§35.2.1ὅτι ἐπειδὴ οἱ Κελτίβηρες ἀνοχὰς ποιησάμενοι πρὸς Μάρκον Κλαύδιον τὸν στρατηγὸν τῶν Ῥωμαίων ἐξαπέστειλαν τὰς πρεσβείας εἰς τὴν Ῥώμην, οὗτοι μὲν τὴν ἡσυχίαν ἦγον, καραδοκοῦντες τὴν ἀπόφασιν τῆς συγκλήτου, §35.2.2Μάρκος δὲ στρατεύσας εἰς τοὺς Λυσιτανοὺς καὶ τὴν Νερκόβρικα πόλιν κατὰ κράτος ἑλὼν ἐν Κορδύβᾳ τὴν παραχειμασίαν ἐποιεῖτο. §35.2.3τῶν δὲ πρέσβεων εἰς τὴν Ῥώμην παραγενομένων, τοὺς μὲν παρὰ τῶν Βελλῶν καὶ Τίττων, ὅσοι τὰ Ῥωμαίων ᾑροῦντο, παρεδέξαντο πάντας εἰς τὴν πόλιν, §35.2.4τοὺς δὲ παρὰ τῶν Ἀραυακῶν πέραν τοῦ Τιβέρεως ἐκέλευσαν κατασκηνοῦν διὰ τὸ πολεμίους ὑπάρχειν, ἕως βουλεύσωνται περὶ τῶν ὅλων. §35.2.5γενομένου δὲ καιροῦ πρὸς ἔντευξιν, κατὰ πόλιν ὁ στρατηγὸς εἰσῆγε τοὺς συμμάχους. §35.2.6οἱ δὲ καίπερ ὄντες βάρβαροι διετίθεντο λόγους καὶ πάσας ἐξευκρινεῖν ἐπειρῶντο τὰς διαφοράς, §35.2.7ὑποδεικνύντες ὡς, εἰ μὴ συσταλήσονται καὶ τεύξονται τῆς ἁρμοζούσης κολάσεως οἱ πεπολεμηκότες, παραυτίκα μέν, ἐπανελθόντων τῶν Ῥωμαϊκῶν στρατοπέδων ἐκ τῆς Ἰβηρίας, ἐκ χειρὸς προσεπιθήσουσι τὴν δίκην αὐτοῖς. §35.2.8ὡς προδόταις γεγονόσι, ταχὺ δὲ πάλιν αὐτοὶ κινήσουσι πραγμάτων ἀρχήν, ἐὰν ἀνεπιτίμητοι διαφύγωσιν ἐκ τῆς πρώτης ἁμαρτίας, ἑτοίμους δὲ πάντας πρὸς καινοτομίαν ποιήσουσι τοὺς κατὰ τὴν Ἰβηρίαν, ὡς ἱκανοὶ γεγονότες ἀντίπαλοι Ῥωμαίοις. §35.2.9διόπερ ἠξίουν ἢ μένειν τὰ στρατόπεδα κατὰ τὴν Ἰβηρίαν καὶ διαβαίνειν καθʼ ἕκαστον ἔτος ὕπατον ἐφεδρεύσοντα τοῖς συμμάχοις καὶ κολάσοντα τὰς Ἀραυακῶν ἀδικίας, §35.2.10ἢ βουλομένους ἀπάγειν τὰς δυνάμεις παραδειγματιστέον εἶναι τὴν τῶν προειρημένων ἐπανάστασιν, ἵνα μηδεὶς ἔτι ποιεῖν θαρρῇ τὸ παραπλήσιον τούτοις. §35.2.11οἱ μὲν οὖν Βελλῶν καὶ Τίττων συμμαχοῦντες Ῥωμαίοις ταῦτα καὶ τὰ τούτοις παραπλήσια διελέχθησαν. §35.2.12ἐπὶ δὲ τούτοις εἰσῆγον τοὺς παρὰ τῶν πολεμίων. §35.2.13οἱ δʼ Ἀραυάκαι παρελθόντες κατὰ μὲν τὴν ὑπόκρισιν ἐχρῶντο τοῖς λόγοις ὑποπεπτωκότως καὶ ταπεινῶς, τῇ γε μὴν προαιρέσει [ὡς] διέφαινον οὐκ εἰκούσῃ τοῖς ὅλοις οὐδʼ ἡττωμένῃ. §35.2.14καὶ γὰρ τὰ τῆς τύχης ἄδηλα πολλάκις ὑπεδείκνυον καὶ τὰς προγεγενημένας μάχας ἀμφιδηρίτους ποιοῦντες ἐν πάσαις ἔμφασιν ἀπέλειπον ὡς ἐπικυδεστέρων αὐτῶν γεγονότων. §35.2.15τέλος δʼ ἦν τῶν λόγων·
켈티베리아인들이 로마인의 장군 마르쿠스 클라우디우스와 휴전을 맺고 로마로 사절단을 파견했을 때, 그들은 원로원의 결정을 고대하며 조용히 지내고 있었다. 한편 마르쿠스는 루시타니아인들을 상대로 원정을 벌여 네르코브리카 시를 무력으로 함락하고 코르두바에서 겨울을 보냈다. 사절들이 로마에 도착했을 때, 벨리인과 티티인 중 로마인들의 편을 들었던 자들의 사절들은 모두 시내로 맞아들였으나, 아라우아키인들의 사절들에게는 적이라는 이유로, 전체 사안에 대해 심의를 마칠 때까지 티베리스강 건너편에 막사를 치라고 명령했다. 알현할 기회가 찾아오자 시내의 법무관이 동맹시 사절들을 안으로 인도했다. 그들은 야만인이었음에도 불구하고 조리 있게 연설을 펼치며 모든 분쟁 거리를 명확히 정리하려고 노력했다, 즉 전쟁을 일으켰던 자들이 억제되지 않고 합당한 처벌을 받지 않는다면, 당장은 로마 군단이 이베리아에서 철수한 뒤 그들이 자신들에게 직접 보복을 가할 것이며, 이는 자신들이 배신자가 되었기 때문이라고 할 것이고, 또한 만약 그들이 첫 번째 잘못에 대해 처벌받지 않고 빠져나간다면, 그들 스스로 곧 다시 새로운 소란을 일으킬 것이고, 자신들이 로마인들과 맞설 만한 충분한 적수가 되었다고 여겨 이베리아의 모든 이들을 반란으로 이끌 것이라고 지적했다. 그러므로 그들은 로마 군단이 이베리아에 머무르고 매년 집정관이 건너와 동맹국들을 보호하며 아라우아키인들의 불의를 처벌하거나, 혹은 군대를 철수시키고자 한다면 앞서 말한 자들의 반란을 본보기로 삼아 처벌함으로써, 이후로는 아무도 그들과 같은 행동을 감히 꾀하지 못하게 해야 한다고 요청했다. 그리하여 로마와 동맹을 맺고 있던 벨리인과 티티인의 사절들은 이와 같거나 이와 유사한 이야기들을 나눴다. 이어서 그들은 적측의 사절들을 안으로 인도했다. 아라우아키인들은 앞으로 나아와, 겉모습으로는 비굴하고 겸손한 어조를 썼으나, 정작 그들의 속뜻은 전체적으로 굴복하지도 패배를 인정하지도 않는 기색을 드러내고 있었다. 왜냐하면 운명의 불확실함을 자주 지적하고 지난 전투들을 승패가 모호한 것으로 만들면서, 모든 전투에서 자신들이 더 우세했다는 인상을 남겼기 때문이다. 그들 연설의 요지는 다음과 같았다.
εἰ μέν τι δεῖ ῥητὸν πρόστιμον ὑπομένειν τῆς ἀγνοίας, ἀναδέχεσθαι τοῦτʼ ἔφασαν, τελεσθέντος δὲ τοῦ προστάγματος ἐπανάγειν ἠξίουν ἐπὶ τὰς κατὰ Τεβέριον ὁμολογίας αὐτοῖς γενομένας πρὸς τὴν σύγκλητον.
만약 자신들의 무지에 대해 어떤 정해진 벌금을 감당해야 한다면 이를 수용하겠다고 말했으나, 지시 사항이 이행된 후에는 이전에 티베리우스 시절에 자신들과 원로원 사이에 맺어진 협정으로 되돌아갈 것을 요구했다.