§35.3.1οἱ δʼ ἐν τῷ συνεδρίῳ διακούσαντες ἀμφοτέρων εἰσήγαγον τοὺς παρὰ τοῦ Μαρκέλλου πρέσβεις. §35.3.2θεωροῦντες δὲ καὶ τούτους ῥέποντας ἐπὶ τὴν διάλυσιν καὶ τὸν στρατηγὸν προσνέμοντα τὴν αὑτοῦ γνώμην τοῖς πολεμίοις μᾶλλον ἢ τοῖς συμμάχοις, §35.3.3τοῖς μὲν Ἀραυάκαις ἔδωκαν καὶ τοῖς συμμάχοις ἀπόκρισιν ὅτι Μάρκελλος ἀμφοτέροις ἐν Ἰβηρίᾳ διασαφήσει τὴν τῆς συγκλήτου γνώμην, §35.3.4αὐτοὶ δὲ νομίσαντες τοὺς συμμάχους ἀληθῆ καὶ συμφέροντα σφίσι λέγειν, τοὺς δʼ Ἀραυάκας ἀκμὴν μεγαλοφρονεῖν, τὸν δὲ στρατηγὸν ἀποδειλιᾶν τὸν πόλεμον, §35.3.5ἐντολὰς ἔδωκαν διʼ ἀπορρήτων τοῖς παρʼ ἐκείνου πρεσβευταῖς πολεμεῖν γενναίως καὶ τῆς πατρίδος ἀξίως. §35.3.6ἐπειδὴ δὲ τὸν πόλεμον ἐποίησαν κατάμονον, πρῶτον μὲν τῷ Μαρκέλλῳ διαπιστήσαντες ἕτερον στρατηγὸν ἔμελλον διαπέμπειν εἰς τὴν Ἰβηρίαν· §35.3.7ἤδη γὰρ ἔτυχον ὕπατοι τότε καθεσταμένοι καὶ τὰς ἀρχὰς παρειληφότες Αὖλος Ποστόμιος καὶ Λεύκιος Λικίννιος Λεύκολλος. §35.3.8ἔπειτα περὶ τὰς παρασκευὰς ἐγίνοντο φιλοτίμως καὶ μεγαλομερῶς, νομίζοντες διὰ ταύτης τῆς πράξεως κριθήσεσθαι τὰ κατὰ τὴν Ἰβηρίαν· §35.3.9κρατηθέντων μὲν γὰρ τῶν ἐχθρῶν πάντας ὑπέλαβον σφίσι ποιήσειν τὸ προσταττόμενον, ἀποστρεψαμένων δὲ τὸν ἐνεστῶτα φόβον οὐ μόνον Ἀραυάκας καταθαρρήσειν, ἀλλὰ καὶ τοὺς ἄλλους ἅπαντας.
원로원의 자들은 양측의 말을 충분히 들은 후, 마르켈루스가 보낸 사절들을 들여보냈다. 그들 역시 화해로 기울어져 있고, 장군 역시 자신의 의견을 동맹국들보다는 오히려 적들에게 더 두고 있는 것을 보고, 아라우아키인들과 동맹국들에게는 마르켈루스가 이베리아에서 양측에 원로원의 결정을 명확히 전할 것이라는 답변을 주었다. 그러나 그들 자신은 동맹국들이 진실하고 자신들에게 이로운 것을 말하고 있으며, 아라우아키인들은 여전히 거만하고 장군은 전쟁을 두려워하여 피하려 한다고 생각하여, 그 장군의 사절들에게 용맹하게, 그리고 조국에 걸맞게 전쟁을 치르라는 명령을 비밀리에 내렸다. 그리고 전쟁을 계속하기로 결정한 후에, 먼저 마르켈루스를 불신하게 되었으므로 다른 장군을 이베리아로 파견하려 했다. 왜냐하면 그때 이미 아울루스 포스투미우스와 루키우스 리키니우스 루쿨루스가 집정관으로 임명되어 관직을 인수했기 때문이다. 이어서 그들은 열정적이고 대규모로 준비에 착수했는데, 이 행동을 통해 이베리아의 정세가 결정될 것이라고 여겼기 때문이다. 즉 적들이 제압된다면 모든 이들이 자신들의 명령을 따를 것이라 생각했으나, 그들이 당면한 두려움을 떨쳐내 버린다면 아라우아키인뿐만 아니라 다른 모든 이들 또한 대담해질 것이라 여겼기 때문이다.