§5.104.1βασιλέα καὶ τοὺς παρόντας συμμάχους.
왕과 자리에 참석해 있던 동맹국 대표들에게 행한 것이다.
ὃς ἔφη δεῖν μάλιστα μὲν μηδέποτε πολεμεῖν τοὺς Ἕλληνας ἀλλήλοις, ἀλλὰ μεγάλην χάριν ἔχειν τοῖς θεοῖς, εἰ λέγοντες ἓν καὶ ταὐτὸ πάντες καὶ συμπλέκοντες τὰς χεῖρας, καθάπερ οἱ τοὺς ποταμοὺς διαβαίνοντες, δύναιντο τὰς τῶν βαρβάρων ἐφόδους ἀποτριβόμενοι συσσῴζειν σφᾶς αὐτοὺς καὶ τὰς πόλεις.
그는 그리스인들이 무엇보다도 서로 결코 전쟁을 벌이지 않는 것이 가장 바람직하지만, 오히려 강을 건너는 사람들처럼 모두가 한목소리를 내고 서로 손을 맞잡아, 야만인들의 침략을 물리치고 자신들과 자신들의 도시들을 함께 구원할 수 있다면 신들께 크게 감사해야 마땅하다고 말했다.
§5.104.2οὐ μὴν ἀλλʼ εἰ τὸ παράπαν τοῦτο μὴ δυνατόν, κατά γε τὸ παρὸν ἠξίου συμφρονεῖν καὶ φυλάττεσθαι, προϊδομένους τὸ βάρος τῶν στρατοπέδων καὶ τὸ μέγεθος τοῦ συνεστῶτος πρὸς ταῖς δύσεσι πολέμου·
그러나 이것이 전적으로 불가능하다 하더라도, 적어도 현재로서는 서쪽에서 벌어지고 있는 전쟁의 규모와 군대들의 무거운 압박을 예견하고, 한마음이 되어 경계해야 한다고 요구했다.
§5.104.3δῆλον γὰρ εἶναι παντὶ τῷ καὶ μετρίως περὶ τὰ κοινὰ σπουδάζοντι καὶ νῦν, ὡς ἐάν τε Καρχηδόνιοι Ῥωμαίων ἐάν τε Ῥωμαῖοι Καρχηδονίων περιγένωνται τῷ πολέμῳ, διότι κατʼ οὐδένα τρόπον εἰκός ἐστι τοὺς κρατήσαντας ἐπὶ ταῖς Ἰταλιωτῶν καὶ Σικελιωτῶν μεῖναι δυναστείαις, ἥξειν δὲ καὶ διατείνειν τὰς ἐπιβολὰς καὶ δυνάμεις αὑτῶν πέρα τοῦ δέοντος.
왜냐하면 공적인 일에 조금이라도 관심을 가진 사람이라면 누구나, 지금도 이 전쟁에서 카르타고인이 로마인을 이기든 혹은 로마인이 카르타고인을 이기든 간에, 승리자가 이탈리아인들과 시켈리아인들에 대한 지배에만 머물러 있을 리가 결코 없으며, 자신들의 기도와 군사력을 한도 너머로 뻗치며 밀고 들어올 것이라는 점이 명백하기 때문이었다.
διόπερ ἠξίου πάντας μὲν φυλάξασθαι τὸν καιρόν, §5.104.4μάλιστα δὲ Φίλιππον.
그러므로 그는 모두가 이 기회를 경계할 것을 요구했고, 특히 필리포스에게 그렇게 하기를 요구했다.
§5.104.5εἶναι δὲ φυλακήν, ἐὰν ἀφέμενος τοῦ καταφθείρειν τοὺς Ἕλληνας καὶ ποιεῖν εὐχειρώτους τοῖς ἐπιβαλλομένοις κατὰ τοὐναντίον ὡς ὑπὲρ ἰδίου σώματος βουλεύηται, καὶ καθόλου πάντων. τῶν τῆς Ἑλλάδος μερῶν ὡς οἰκείων καὶ προσηκόντων αὑτῷ ποιῆται πρόνοιαν·
그리고 경계란, 그가 그리스인들을 멸망시켜 침략자들의 손쉬운 먹잇감으로 만드는 일을 그만두고, 반대로 마치 자신의 몸을 대하듯 도모하며, 그리스의 모든 지역을 자신에게 속한 친근한 곳으로 여겨 전반적으로 보살피는 경우에 이루어질 수 있다고 말했다.
§5.104.6τοῦτον γὰρ τὸν τρόπον χρωμένου τοῖς πράγμασι τοὺς μὲν Ἕλληνας εὔνους ὑπάρχειν αὐτῷ καὶ βεβαίους συναγωνιστὰς πρὸς τὰς ἐπιβολάς, τοὺς δʼ ἔξωθεν ἧττον ἐπιβουλεύσειν αὐτοῦ τῇ δυναστείᾳ, καταπεπληγμένους τὴν τῶν Ἑλλήνων πρὸς αὐτὸν πίστιν.
왜냐하면 그가 이런 방식으로 사태를 이끌어 간다면, 그리스인들은 그에게 호의를 품고 그의 기도에 대해 확고한 동조자가 될 것이며, 외적들은 그리스인들이 그에게 보내는 신뢰에 경도되어 그의 지배력을 넘보려는 기도를 덜 하게 될 것이기 때문이었다.
§5.104.7εἰ δὲ πραγμάτων ὀρέγεται, πρὸς τὰς δύσεις βλέπειν αὐτὸν ἠξίου καὶ τοῖς ἐν Ἰταλίᾳ συνεστῶσι πολέμοις προσέχειν τὸν νοῦν, ἵνα γενόμενος ἔφεδρος ἔμφρων πειραθῇ σὺν καιρῷ τῆς τῶν ὅλων ἀντιποιήσασθαι δυναστείας.
또한 그가 더 큰 업적을 열망한다면, 서쪽을 바라보고 이탈리아에서 전개되고 있는 전쟁들에 관심을 기울여, 지혜로운 방관자로서 기회를 엿보다가 때를 맞추어 전체의 패권을 차지하도록 노력해야 한다고 요구했다.
§5.104.8εἶναι δὲ τὸν ἐνεστῶτα καιρὸν οὐκ ἀλλότριον τῆς ἐλπίδος ταύτης.
그리고 현재의 기회는 이러한 희망에 결코 어긋나지 않는다고 말했다.
§5.104.9τὰς δὲ πρὸς τοὺς Ἕλληνας διαφορὰς καὶ τοὺς πολέμους εἰς τὰς ἀναπαύσεις αὐτὸν ὑπερτίθεσθαι παρεκάλει, καὶ μάλιστα σπουδάζειν περὶ τούτου τοῦ μέρους, ἵνʼ ἔχῃ τὴν ἐξουσίαν, ὅταν βούληται, καὶ διαλύεσθαι καὶ πολεμεῖν πρὸς αὐτούς·
따라서 그는 그리스인들과의 분쟁과 전쟁을 휴지기까지 미루어 둘 것을 권고했고, 특히 이 부문에 신중을 기하여 자신이 원할 때면 언제든 그들과 강화를 맺거나 전쟁을 벌일 수 있는 권한을 보유할 수 있도록 하라고 했다.
§5.104.10ὡς ἐὰν ἅπαξ τὰ προφαινόμενα νῦν ἀπὸ τῆς ἑσπέρας νέφη προσδέξηται τοῖς κατὰ τὴν Ἑλλάδα τόποις ἐπιστῆναι, καὶ λίαν ἀγωνιᾶν ἔφη μὴ τὰς ἀνοχὰς καὶ τοὺς πολέμους καὶ καθόλου τὰς παιδιάς, ἃς νῦν παίζομεν πρὸς ἀλλήλους, ἐκκοπῆναι συμβῇ πάντων §5.104.11ἡμῶν ἐπὶ τοσοῦτον ὥστε κἂν εὔξασθαι τοῖς θεοῖς ὑπάρχειν ἡμῖν τὴν ἐξουσίαν ταύτην, καὶ πολεμεῖν ὅταν βουλώμεθα καὶ διαλύεσθαι πρὸς ἀλλήλους, καὶ καθόλου κυρίους εἶναι τῶν ἐν αὑτοῖς ἀμφισβητουμένων.
왜냐하면 지금 서쪽에서 나타나고 있는 저 구름이 한번 그리스 지역들 위로 덮쳐오는 것을 허용하게 된다면, 현재 우리가 서로 벌이고 있는 휴전과 전쟁, 그리고 전반적으로 우리가 나누고 있는 소꿉놀이 같은 것들이 우리 모두로부터 철저히 단절되어, 마침내 우리가 원할 때 서로 전쟁을 하고 평화를 맺으며, 전반적으로 우리 자신의 분쟁을 스스로 결정할 수 있는 바로 이 권한을 우리에게 허락해 달라고 신들에게 빌어야 하는 처지에 이르게 될까 봐 크게 걱정된다고 그는 말했다.