§3.42.1Ἀννίβας δὲ προσμίξας τοῖς περὶ τὸν ποταμὸν τόποις εὐθέως ἐνεχείρει ποιεῖσθαι τὴν διάβασιν κατὰ τὴν ἁπλῆν ῥύσιν, σχεδὸν ἡμερῶν τεττάρων ὁδὸν ἀπέχων στρατοπέδῳ τῆς θαλάττης. §3.42.2καὶ φιλοποιησάμενος παντὶ τρόπῳ τοὺς παροικοῦντας τὸν ποταμὸν ἐξηγόρασε παρʼ αὐτῶν τά τε μονόξυλα πλοῖα πάντα καὶ τοὺς λέμβους, ὄντας ἱκανοὺς τῷ πλήθει διὰ τὸ ταῖς ἐκ τῆς θαλάττης ἐμπορίαις πολλοὺς χρῆσθαι τῶν παροικούντων τὸν Ῥοδανόν. §3.42.3ἔτι δὲ τὴν ἁρμόζουσαν ξυλείαν ἐξέλαβε πρὸς τὴν κατασκευὴν τῶν μονοξύλων·
한니발은 강 주변 지역에 도착하자마자, 해안으로부터 군대를 동반하여 대략 나흘 길의 거리에 떨어진 곳에서, 물줄기가 하나로 흐르는 곳을 통해 즉시 도하를 시도하기 시작했다. 그리고 강변에 사는 이들을 온갖 방법으로 회유하여 그들로부터 모든 독목선과 소형 선박들을 사들였는데, 론강 연안에 사는 많은 이들이 해상 교역에 종사하고 있었기 때문에 그 수량은 충분했다. 나아가 그는 독목선 제작에 적합한 목재를 조달했다.
ἐξ ὧν ἐν δυσὶν ἡμέραις πλῆθος ἀναρίθμητον ἐγένετο πορθμείων, ἑκάστου σπεύδοντος μὴ προσδεῖσθαι τοῦ πέλας, ἐν αὑτῷ δʼ ἔχειν τὰς τῆς διαβάσεως ἐλπίδας. §3.42.4κατὰ δὲ τὸν καιρὸν τοῦτον ἐν τῷ πέραν πλῆθος ἡθροίσθη βαρβάρων χάριν τοῦ κωλύειν τὴν τῶν Καρχηδονίων διάβασιν. §3.42.5εἰς οὓς ἀποβλέπων Ἀννίβας καὶ συλλογιζόμενος ἐκ τῶν παρόντων ὡς οὔτε διαβαίνειν μετὰ βίας δυνατὸν εἴη τοσούτων πολεμίων ἐφεστώτων, οὔτʼ ἐπιμένειν, μὴ πανταχόθεν προσδέξηται τοὺς ὑπεναντίους, §3.42.6ἐπιγενομένης τῆς τρίτης νυκτὸς ἐξαποστέλλει μέρος τι τῆς δυνάμεως, συστήσας καθηγεμόνας ἐγχωρίους, ἐπὶ δὲ πάντων Ἄννωνα τὸν Βοαμίλκου τοῦ βασιλέως. §3.42.7οἳ ποιησάμενοι τὴν πορείαν ἀντίοι τῷ ῥεύματι παρὰ τὸν ποταμὸν ἐπὶ διακόσια στάδια, παραγενόμενοι πρός τινα τόπον, ἐν ᾧ συνέβαινε περί τι χωρίον νησίζον περισχίζεσθαι τὸν ποταμόν, ἐνταῦθα κατέμειναν. §3.42.8ἐκ δὲ τῆς παρακειμένης ὕλης τὰ μὲν συμπηγνύντες τῶν ξύλων τὰ δὲ συνδεσμεύοντες ἐν ὀλίγῳ χρόνῳ πολλὰς ἥρμοσαν σχεδίας, ἀρκούσας τῇ χρείᾳ πρὸς τὸ παρόν·
이 목재들로 이틀 만에 수많은 나룻배가 만들어졌는데, 이는 각자가 이웃에게 의지하지 않고 스스로 도하할 수 있다는 희망을 가지고자 서둘렀기 때문이다. 이 무렵 건너편 기슭에는 카르타고인들의 도하를 막기 위해 많은 수의 야만인들이 집결해 있었다. 한니발은 이들을 주시하며 현재의 상황으로부터, 이토록 많은 적들이 버티고 서 있는 상황에서는 힘으로 도하하는 것도 불가능하고, 사방에서 적들을 맞닥뜨릴까 우려되기에 머무르는 것도 불가능하다고 판단했다. 사흘째 밤이 찾아오자, 그는 현지 길잡이들을 동행시키고 왕 보밀카르의 아들 한논을 전군의 지휘관으로 삼아 군대의 일부를 파견했다. 이들은 물줄기를 거슬러 강을 따라 이백 스타디온을 행군하여, 어떤 섬과 같은 지형 주변에서 강이 갈라져 흐르는 곳에 도달하자 그곳에 머물렀다. 그리고 근처의 숲에서 나무를 베어 어떤 것은 조립하고 어떤 것은 묶어서 짧은 시간 안에 당장의 쓰임에 충분한 많은 뗏목을 만들었다.
ἐφʼ αἷς διεκομίσθησαν ἀσφαλῶς οὐδενὸς κωλύοντος. §3.42.9καταλαβόμενοι δὲ τόπον ἐχυρὸν ἐκείνην μὲν τὴν ἡμέραν ἔμειναν ἀναπαύοντες σφᾶς ἐκ τῆς προγεγενημένης κακοπαθείας, ἅμα δὲ παρασκευαζόμενοι πρὸς τὴν ἐπιοῦσαν χρείαν κατὰ τὸ συντεταγμένον. §3.42.10καὶ μὴν Ἀννίβας τὸ παραπλήσιον ἐποίει περὶ τὰς μεθʼ ἑαυτοῦ καταλειφθείσας δυνάμεις. §3.42.11μάλιστα δʼ αὐτῷ παρεῖχε δυσχρηστίαν ἡ τῶν ἐλεφάντων διάβασις· οὗτοι δʼ ἦσαν ἑπτὰ καὶ τριάκοντα τὸν ἀριθμόν.
그들은 아무런 방해도 받지 않고 이 뗏목들을 타고 안전하게 강을 건넜다. 견고한 지형을 장악한 그들은 그날은 그곳에 머물며 이전의 노고로부터 스스로를 휴식시켰고, 동시에 지시된 바에 따라 다음 날의 임무를 준비했다. 한편 한니발도 자신과 함께 남아 있는 군대에 대해 이와 마찬가지의 조치를 취하고 있었다. 그러나 그에게 가장 큰 어려움을 안겨준 것은 코끼리들의 도하였으며, 이들의 수는 서른일곱 마리였다.