§3.69.1κατὰ δὲ τοὺς αὐτοὺς καιροὺς Ἀννίβας πραξικοπήσας πόλιν Κλαστίδιον, ἐνδόντος αὐτῷ τοῦ πεπιστευμένου παρὰ Ῥωμαίων, ἀνδρὸς Βρεντεσίνου, κατέσχε.
같은 시기에, 한니발은 로마인들에게 신뢰를 받아 그곳을 위임받았던 브렌테시움 출신의 남자가 그에게 인도하자, 책략을 써서 클라스티디움 도시를 점령했다.
§3.69.2γενόμενος δὲ κύριος τῆς φρουρᾶς καὶ τῆς τοῦ σίτου παραθέσεως τούτῳ μὲν πρὸς τὸ παρὸν ἐχρήσατο, τοὺς δὲ παραληφθέντας ἄνδρας ἀβλαβεῖς μεθʼ ἑαυτοῦ προῆγε,
그는 수비대와 식량 저장고를 손에 넣자, 이 식량을 당분간 사용하는 한편, 생포한 남자들을 다치지 않게 하여 자신과 동행시키며 진군했다.
§3.69.3δεῖγμα βουλόμενος ἐκφέρειν τῆς σφετέρας προαιρέσεως πρὸς τὸ μὴ δεδιότας ἀπελπίζειν τὴν παρʼ αὐτοῦ σωτηρίαν τοὺς ὑπὸ τῶν καιρῶν καταλαμβανομένους.
이는 곤경에 처한 자들이 두려워하지 않고 그로부터의 구제를 포기하지 않도록, 자신의 기본 방침의 본보기를 보여주고자 했기 때문이다.
§3.69.4τὸν δὲ προδότην ἐτίμησε μεγαλείως, ἐκκαλέσασθαι σπουδάζων τοὺς ἐπὶ πραγμάτων ταττομένους πρὸς τὰς Καρχηδονίων ἐλπίδας.
또한 그는 요직에 있는 자들을 카르타고측의 희망으로 끌어들이고자 간절히 도모하여, 그 배신자를 대단히 후하게 대우했다.
§3.69.5μετὰ δὲ ταῦτα συνθεωρήσας τινὰς τῶν Κελτῶν, οἳ κατῴκουν μεταξὺ τοῦ Πάδου καὶ τοῦ Τρεβία ποταμοῦ, πεποιημένους μὲν καὶ πρὸς αὑτὸν φιλίαν, διαπεμπομένους δὲ καὶ πρὸς Ῥωμαίους καὶ πεπεισμένους τῷ τοιούτῳ τρόπῳ τὴν παρʼ ἀμφοῖν ἀσφάλειαν αὑτοῖς ὑπάρξειν, §3.69.6ἐξαποστέλλει πεζοὺς μὲν δισχιλίους, ἱππεῖς δὲ Κελτοὺς καὶ Νομάδας εἰς χιλίους, προστάξας ἐπιδραμεῖν αὐτῶν τὴν χώραν.
이 일 후에, 파두스 강과 트레비아스 강 사이에 거주하는 켈트인들 중 일부가 자신과도 우호 관계를 맺었으면서 로마인들에게도 사절을 보내고 있고, 그러한 방식으로 양측 모두로부터의 안전이 자신들에게 확보될 것이라 확신하고 있음을 감지하자, 그는 보병 이천 명과 켈트인 및 누미디아인 기병 약 천 명을 파견하며, 그들의 영토를 급습하라고 명령했다.
§3.69.7τῶν δὲ πραξάντων τὸ προσταχθὲν καὶ πολλὴν περιβαλομένων λείαν, εὐθέως οἱ Κελτοὶ παρῆσαν ἐπὶ τὸν χάρακα τῶν Ῥωμαίων, δεόμενοι σφίσι βοηθεῖν.
파견된 병사들이 명령을 실행하고 많은 전리품을 챙기자, 즉시 그 켈트인들이 로마인의 진영으로 찾아와 자신들을 도와달라고 간청했다.
§3.69.8Τεβέριος δὲ καὶ πάλαι ζητῶν ἀφορμὴν τοῦ πράττειν τότε λαβὼν πρόφασιν ἐξαπέστειλε τῶν μὲν ἱππέων τὸ πλεῖστον μέρος, πεζοὺς δὲ σὺν τούτοις ἀκοντιστὰς εἰς χιλίους.
전부터 행동을 취할 기회를 찾고 있었던 티베리우스는 그때 구실을 얻자, 기병의 대부분과 이들과 함께 보병 투창병 약 천 명을 파견했다.
§3.69.9σπουδῇ δὲ τούτων προσμιξάντων πέραν τοῦ Τρεβία καὶ διαμαχομένων τοῖς πολεμίοις ὑπὲρ τῆς λείας, ἐτράπησαν οἱ Κελτοὶ σὺν τοῖς Νομάσι καὶ τὴν ἀποχώρησιν ἐπὶ τὸν ἑαυτῶν ἐποιοῦντο χάρακα.
이들이 신속하게 트레비아스 강을 건너 전리품을 두고 적들과 교전하자, 켈트인들과 누미디아인들은 패주하여 자신들의 진영을 향해 퇴각하기 시작했다.
§3.69.10ταχὺ δὲ συννοήσαντες τὸ γινόμενον οἱ προκαθήμενοι τῆς τῶν Καρχηδονίων παρεμβολῆς ἐντεῦθεν ταῖς ἐφεδρείαις ἐβοήθουν τοῖς πιεζομένοις·
카르타고군 진영 앞을 지키던 초병들은 돌아가는 상황을 신속히 파악하고는, 그곳에서부터 예비대를 투입해 고전하던 아군을 도왔다.
οὗ γενομένου τραπέντες οἱ Ῥωμαῖοι πάλιν ἐποιοῦντο τὴν ἀπόλυσιν εἰς τὴν ἑαυτῶν παρεμβολήν.
이 일이 일어나자 로마인들은 반대로 패주하여 다시 자신들의 진영으로 퇴각했다.
§3.69.11Τεβέριος δὲ συνορῶν τὸ γινόμενον πάντας ἐπαφῆκε τοὺς ἵππους καὶ τοὺς ἀκοντιστάς.
티베리우스는 일어나는 상황을 지켜보고 모든 기병과 투창병을 내보냈다.
τούτου δὲ συμπεσόντος αὖθις ἐγκλίναντες οἱ Κελτοὶ πρὸς τὴν ἑαυτῶν ἀσφάλειαν ἀπεχώρουν.
이것이 합류하자 다시 켈트인들은 패해 자신들의 안전을 위해 퇴각했다.
§3.69.12ὁ δὲ στρατηγὸς τῶν Καρχηδονίων ἀπαράσκευος ὢν πρὸς τὸ κρίνειν τὰ ὅλα καὶ νομίζων δεῖν μηδέποτε χωρὶς προθέσεως μηδʼ ἐκ πάσης ἀφορμῆς ποιεῖσθαι τοὺς ὁλοσχερεῖς κινδύνους, ὅπερ εἶναι φατέον ἡγεμόνος ἔργον ἀγαθοῦ, §3.69.13τότε μὲν ἐπέσχε τοὺς παρʼ αὑτοῦ συνεγγίσαντας τῷ χάρακι καὶ στῆναι μὲν ἐκ μεταβολῆς ἠνάγκασε, διώκειν δὲ καὶ συμπλέκεσθαι τοῖς πολεμίοις ἐκώλυσε, διὰ τῶν ὑπηρετῶν καὶ σαλπιγκτῶν ἀνακαλούμενος.
그러나 카르타고인의 장군은 대국적인 승부를 가릴 준비가 되어 있지 않았고, 계획이 없거나 단지 우연한 기회에 따라 전면적인 모험을 감행해서는 안 된다고 생각하고 있었는데—이것이야말로 훌륭한 지휘관의 임무라고 말해야 할 터이지만— 이때는 자신의 진영 가까이 다가온 아군 병사들을 저지하여 그들을 돌려 세웠고, 부하들과 나팔수들을 통해 소환함으로써 적들을 추격하거나 교전하는 것을 금했다.
οἱ δὲ Ῥωμαῖοι βραχὺν ἐπισχόντες χρόνον ἀνέλυσαν, §3.69.14ὀλίγους μὲν αὑτῶν ἀποβαλόντες, πλείους δὲ τῶν Καρχηδονίων διεφθαρκότες.
로마인들은 잠시 멈춘 뒤에 퇴각했는데, 자신들은 적은 수만 잃고 카르타고인들은 더 많이 죽인 뒤였다.