§3.43.1οὐ μὴν ἀλλʼ ἐπιγενομένης τῆς πέμπτης νυκτὸς οἱ μὲν προδιαβάντες ἐκ τοῦ πέραν ὑπὸ τὴν ἑωθινὴν προῆγον παρʼ αὐτὸν τὸν ποταμὸν ἐπὶ τοὺς ἀντίπερα βαρβάρους, §3.43.2ὁ δʼ Ἀννίβας ἑτοίμους ἔχων τοὺς στρατιώτας ἐπεῖχε τῇ διαβάσει, τοὺς μὲν λέμβους πεπληρωκὼς τῶν πελτοφόρων ἱππέων, τὰ δὲ μονόξυλα τῶν εὐκινητοτάτων πεζῶν. §3.43.3εἶχον δὲ τὴν μὲν ἐξ ὑπερδεξίου καὶ παρὰ τὸ ῥεῦμα τάξιν οἱ λέμβοι, τὴν δʼ ὑπὸ τούτους τὰ λεπτὰ τῶν πορθμείων, ἵνα τὸ πολὺ τῆς τοῦ ῥεύματος βίας ἀποδεχομένων τῶν λέμβων ἀσφαλεστέρα γίνοιτο τοῖς μονοξύλοις ἡ παρακομιδὴ διὰ τοῦ πόρου. §3.43.4κατὰ δὲ τὰς πρύμνας τῶν λέμβων ἐφέλκειν διενοοῦντο τοὺς ἵππους νέοντας, τρεῖς ἅμα καὶ τέτταρας τοῖς ἀγωγεῦσιν ἑνὸς ἀνδρὸς ἐξ ἑκατέρου τοῦ μέρους τῆς πρύμνης οἰακίζοντος, ὥστε πλῆθος ἱκανὸν ἵππων συνδιακομίζεσθαι κατὰ τὴν πρώτην εὐθέως διάβασιν. §3.43.5οἱ δὲ βάρβαροι θεωροῦντες τὴν ἐπιβολὴν τῶν ὑπεναντίων ἀτάκτως ἐκ τοῦ χάρακος ἐξεχέοντο καὶ σποράδην, πεπεισμένοι κωλύειν εὐχερῶς τὴν ἀπόβασιν τῶν Καρχηδονίων. §3.43.6Ἀννίβας δʼ ἅμα τῷ συνιδεῖν ἐν τῷ πέραν ἐγγίζοντας ἤδη τοὺς παρʼ αὑτοῦ στρατιώτας, σημηνάντων ἐκείνων τὴν παρουσίαν τῷ καπνῷ κατὰ τὸ συντεταγμένον, ἐμβαίνειν ἅπασιν ἅμα παρήγγελλε καὶ βιάζεσθαι πρὸς τὸ ῥεῦμα τοῖς ἐπὶ τῶν πορθμείων τεταγμένοις. §3.43.7ταχὺ δὲ τούτου γενομένου, καὶ τῶν ἐν τοῖς πλοίοις ἁμιλλωμένων μὲν πρὸς ἀλλήλους μετὰ κραυγῆς, διαγωνιζομένων δὲ πρὸς τὴν τοῦ ποταμοῦ βίαν, §3.43.8τῶν δὲ στρατοπέδων ἀμφοτέρων ἐξ ἑκατέρου τοῦ μέρους παρὰ τὰ χείλη τοῦ ποταμοῦ παρεστώτων, καὶ τῶν μὲν ἰδίων συναγωνιώντων καὶ παρακολουθούντων μετὰ κραυγῆς, τῶν δὲ κατὰ πρόσωπον βαρβάρων παιανιζόντων καὶ προκαλουμένων τὸν κίνδυνον, ἦν τὸ γινόμενον ἐκπληκτικὸν καὶ παραστατικὸν ἀγωνίας. §3.43.9ἐν ᾧ καιρῷ τῶν βαρβάρων ἀπολελοιπότων τὰς σκηνὰς ἐπιπεσόντες ἄφνω καὶ παραδόξως οἱ πέραν Καρχηδόνιοι, τινὲς μὲν αὐτῶν ἐνεπίμπρασαν τὴν στρατοπεδείαν, οἱ δὲ πλείους ὥρμησαν ἐπὶ τοὺς τὴν διάβασιν τηροῦντας. §3.43.10οἱ δὲ βάρβαροι, παραλόγου τοῦ πράγματος φανέντος αὐτοῖς, οἱ μὲν ἐπὶ τὰς σκηνὰς ἐφέροντο βοηθήσοντες, οἱ δʼ ἠμύνοντο καὶ διεμάχοντο πρὸς τοὺς ἐπιτιθεμένους. §3.43.11Ἀννίβας δέ, κατὰ τὴν πρόθεσιν αὐτῷ συντρεχόντων τῶν πραγμάτων, εὐθέως τοὺς πρώτους ἀποβαίνοντας συνίστα καὶ παρεκάλει καὶ συνεπλέκετο τοῖς βαρβάροις. §3.43.12οἱ δὲ Κελτοὶ καὶ διὰ τὴν ἀταξίαν καὶ διὰ τὸ παράδοξον τοῦ συμβαίνοντος ταχέως τραπέντες ὥρμησαν πρὸς φυγήν.
그러나 다섯째 밤이 지나고 동이 틀 무렵, 미리 건너갔던 자들이 강줄기를 따라 건너편의 야만인들을 향해 나아갔다. 한편 한니발은 병사들을 대기시킨 채 도하를 개시하려 했는데, 소형 선박에는 경장 기병들을 가득 태웠고 독목선에는 가장 민첩한 보병들을 가득 태웠다. 소형 선박들은 상류 쪽에서 물줄기를 맞받아치는 대열을 정렬했고, 가벼운 나룻배들은 그 아래쪽에 자리를 잡았는데, 이는 소형 선박들이 물살의 거센 힘을 대부분 받아내어 독목선들이 물길을 건너 수송되는 것을 더 안전하게 하기 위함이었다. 소형 선박들의 선미 뒤쪽으로는 헤엄치는 말들을 끌고 갈 계획이었는데, 선미 양쪽에서 각각 한 명의 남자가 고삐를 쥐고 세 마리 또는 네 마리씩 인도함으로써, 첫 번째 도하에서 충분한 수의 말들이 즉시 함께 건너갈 수 있도록 했다. 야만인들은 적들의 이러한 기도를 보고는, 카르타고인들의 상륙을 손쉽게 저지할 수 있다고 확신하여 진영에서 무질서하게 흩어져서 쏟아져 나왔다. 한니발은 건너편에서 자신의 병사들이 이미 가까이 접근해 오는 것을 보고 (그들은 약속한 대로 연기로 자신들의 존재를 알렸다), 전원에게 일제히 배에 오르도록 명령하는 한편 나룻배에 배치된 자들에게는 물살을 거슬러 힘차게 나아가라고 지시했다. 이 일이 신속히 이루어지고, 배에 탄 자들이 고함을 지르며 서로 경쟁하는 한편 강의 거센 물살에 맞서 싸우고 있을 때, 양측의 군대가 강의 양쪽 기슭을 따라 늘어서서, 아군은 큰 소리로 함께 소리치며 지켜보고 있었고, 정면의 야만인들은 전투가를 부르며 싸움을 걸어오고 있었기에, 벌어지는 광경은 실로 두려움을 자아내며 극도의 긴장감을 불러일으키는 것이었다. 바로 이때, 야만인들이 천막을 비워두었기에, 이미 건너편에 가 있던 카르타고인들이 돌연 예기치 못하게 습격하여, 그들 중 일부는 진영에 불을 질렀고 대다수는 도하를 감시하고 있던 자들을 향해 돌격했다. 야만인들은 이 사태가 뜻밖의 일로 다가왔기에, 일부는 지원을 위해 천막을 향해 달려갔고, 다른 이들은 방어하며 공격해 오는 자들과 치열하게 싸웠다. 한니발은 사태가 자신의 의도대로 흘러가는 것을 보고, 가장 먼저 상륙한 자들을 즉시 정렬시키고 독려하며 야만인들과 교전에 들어갔다. 켈트인들은 자신들의 무질서함과 발생한 사태의 의외성 때문에 신속히 패퇴하여 도망치기 시작했다.