§1414.
14.
Ἱπποκράτης Δαμαγήτῳ χαίρειν.
히포크라테스가 다마게토스에게 안부를 전하오.
Οἰδα παρὰ σοὶ γενόμενος ἐν Ῥόδῳ, Δαμάγητε, τὴν ναῦν ἐκείνην, ἅλιος ἐπιγραφὴ ἦν αὐτῇ, πάγκαλόν τινα καὶ εὔπρυμνον, ἱκανῶς τε τετροπισμένην, καὶ διάβασιν εἶχε πολλήν·
다마게토스여, 내가 로도스에서 그대와 함께 있을 때, '태양'이라는 명문이 새겨진 그 배를 보아 알고 있소. 매우 아름답고 선미가 훌륭하며, 충분히 의장되어 수용력이 매우 컸던 배였소.
ἐπῄνεις δὲ καὶ τὸ ναυτικὸν αὐτῆς ὡς ὀξὺ καὶ ἀσφαλὲς καὶ εὔτεχνον ὑπουργῆσαι, καὶ τοῦ πλοῦ τὴν εὐδρομίην.
그대는 그 배의 선원들이 신속하고 안전하며 능숙하게 봉사하는 것과, 그 항해의 신속함을 칭찬하곤 했소.
Ταύτην ἔκπεμψον ἡμῖν, ἀλλ’ εἰ οἷόν τε, μὴ κώπαις, ἀλλὰ πτεροῖς ἐρετμώσας αὐτὴν·
이 배를 우리에게 보내 주시오. 하지만 가능하다면 노가 아니라 날개로 노를 젓게 하여 보내 주시오.
ἐπείγει γὰρ τὸ πρῆγμα, φιλότης, καὶ μάλα εἰς Ἄβδηρα διαπλεῦσαι πάνυ ταχέως·
친구여, 일이 급하여 아브데라로 아주 신속하게 항해해야 하기 때문이오.
βούλομαι γὰρ νοσέουσαν ἰήσασθαι πόλιν διὰ νοσέοντα ἕνα Δημόκριτον.
나는 병든 한 사람 데모크리토스를 통해, 병든 도시를 치료하고 싶소.
Ἀκούεις που τἀνδρὸς τὸ κλέος, τοῦτον ἡ πατρὶς ᾐτίηται μανίῃ κεκακῶσθαι·
그대도 그 남자의 명성을 듣고 있을 것이오. 그의 조국은 그가 광기에 빠져 망가졌다고 비난하고 있소.
ἐγὼ δὲ βούλομαι, μᾶλλον δὲ εὔχομαι, μὴ ὄντως αὐτὸν παρακόπτειν, ἀλλ’ ἐκείνοισι δόξαν εἶναι.
하지만 나는, 아니 차라리 그가 실제로 미친 것이 아니라 그들에게 그렇게 여질 뿐이기를 바라고 또 기도하오.
Γελῇ, φασὶν, αἰεὶ καὶ οὐ παύεται γελῶν ἐπὶ παντὶ πρήγματι, καὶ σημεῖον αὐτοῖσι μανίης τοῦτο δοκέει·
그들의 말로는, 그는 항상 웃으며 어떤 일에 대해서도 웃음을 그치지 않는데, 이것이 그들에게는 광기의 징후로 보인다고 하오.
ὅθεν λέγε τοῖσιν ἐν Ῥόδῳ φίλοισι μετριάζειν αἰεὶ, καὶ μὴ πολλὰ γελῇν, μηδὲ πολλὰ σκυθρωπάζειν, ἀλλὰ τουτέων ἀμφοῖν τὸ μέτριον κτήσασθαι, ἵνα τοῖς μὲν χαριέστατος εἶναι δόξειας, τοῖς δὲ φροντιστὴς περὶ ἀρετῆς μερμηρίζων.
그러니 로도스의 친구들에게 항상 절제를 지키고, 많이 웃지도 말고, 많이 찡그리지도 말며, 이 둘의 중용을 체득하라고 전해 주시오. 그리하면 어떤 이들에게는 가장 호감을 주는 사람으로 보일 것이고, 다른 이들에게는 덕을 두고 고심하는 철학자로 보일 것이오.
Ἔνι μέντοι τι, Δαμάγητε, κακὸν, παρ’ ἕκαστον αὐτοῦ γελῶντος·
하지만 다마게토스여, 그가 매사에 웃는 것에는 확실히 어떤 잘못된 점이 있소.
εἰ γὰρ ἡ ἀμετρίη φλαῦρον, τὸ διὰ παντὸς φλαυρότερον.
만약 과도함이 나쁜 것이라면, 끊임없이 그러는 것은 더욱 나쁜 일이기 때문이오.
Καὶ εἴποιμ’ ἂν αὐτῷ·
그리고 나는 그에게 이렇게 말할 수도 있소.
Δημόκριτε, καὶ νοσέοντος καὶ κτεινομένου καὶ τεθνεῶτος καὶ πολιορκουμένου καὶ παντὸς ἐμπίπτοντος κακοῦ, ἕκαστον τῶν πρησσομένων ὕλη σοι γέλωτος ὑπόκειται.
"데모크리토스여, 사람이 병들고, 살해당하고, 죽고, 포위당하고, 온갖 재앙이 닥쳐올 때도, 행해지는 일 하나하나가 당신에게는 웃음의 소재가 되고 있구려.
Οὐ θεομαχεῖς δὲ, εἰ δύο ἐόντων ἐν κόσμῳ, χαρᾶς καὶ λύπης, σὺ θάτερον αὐτῶν ἐκβέβληκας;
세상에 기쁨과 슬픔이라는 두 가지가 존재하는데, 당신이 그중 하나를 배척해 버렸으니, 신과 맞서 싸우는 것이 아니오?
μακάριός τ’ ἂν ᾖς, ἀλλ’ ἀδύνατον, εἰ μήτε μήτηρ σοι νενόσηκε, μήτε πατὴρ, μήτε τὰ ὕστερον τέκνα ἢ γυνὴ ἢ φίλος, ἀλλὰ διὰ τὸν σὸν γέλωτα ἕνα διασώζεται εὐτυχῶς πάντα.
당신은 행복하겠지만, 그것은 불가능한 일이오. 당신의 어머니가 병든 적이 없고, 아버지도, 그 후의 자식들도, 아내도, 친구도 병든 적이 없어서, 당신의 단 하나의 웃음 덕분에 모든 이가 다행히 무사히 구원받은 것이 아니라면 말이오.
Ἀλλὰ νοσεόντων γελᾷς, ἀποθνησκόντων χαίρεις, εἴ τί που πύθοιο κακὸν, εὐφραίνῃ·
하지만 당신은 사람들이 병들 때 웃고, 죽어갈 때 기뻐하며, 어디선가 불행한 소식을 들으면 즐거워하오.
ὡς πονηρότατος εἶ, ὦ Δημόκριτε, καὶ πόῤῥω γε σοφίης, εἰ νομίζεις αὐτὰ μηδὲ κακὰ εἶναι·
데모크리토스여, 당신은 참으로 사악하며, 만약 이것들을 악한 일조차 아니라고 생각한다면 지혜와는 참으로 거리가 멀구려.
μελαγχολᾷς οὖν, Δημόκριτε, κινδυνεύων καὶ αὐτὸς Ἀβδηρίτης εἶναι, φρονιμωτέρη δὲ ἡ πόλις. Ἀλλὰ περὶ μὲν δὴ τουτέων ἀκριβέστερον ἐκεῖ λέξομεν, Δαμάγητε·
그러니 데모크리토스여, 당신은 우울증에 걸린 것이며, 당신 자신이 아브데라 사람이 될 위험에 처해 있고, 도시가 오히려 더 현명한 것이오." 하지만 이러한 일들에 대해서는 그곳에서 더 자세히 이야기하겠소, 다마게토스여.
ἡ δὲ ναῦς καὶ τὸν χρόνον τοῦτον ὃν ἐπιστέλλω σοι χρονίζει.
하지만 내가 이 편지를 그대에게 보내는 이 시간 동안에도 배는 지체되고 있소.
Ἔῤῥωσο.
건강하시오.
§1515.
15.
Ἱπποκράτης Φιλοποίμενι χαίρειν.
히포크라테스가 필로포이멘에게 안부를 전하오.
Σύννους καὶ πεφροντικὼς ὑπὲρ Δημοκρίτεω, αὐτέῃ ἐκείνῃ τῇ νυκτὶ καταδαρθὼν, πρὸς ἀρχομένην τὴν ἕω ὄναρ ἐφαντάσθην·
데모크리토스에 대해 깊이 생각하고 고심하다가 바로 그날 밤에 잠이 들었는데, 새벽이 시작될 무렵 꿈을 꾸었소.
ἐξ οὗ νομίζω κάρτα μηδὲν ἐπισφαλὲς γεγενῆσθαι·
그 꿈 덕분에 나는 위험한 일은 전혀 일어나지 않았다고 굳게 믿고 있소.
ἐκπλαγὴς γὰρ διηγέρθην.
나는 깜짝 놀라 깨어났소.
Ἐδόκεον γὰρ αὐτὸν τὸν Ἀσκληπιὸν ὁρῇν, φαίνεσθαί τε αὐτόν πλησίον·
아스클레피오스 본인을 뵙는 듯했고, 그분이 가까이 나타나시는 것처럼 보였기 때문이오.
ἤδη δὲ πρὸς τῇσι τῶν Ἀβδηριτέων πύλῃσιν ἐτυγχάνομεν.
그때 우리는 마침 아브데라 사람들의 성문 앞에 있었소.
Ὁ δὲ Ἀσκληπιὸς, οὐχ ὡς εἰώθεσαν αὐτέου αἱ εἰκόνες, μείλιχός τε καὶ πρᾶος ἰδέσθαι κατεφαίνετο, ἀλλὰ διεγηγερμένος τῇ σχέσει καὶ ἰδέσθαι φοβερώτερος·
아스클레피오스는 평소 그분의 조상들이 보여주던 온화하고 부드러운 모습이 아니라, 활력에 차 있고 보기에 더 두려운 모습으로 나타나셨소.
εἵποντο δὲ αὐτῷ δράκοντες, χρῆμά τι ἑρπετῶν ὑπερφυὲς, ἐπειγόμενοι δὲ καὶ αὐτοὶ μακρῷ τῷ ἐπισύρματι, καί τι φρικῶδες ὡς ἐν ἐρημίῃσι καὶ νάπῃσι κοίλῃσιν ὑποσυρίζοντες·
그분의 뒤로는 뱀들, 즉 어마어마한 수의 기어 다니는 생물들이 따르고 있었는데, 그것들 역시 긴 꼬리를 끌며 서둘렀고, 황야나 깊은 계곡에서처럼 으스스한 소리를 내며 쉬익쉬익 울고 있었소.
οἱ δὲ κατόπιν ἑταῖροι κίστας φαρμάκων εὖ μάλα περιεσφηκωμένας ἔχοντες ᾔεσαν.
그 뒤를 따르는 수행원들은 약상자를 아주 단단히 묶은 채 쥐고 가고 있었소.
Ἔπειτα ὤρεξέ μοι τὴν χεῖρα ὁ θεός·
그러고 나서 신은 나에게 손을 내미셨소.
κᾀγὼ λαβόμενος ἀσμένως ἐλιπάρεον ξυνέρχεσθαι, καὶ μὴ καθυστερέειν μου τῆς θεραπείης·
나도 기쁘게 그 손을 잡고, 함께 가시어 나의 치료에서 뒤처지지 말아 달라고 간청했소.
ὁ δὲ, οὐδέν τι, ἔφη, ἐν τῷ παρεόντι ἐμεῦ χρῄζεις, ἀλλά σε αὕτη τὰ νῦν ξεναγήσει θεὸς κοινὴ ἀθανάτων τε καὶ θνητῶν.
그러자 그분은 "지금 당장은 나를 전혀 필요로 하지 않는다. 대신 신들과 필멸자들 공통의 존재인 이 여신이 지금 너를 인도할 것이다"라고 말씀하셨소.
Ἐγὼ δὲ ἐπιστραφεὶς ὁρέω γυναῖκα καλήν τε καὶ μεγάλην ἀφελὲς πεπλοκισμένην, λαμπρείμονα·
내가 돌아보니, 머리를 단정하게 땋고 눈부신 옷을 입은, 아름답고도 키가 큰 여인이 보였소.
διέλαμπον δ’ αὐτέης οἱ τῶν ὀμμάτων κύκλοι καθαρόν τι φῶς, οἷον ἀστέρων μαρμαρυγὰς δοκέειν.
그녀의 눈동자에서는 별들의 반짝임으로 보일 만큼 맑은 빛이 뿜어져 나왔소.
Καὶ ὁ μὲν δαίμων ἐχωρίσθη· κείνη δὲ ἡ γυνὴ πιέσασά με τοῦ καρποῦ μαλθακῇ τινι εὐτονίῃ, διὰ τοῦ ἄστεος ἦγε φιλοφρονεομένη·
그리하여 신은 떠나셨고, 그 여인은 부드러우면서도 힘있게 내 손목을 잡고 친절하게 시가지를 인도해 주었소.
ὡς δὲ πλησίον τῆς οἰκίης ἦμεν, ἵνα τὴν ξενίην ἐδόκεον εὐτρεπίσθαι, ἀπῄει ὡς φάσμα, οἶον εἰποῦσα·
우리의 숙소가 마련되어 있다고 생각되던 집 근처에 이르렀을 때, 그녀는 마치 환영처럼 사라지며 이렇게 말하는 듯했소.
αὔριόν σε παρά Δημοκρίτεω καταλήψομαι. Ἤδη δὲ αὐτῆς μεταστρεφομένης, δέομαι, φημὶ, ἀρίστη, τίς εἶ καὶ τίνα σε καλέομεν;
"내일, 데모크리토스가 있는 곳에서 당신을 맞이하겠습니다." 그녀가 몸을 돌려 가려 할 때, 내가 간청하며 말했소.
ἡ δὲ, Ἀλήθεια, ἔφη·
"고귀하신 분이여, 당신은 누구시며 우리는 당신을 무엇이라 불러야 합니까?" 그러자 그녀는 "진리"라고 대답했소.
αὕτη δὲ ἣν προσιεῦσαν ὁρῇς, καὶ· ἐξαίφνης ἑτέρη τις κατεφαίνετό μοι, οὐκ ἀκαλλὴς μὲν οὐδ’ αὐτὴ, θρασυτέρη δὲ ἰδέσθαι καὶ σεσοβημένη, Δόξα, ἔφη, καλέεται·
"그리고 그대가 다가오는 것을 보고 있는 이 사람도 그러하오." 그러자 갑자기 또 다른 여인이 내게 보였는데, 그녀 역시 안 예쁜 것은 아니었으나 보기에 더 대담하고 들떠 보였소. 그녀는 자기를 '의견'이라 부른다고 말했소.
κατοικέει δὲ παρὰ τοῖσιν Ἀβδηρίταισιν.
그리고 아브데라 사람들 사이에 살고 있다고 했소.
Ἐγὼ μὲν οὖν ἀναστὰς ὑπεκρινάμην ἐμαυτῷ τὸ ὄναρ, ὅτι οὐ δέοιτο ἰητροῦ Δημόκριτος, ὅπου γε αὐτὸς ὁ θεραπεύων θεὸς ἀπέστη, ὡς οὐκ ἔχων ὕλην θεραπείης·
그리하여 나는 일어나서 혼자 꿈을 풀이해 보았소. 데모크리토스는 의사를 필요로 하지 않는 것이오. 치료하러 오신 신 본인이 치료할 소재가 없다며 가 버리셨기 때문이오.
ἀλλὰ ἡ μὲν ἀλήθεια τοῦ ὑγιαίνειν παρὰ Δημοκρίτεω μένει, ἡ δὲ τοῦ νοσέειν αὐτὸν δόξα παρὰ Ἀβδηρίταις ὄντως κατῴκηκε.
오히려 그가 건강하다는 '진리'는 데모크리토스 곁에 머물고 있으며, 그가 병들었다는 '의견'이 참으로 아브데라 사람들 사이에 둥지를 틀고 있는 것이오.
Ταῦτα πιστεύω ἀληθέα εἶναι, Φιλοποίμην, καὶ ἔστι, καὶ οὐκ ἀπογινώσκω τὰ ὀνείρατα, μάλιστα δὲ ὁκόταν καὶ τάξιν διαφυλάττῃ.
필로포이멘이여, 나는 이것이 진실이라 믿고 있으며 실제로도 그러하오. 그리고 나는 꿈을 무시하지 않소. 특히 그것이 일관된 흐름을 유지하고 있을 때는 더욱 그러하오.
Ἰητρικὴ δὲ καὶ μαντικὴ καὶ πάνυ ξυγγενέες εἰσὶν, ἐπειδὴ καὶ τῶν δύο τεχνέων πατὴρ εἷς Ἀπόλλων, ὁ καὶ πρόγονος ἡμέων, ἐούσας καὶ ἐσομένας νούσους προαγορεύων καὶ νοσέοντας καὶ νοσήσοντας ἰώμενος.
의술과 예언술은 지극히 가깝소. 두 기술의 아버지가 한 분, 즉 우리의 선조이시기도 한 아폴론이시기 때문이오. 그분은 현재와 장래의 질병을 예고하시고, 병든 자들과 병들 자들을 치료해 주시는 분이오.
Ἔῤῥωσο.
건강하시오.