§5.90.1παραπλήσια δὲ τούτοις Προυσίας καὶ Μιθριδάτης, ἔτι δʼ οἱ κατὰ τὴν Ἀσίαν ὄντες δυνάσται τότε, λέγω δὲ Λυσανίαν, Ὀλύμπιχον, Λιμναῖον.
이들과 유사한 것들을 프루시아스와 미트리다테스, 그리고 당시 아시아에 있던 지배자들, 즉 리사니아스, 올림피코스, 림나이오스도 [약속했다].
§5.90.2τάς γε μὴν πόλεις τὰς συνεπιλαμβανομένας αὐτοῖς κατὰ δύναμιν οὐδʼ ἂν ἐξαριθμήσαιτο ῥᾳδίως οὐδείς·
힘이 닿는 대로 그들을 도왔던 도시들에 대해서는, 누구라도 쉽게 그 수를 다 셀 수 없을 것이다.
§5.90.3ὥσθʼ ὅταν μέν τις εἰς τὸν χρόνον ἐμβλέψῃ καὶ τὴν ἀρχήν, ἀφʼ οὗ συμβαίνει τὴν πόλιν αὐτῶν συνῳκίσθαι, καὶ λίαν θαυμάζειν ὡς βραχεῖ χρόνῳ μεγάλην ἐπίδοσιν εἴληφε περί τε τοὺς κατʼ ἰδίαν βίους καὶ τὰ κοινὰ τῆς πόλεως· §5.90.4ὅταν δʼ εἰς τὴν εὐκαιρίαν τοῦ τόπου καὶ τὴν ἔξωθεν ἐπιφορὰν καὶ συμπλήρωσιν τῆς εὐδαιμονίας, μηκέτι θαυμάζειν, μικροῦ δʼ ἐλλείπειν δοκεῖν τοῦ καθήκοντος.
그리하여 누군가가 그들의 도시가 합병 재건된 이래로 흘러간 시간과 그 시작을 바라볼 때면, 개인의 삶에서나 도시의 공적 영역에서나 이토록 짧은 시간 안에 얼마나 큰 발전을 이루었는지에 대해 크게 감탄할 수밖에 없으나, 다른 한편으로, 그 장소의 지리적 이점과 외부에서 들어온 원조, 그리고 번영의 충족을 바라볼 때면, 더 이상 감탄하지 않게 되며, 오히려 당연히 도달했어야 할 모습에 아주 조금 미치지 못할 뿐이라고 여기게 될 정도이다.
§5.90.5ταῦτα μὲν οὖν εἰρήσθω μοι χάριν πρῶτον μὲν τῆς Ῥοδίων περὶ τὰ κοινὰ προστασίας — ἐπαίνου γάρ εἰσιν ἄξιοι καὶ ζήλου — δεύτερον δὲ τῆς τῶν νῦν βασιλέων μικροδοσίας καὶ τῆς τῶν ἐθνῶν καὶ πόλεων μικροληψίας,
그러므로 이 일들에 대해 내가 언급한 것은, 첫째로는 공적인 일들에 대한 로도스인들의 지도적 역할—그들은 칭찬과 동경을 받을 자격이 있기 때문이다—을 위해서이며, 둘째로는 오늘날 왕들의 인색한 베풂과 여러 민족 및 도시들의 비굴한 받아들임 때문이다.
§5.90.6ἵνα μηθʼ οἱ βασιλεῖς τέτταρα καὶ πέντε προϊέμενοι τάλαντα δοκῶσί τι ποιεῖν μέγα καὶ ζητῶσι τὴν αὐτὴν ὑπάρχειν αὐτοῖς εὔνοιαν καὶ τιμὴν παρὰ τῶν Ἑλλήνων, ἣν οἱ πρὸ τοῦ βασιλεῖς εἶχον, §5.90.7αἵ τε πόλεις λαμβάνουσαι πρὸ ὀφθαλμῶν τὸ μέγεθος τῶν πρότερον δωρεῶν μὴ λανθάνωσιν ἐπὶ μικροῖς καὶ τοῖς τυχοῦσι νῦν τὰς μεγίστας καὶ καλλίστας προϊέμεναι τιμάς, §5.90.8ἀλλὰ πειρῶνται τὸ κατʼ ἀξίαν ἑκάστοις τηρεῖν, ᾧ πλεῖστον διαφέρουσιν Ἕλληνες τῶν ἄλλων ἀνθρώπων.
이는 왕들이 고작 서너 탈란톤을 내놓으면서 자신들이 대단한 일을 하고 있다고 생각하여, 이전의 왕들이 누렸던 것과 똑같은 호의와 명예를 그리스인들로부터 요구하는 일이 없도록 하고, 또한 여러 도시들이 이전의 선물들이 가졌던 거대한 규모를 염두에 두면서도, 오늘날에는 사소하고 하찮은 것들에 대해 자신들의 가장 크고 아름다운 명예를 부지불식간에 내어주는 일이 없도록 하며, 오히려 각자의 가치에 걸맞은 것을 지키도록 노력하게 하려 함이니, 이것이야말로 그리스인들이 다른 인류와 가장 크게 구별되는 점이다.