος πολεμοῦσι νίκην ἔσεσθαι, καὶ αὐτὸς ἔφη ξυλλήψεσθαι καὶ παρακαλούμενος καὶ ἄκλητος.
神は彼らに、伝えられるところによれば、全力で戦うならば勝利が得られるであろうと神託を下し、また神自身も、招かれると否とにかかわらず、力を貸すであろうと言った。