§845ὧδε μὲν Ρωμαῖοι διέθεντο τὰ δορίκτητα, Ἀντιόχου δʼ ὕστερον τοῦ μεγάλου βασιλέως τελευτήσαντος γίγνεται Σέλευκος ὁ υἱὸς διάδοχος·
이와 같이 로마인들은 무력으로 획득한 영토를 처분했다. 그 후 대왕 안티오코스가 사망하자 그의 아들 셀레우코스가 후계자가 되었다.
καὶ τὸν ἀδελφὸν ὅδε Ἀντίοχον ἐξέλυσε τῆς ὑπὸ Ῥωμαίοις ὁμηρείας, ἀντιδοὺς τὸν ἑαυτοῦ παῖδα Δημήτριον.
그리고 그는 자신의 아들 데메트리오스를 대신 보냄으로써 그의 형제 안티오코스를 로마인들 아래에서의 볼모 신세에서 풀려나게 했다.
Ἀντιόχου δʼ ἐπανιόντος ἐκ τῆς ὁμηρείας καὶ ὄντος ἔτι περὶ Ἀθήνας, ὁ μὲν Σέλευκος ἐξ ἐπιβουλῆς Ἡλιοδώρου τινὸς τῶν περὶ τὴν αὐλὴν ἀποθνήσκει, τὸν δʼ Ἡλιόδωρον Εὐμένης καὶ Ἄτταλος ἐς τὴν ἀρχὴν βιαζόμενον ἐκβάλλουσι, καὶ τὸν Ἀντίοχον ἐς αὐτὴν κατάγουσιν, ἑταιριζόμενοι τὸν ἄνδρα·
안티오코스가 볼모 신세에서 돌아오는 길에 아직 아테네 부근에 머물고 있을 때, 셀레우코스는 조정의 측근 중 한 명인 헬리오도로스의 음모로 사망했다. 에우메네스와 아탈로스는 권력을 강탈하려던 헬리오도로스를 몰아내고 안티오코스를 왕위에 앉혔는데, 이는 그와 우호 관계를 맺기 위함이었다.
ἀπὸ γὰρ τινῶν προσκρουμάτων ἤδη καὶ οἵδε Ῥωμαίους ὑπεβλέποντο.
왜냐하면 어떤 충돌들로 인해 그들 또한 이미 로마인들을 의심의 눈초리로 보고 있었기 때문이다.
οὕτω μὲν Ἀντίοχος ὁ Αντιόχου τοῦ μεγάλου Συρίας ἐπεκράτησεν·
이리하여 대 안티오코스의 아들 안티오코스가 시리아의 지배권을 장악했다.
ὅτῳ παρὰ τῶν Σύρων ἐπώνυμον ἦν ἐπιφανής, ὅτι τῆς ἀρχῆς ἁρπαζομένης ὑπὸ ἀλλοτρίων βασιλεὺς οἰκεῖος ὤφθη.
그는 시리아인들로부터 '에피파네스'라는 별칭을 얻었는데, 이는 왕위가 외인들에 의해 찬탈당하려 할 때 정당한 왕이 나타났기 때문이었다.
συνθέμενος δὲ φιλίαν καὶ συμμαχίαν Εὐμένει, Συρίας καὶ τῶν περὶ αὐτὴν ἐθνῶν ἐγκρατῶς ἦρχε, σατράπην μὲν ἔχων ἐν Βαβυλῶνι Τίμαρχον, ἐπὶ δὲ ταῖς προσόδοις Ἡρακλείδην, ἀδελφὼ μὲν ἀλλήλοιν, ἄμφω δὲ αὐτοῦ γενομένω παιδικά.
그는 에우메네스와 우호 및 동맹 관계를 맺고 시리아와 그 주변의 여러 민족을 확고하게 통치했다. 바빌론에는 티마르코스를 사트라프로 두고, 국가 수입 담당으로는 헤라클레이데스를 두었는데, 이 둘은 서로 형제지간이었고 둘 다 그의 애동이었다.
ἐστράτευσε δὲ καὶ ἐπὶ Ἀρταξίαν τὸν Ἀρμενίων βασιλέα.
그는 또한 아르메니아의 왕 아르탁시라스에 대항하여 원정을 벌였다.
§846καὶ αὐτὸν ἑλὼν ἐτελεύτησεν, ἐνναετὲς παιδίον ἀπολιπών, Ἀντίοχον, ᾧ προσέθηκαν ὄνομα εὐπάτωρ οἱ Σύροι διὰ τὴν τοῦ πατρὸς ἀρετήν.
그리고 그를 사로잡은 뒤에 사망하며, 아홉 살 난 아이 안티오코스를 남겼는데, 시리아인들은 그의 아버지의 미덕 때문에 이 아이에게 '에우파토르'라는 이름을 붙여주었다.
καὶ τὸ παιδίον ἔτρεφε Λυσίας.
그리고 그 아이는 리시아스가 양육했다.
ἡ δὲ σύγκλητος ἥσθη φανέντος ἐν ὀλίγῳ τοῦ Ἀντιόχου γεννικοῦ καὶ ταχέως ἀποθανόντος.
원로원은 안티오코스가 짧은 기간 동안 고결한 인물로 나타났다가 곧바로 사망한 것을 기뻐했다.
Δημήτριόν τε τὸν Σελεύκου μὲν υἱὸν Ἀντιόχου δὲ τοῦ ἐπιφανοῦς ἀδελφιδοῦν, υἱωνὸν δὲ τοῦ μεγάλου Ἀντιόχου, ἀνεψιὸν ὄντα τῷδε τῷ παιδίῳ, ὁμηρεύοντα ἔτι ἐν Ῥώμῃ καὶ ἔτος ἄγοντα τρίτον ἐπὶ τοῖς εἴκοσιν, ἐς τὴν βασιλείαν καταχθῆναι παρακαλοῦντα ὡς αὑτῷ μᾶλλον προσήκουσαν, οὐ κατῆγον, οὐ συμφέρειν σφίσιν ἡγούμενοι τελειότερον ἄρχειν Σύρων ἀντὶ παιδὸς ἀτελοῦς.
셀레우코스의 아들이자 에피파네스 안티오코스의 조카이며 대 안티오코스의 손자로서 이 아이에게는 사촌 형이었던 데메트리오스는, 당시 아직 로마에서 볼모로 있으며 스물세 살의 나이였는데, 왕위가 자신에게 더 마땅히 돌아와야 한다며 왕위로의 복귀를 간청했으나, 그들은 그를 복귀시키지 않았다. 미성숙한 아이 대신 더 성숙한 성인이 시리아인들을 통치하는 것이 자신들에게 이롭지 않다고 생각했기 때문이다.
πυνθανόμενοι δʼ ἐν Συρίᾳ στρατόν τʼ ἐλεφάντων εἶναι καὶ ναῦς πλείονας τῶν ὡρισμένων Ἀντιόχῳ, πρέσβεις ἔπεμπον, οἳ τοὺς ἐλέφαντας συγκόψειν ἔμελλον καὶ τὰς ναῦς διαπρήσειν.
그러나 시리아에 코끼리 부대가 있고, 안티오코스에게 규정된 것보다 더 많은 배가 있다는 소식을 듣자, 그들은 그 코끼리들을 베어버리고 배들을 불태우도록 사절들을 보냈다.
οἰκτρὰ δὲ ἡ ὄψις ἦν ἀναιρουμένων θηρίων ἡμέρων τε καὶ σπανίων, καὶ νεῶν ἐμπιπραμένων·
온순하고 희귀한 짐승들이 죽임을 당하고 배들이 불타는 모습은 비참한 광경이었다.
καί τις ἐν Λαοδικείᾳ Λεπτίνης τὴν ὄψιν οὐκ ἐνεγκών, Γναῖον Ὀκτάουιον τὸν τῶνδε τῶν πρέσβεων ἡγεμόνα, ἀλειφόμενον ἐν τῷ γυμνασίῳ, διεχρήσατο.
그리고 라오디케아에 있던 렙티네스라는 사람이 그 광경을 참지 못하고, 이 사절들의 우두머리였던 그내우스 옥타비우스가 체육관에서 몸에 기름을 바르고 있을 때 그를 살해했다.
καὶ τὸν μὲν Ὀκτάουιον ἔθαπτεν ὁ Λυσίας,
리시아스는 옥타비우스를 장사지냈다.
§847Δημήτριος δὲ αὖθις ἐς τὴν σύγκλητον ἐσελθὼν ἐδεῖτο τῆς γοῦν ὁμηρείας μόνης ἀπολυθῆναι, ὡς Ἀντιόχου μὲν ἀντιδοθείς, Ἀντιόχου δʼ ἀποθανόντος.
한편 데메트리오스는 다시 원로원에 들어가, 자신이 안티오코스를 대신해 보내졌고 그 안티오코스가 죽었으니 적어도 볼모 신세만이라도 풀어달라고 간청했다.
ἐπεὶ δʼ οὐκ ἐτύγχανεν οὐδὲ τοῦδε, λαθὼν ἐξέπλευσε, καὶ δεξαμένων αὐτὸν ἀσμένως τῶν Σύρων ἦρχε, τόν τε Λυσίαν καὶ τὸ παιδίον ἐπʼ αὐτῷ διαφθείρας, καὶ Ἡρακλείδην ἐκβαλών, καὶ Τίμαρχον ἐπανιστάμενον ἀνελών, καὶ τἆλλα πονηρῶς τῆς Βαβυλῶνος ἡγούμενον·
그러나 이마저도 얻지 못하자 그는 몰래 배를 타고 탈출했고, 시리아인들이 그를 기쁘게 맞아들였기에 지배를 시작했다. 그는 리시아스와 그 뒤를 이은 아이를 죽였고, 헤라클레이데스를 추방했으며, 반란을 일으켜 바빌론을 다른 면에서도 악하게 다스리던 티마르코스를 처단했다.
ἐφʼ ᾧ καὶ σωτήρ, ἀρξαμένων τῶν Βαβυλωνίων, ὠνομάσθη.
이 일로 인해 바빌론인들이 먼저 시작하여 그는 '소테르'라고 불리게 되었다.
κρατυνάμενος δὲ τὴν ἀρχὴν ὁ Δημήτριος στέφανόν τε Ῥωμαίοις ἀπὸ χρυσῶν μυρίων, χαριστήριον τῆς ποτὲ παρʼ αὐτοῖς ὁμηρείας, καὶ Λεπτίνην τὸν ἀνδροφόνον Ὀκταουίου.
지배권을 확고히 한 후, 데메트리오스는 로마인들에게 과거 자신들의 볼모로 있었던 것에 대한 감사의 뜻으로 만 개의 금화 가치가 있는 관과, 옥타비우스의 살해자인 렙티네스를 보냈다.
οἱ δὲ τὸν μὲν στέφανον ἐδέχοντο, Λεπτίνην δὲ οὐκ ἔλαβον, ὡς δή τι τοῦτʼ ἔγκλημα τοῖς Σύροις ταμιευόμενοι.
그들은 관은 받아들였으나 렙티네스는 취하지 않았는데, 이는 시리아인들에게 이 혐의를 남겨두어 죄를 묻기 위함이었다.
Δημήτριος δὲ καὶ ἐκ τῆς Καππαδοκῶν ἀρχῆς Ἀριαράθην ἐκβαλών, Ὀλοφέρνην ἐπὶ χιλίοις ταλάντοις ἀντʼ αὐτοῦ κατήγαγεν, ἀδελφὸν εἶναι δοκοῦντα Ἀριαράθου.
데메트리오스는 또한 카파도키아의 지배권에서 아리아라테스를 축출하고, 그 대신 아리아라테스의 형제로 여겨지는 올로페르네스를 일천 타란톤을 대가로 왕위에 앉혔다.
καὶ Ῥωμαίοις ἐδόκει μέν, ὡς ἀδελφούς, Ἀριαράθην καὶ Ὀλοφέρνην βασιλεύειν ὁμοῦ.
이에 로마인들은 그들이 형제이므로 아리아라테스와 올로페르네스가 함께 통치하도록 결정했다.
§848ἐκπεσόντων δὲ καὶ τῶνδε καὶ Ἀριοβαρζάνου μετʼ αὐτοὺς οὐ πολὺ ὕστερον ὑπὸ Μιθριδάτου τοῦ Ποντικοῦ βασιλέως, ὁ Μιθριδάτειος πόλεμος ἐπὶ τῷδε καὶ ἐφʼ ἑτέροις ἤρξατο συνίστασθαι, μέγιστός τε καὶ πολυτροπώτατος ἔθνεσι πολλοῖς γενόμενος, καὶ παρατείνας ἐς ἔτη μάλιστα τεσσαράκοντα, ἐν οἷς πολλαὶ μὲν ἀρχαὶ Σύροις ἐκ τοῦ βασιλείου γένους ὀλιγοχρόνιοι πάμπαν ἐγένοντο, πολλαὶ δὲ τροπαὶ καὶ ἐπαναστάσεις ἐπὶ τὰ βασίλεια.
그러나 이들과 그 뒤를 이은 아리오바르자네스마저 얼마 지나지 않아 폰토스의 왕 미트리다테스에 의해 쫓겨나자, 이 일과 다른 원인들로 인해 미트리다테스 전쟁이 결성되어 시작되었는데, 이 전쟁은 많은 민족에게 가장 크고 파란만장한 전쟁이 되었으며, 거의 사십 년 동안 이어졌다. 그 기간 동안 시리아에서는 왕가 출신들에 의한 매우 단명한 지배가 많이 일어났고, 왕권을 둘러싼 많은 정변과 반란이 발생했다.
Παρθυαῖοί τε προαποστάντες ἀπὸ τῆς τῶν Σελευκιδῶν ἀρχῆς Μεσοποταμίαν ἐς ἑαυτοὺς περιέσπασαν, ἣ τοῖς Σελευκίδαις ὑπήκουεν.
또한 파르티아인들은 이미 셀레우코스 왕조의 지배에서 이탈하여, 기존에 셀레우코스 왕조에 복속되어 있던 메소포타미아를 자신들에게로 끌어당겼다.
καὶ βασιλεὺς Ἀρμενίας Τιγράνης ὁ Τιγράνους ἔθνη πολλὰ τῶν περιοίκων ἰδίοις δυνάσταις χρώμενα ἑλών, βασιλεὺς ἀπὸ τοῦδε βασιλέων ἡγεῖτο εἶναι, καὶ τοῖς Σελευκίδαις ἐπεστράτευεν οὐκ ἐθέλουσιν ὑπακούειν.
그리고 아르메니아의 왕이자 티그라네스의 아들인 티그라네스는, 독자적인 지배자를 두고 있던 주변의 여러 민족을 정복하고, 이로 인해 스스로를 '왕들의 왕'으로 여기게 되었으며, 복종하려 하지 않는 셀레우코스 왕조를 상대로 원정을 벌였다.
οὐχ ὑποστάντος δʼ αὐτὸν Ἀντιόχου τοῦ εὐσεβοῦς, ὁ Τιγράνης ἦρχε Συρίας τῆς μετʼ Εὐφράτην, ὅσα γένη Σύρων μέχρι Αἰγύπτου.
경건왕 안티오코스가 그에게 대항하지 못했기 때문에, 티그라네스는 유프라테스강 이편의 시리아와 이집트에 이르는 모든 시리아인 부족들을 지배했다.
ἦρχε δὲ ὁμοῦ καὶ Κιλικίας (καὶ γὰρ ἥδε τοῖς Σελευκίδαις ὑπήκουε), Μαγαδάτην στρατηγὸν ἐπιτάξας ἅπασιν, ἐπὶ ἔτη τεσσαρεσκαίδεκα.
그는 동시에 킬리키아도 지배했으며, 마가다테스를 전 영역의 장군으로 임명하여 십사 년 동안 다스렸다.