§8.33.1τότε μὲν οὖν Ἀννίβας προβαλόμενος ἀσφαλῶς τὸν χάρακα τὴν ἡσυχίαν ἔσχε, τῆς ἐπιβολῆς αὐτῷ κατὰ νοῦν κεχωρηκυίας. §8.33.2τοὺς μὲν γὰρ ὑπεναντίους συγκλείσας ἠνάγκασε μένειν ἐντὸς τοῦ τείχους, δεδιότας οὐ μόνον περὶ σφῶν, ἀλλὰ καὶ περὶ τῆς ἄκρας, §8.33.3τοῖς δὲ πολιτικοῖς τοιοῦτο παρέστησε θάρσος ὥστε καὶ χωρὶς τῶν Καρχηδονίων ἱκανοὺς αὑτοὺς ὑπολαμβάνειν ἔσεσθαι τοῖς Ῥωμαίοις. §8.33.4μετὰ δὲ ταῦτα μικρὸν ἀπὸ τοῦ χάρακος ἀποστήσας ὡς πρὸς τὴν πόλιν, τάφρον ἐποίει παράλληλον τῷ χάρακι καὶ τῷ τῆς ἄκρας τείχει· §8.33.5παρʼ ἣν ἐκ μεταβολῆς ἐπὶ τὸ πρὸς τῇ πόλει χεῖλος τοῦ χοὸς ἀνασωρευομένου, προσέτι δὲ καὶ χάρακος ἐπʼ αὐτῆς τεθέντος, οὐ πολὺ καταδεεστέραν τείχους συνέβαινε τὴν ἀσφάλειαν ἐξ αὐτῆς ἀποτελεῖσθαι. §8.33.6παρὰ δὲ ταύτην ἐντὸς ἔτι πρὸς τὴν πόλιν ἀπολιπὼν σύμμετρον διάστημα τεῖχος ἐπεβάλετο κατασκευάζειν, ἀρξάμενος ἀπὸ τῆς Σωτείρας ἕως εἰς τὴν Βαθεῖαν προσαγορευομένην, §8.33.7ὥστε καὶ χωρὶς ἀνδρῶν τὰς διʼ αὐτῶν τῶν κατασκευασμάτων ὀχυρότητας ἱκανὰς εἶναι τοῖς Ταραντίνοις τὴν ἀσφάλειαν παρασκευάζειν. §8.33.8ἀπολιπὼν δὲ τοὺς ἱκανοὺς καὶ τοὺς ἐπιτηδείους πρὸς τὴν τῆς πόλεως φυλακὴν καὶ τὴν τοῦ τείχους παρεφεδρεύοντας ἱππεῖς κατεστρατοπέδευσε, περὶ τετταράκοντα σταδίους ἀποσχὼν τῆς πόλεως, παρὰ τὸν ποταμὸν τὸν παρὰ μέν τισι Γαλαῖσον, παρὰ δὲ τοῖς πλείστοις προσαγορευόμενον Εὐρώταν, ὃς ἔχει τὴν ἐπωνυμίαν ταύτην ἀπὸ τῆς τοῦ παρὰ Λακεδαίμονα ῥέοντος Εὐρώτα. §8.33.9πολλὰ δὲ τοιαῦτα κατὰ τὴν χώραν καὶ κατὰ τὴν πόλιν ὑπάρχει τοῖς Ταραντίνοις διὰ τὸ καὶ τὴν ἀποικίαν καὶ τὴν συγγένειαν ὁμολογουμένην αὐτοῖς εἶναι πρὸς Λακεδαιμονίους. §8.33.10ταχὺ δὲ τοῦ τείχους λαμβάνοντας τὴν συντέλειαν διά τε τὴν τῶν Ταραντίνων σπουδὴν καὶ προθυμίαν καὶ τὴν τῶν Καρχηδονίων συνεργίαν, μετὰ ταῦτα διενοήθη καὶ τὴν ἄκραν ἐξελεῖν Ἀννίβας.
그리하여 그때 한니발은 안전하게 목책을 전방에 설치한 뒤에 사태를 관망했는데, 그의 계획이 의도한 대로 진행되었기 때문이었다. 왜냐하면 그는 한편으로 적들을 성벽 안에 가둠으로써 그들이 스스로뿐만 아니라 아크로폴리스에 대해서도 두려워하며 그 안에 머물 수밖에 없게 만들었고, 다른 한편으로 시민들에게 카르타고인들이 없더라도 자신들이 로마인들을 상대하기에 충분하다고 여길 정도의 용기를 불어넣어 주었기 때문이다. 이 일이 있은 후, 그는 목책에서 도시 쪽으로 약간의 거리를 두고서, 목책 및 아크로폴리스의 성벽과 평행하게 참호를 팠다. 그 참호 옆의 도시 쪽 가장자리에 파낸 흙이 쌓이고 그 위에 더하여 목책까지 설치되자, 그로 인해 얻어지는 안전함은 성벽에 비해 거의 뒤지지 않는 결과를 낳았다. 이 방어선 옆의 도시 내측으로 다시 적절한 간격을 남겨두고서 그는 성벽을 건설하는 일에 착수하여, 소테이라 거리에서부터 바테이아라 불리는 거리에 이르기까지 공사를 진행했다. 그리하여 병사들이 없더라도 이 구조물들 자체의 견고함만으로도 타란툼인들에게 안전을 보장하기에 충분하게 되었다. 한니발은 도시와 성벽의 수비를 위해 충분하고 적합한 자들을 남겨두고 지원부대로 대기하는 기병들을 남겨둔 뒤, 도시에서 약 40스타디온 떨어진 곳에 진을 쳤는데, 그곳은 어떤 이들에게는 갈라이소스라 불리고 대부분의 사람들에게는 에우로타스라 불리는 강변이었다. 이 강은 라케다이몬 옆을 흐르는 에우로타스 강에서 그 이름을 딴 것이다. 타란툼인들에게는 그들의 식민 역사와 라케다이몬인들과의 친족 관계가 공인된 사실이었기 때문에, 그들의 영토와 도시 곳곳에는 이와 같은 것들이 많이 존재하고 있었다. 타란툼인들의 열성과 자발성, 그리고 카르타고인들의 협력 덕분에 성벽이 신속하게 완공되자, 이어서 한니발은 아크로폴리스까지 함락하기로 마음먹었다.