§3.33.1οἱ δὲ παρὰ τῶν Ῥωμαίων πρέσβεις — τὴν γὰρ παρέκβασιν ἐντεῦθεν ἐποιησάμεθα — διακούσαντες τὰ παρὰ τῶν Καρχηδονίων ἄλλο μὲν οὐδὲν εἶπαν, §3.33.2ὁ δὲ πρεσβύτατος αὐτῶν δείξας τοῖς ἐν τῷ συνεδρίῳ τὸν κόλπον ἐνταῦθα καὶ τὸν πόλεμον αὐτοῖς ἔφη καὶ τὴν εἰρήνην φέρειν·
로마의 사절들은――우리가 이 지점으로부터 탈선(삽입)을 행했던 것인데――카르타고 측의 주장을 끝까지 들은 뒤에 다른 말은 아무것도 하지 않고, 그들 중 가장 연장자가 회의장에 있는 이들에게 (토가의) 품을 보여주며, 이 안에 그들을 위해 전쟁과 평화 둘 다를 품고 왔다고 말하고, 그들이 명하는 쪽을 털어내어 남겨두고 가겠다고 하였다.
ἐκβαλὼν οὖν, ὁπότερον ἂν κελεύσωσιν, ἀπολείψειν. §3.33.3ὁ δὲ βασιλεὺς τῶν Καρχηδονίων, ὁπότερον αὐτοῖς φαίνεται, τοῦτʼ ἐκβαλεῖν ἐκέλευσε.
그러자 카르타고의 왕은 그들에게 좋아 보이는 쪽 중 어느 것이든 그것을 털어내라고 명령했다.
§3.33.4τοῦ δὲ Ῥωμαίου φήσαντος τὸν πόλεμον ἐκβαλεῖν, ἀνεφώνησαν ἅμα καὶ πλείους τῶν ἐκ τοῦ συνεδρίου, δέχεσθαι φάσκοντες.
그 로마인이 전쟁을 털어내겠다고 말하자, 회의장의 많은 이들이 동시에 그것을 받아들이겠다고 외쳤다.
οἱ μὲν οὖν πρέσβεις καὶ τὸ συνέδριον ἐπὶ τούτοις ἐχωρίσθησαν.
그리하여 사절들과 회의는 이러한 일들을 끝으로 헤어졌다.
§3.33.5Ἀννίβας δὲ παραχειμάζων ἐν Καινῇ πόλει πρῶτον μὲν διαφῆκε τοὺς Ἴβηρας ἐπὶ τὰς ἑαυτῶν πόλεις, βουλόμενος ἑτοίμους καὶ προθύμους παρασκευάζειν πρὸς τὸ μέλλον.
한편 한니발은 카이네 폴리스(신카르타고)에서 겨울을 보내며, 첫째로 장차 있을 일에 대해 그들을 준비되고 자발적인 상태로 만들고자 하여 이베리아인들을 자신들의 도시로 돌려보냈다.
§3.33.6δεύτερον δʼ Ἀσδρούβᾳ τἀδελφῷ διέταξε πῶς δεήσει τῇ τε τῶν Ἰβήρων ἀρχῇ καὶ δυναστείᾳ χρῆσθαι ταῖς τε πρὸς Ῥωμαίους παρασκευαῖς, ἐὰν αὐτὸς χωρίζηταί που.
둘째로 동생 하스드루발에게, 만일 자신이 어디론가 떠나게 된다면 이베리아인들의 지배와 통치권을 어떻게 행사해야 할지, 그리고 로마인들에 대항한 대비를 어떻게 해야 할지 지시했다.
§3.33.7τρίτον ὑπὲρ τῆς ἀσφαλείας τῶν ἐν Λιβύῃ προυνοεῖτο πραγμάτων.
셋째로 리뵤아의 사정의 안전을 위해 미리 대책을 세웠다.
§3.33.8πάνυ δʼ ἐμπείρως καὶ φρονίμως ἐκλογιζόμενος ἐκ μὲν Λιβύης εἰς Ἰβηρίαν, ἐκ δʼ Ἰβηρίας εἰς Λιβύην διεβίβαζε στρατιώτας, ἐκδεσμεύων τὴν ἑκατέρων πίστιν εἰς ἀλλήλους διὰ τῆς τοιαύτης οἰκονομίας.
그는 매우 경험 많고 현명하게 판단하여, 리뵤아에서 이베리아로, 그리고 이베리아에서 리뵤아로 군사들을 건너가게 함으로써, 이와 같은 처방을 통해 양자의 서로에 대한 충성심을 단단히 묶어두었다.
§3.33.9ἦσαν δʼ οἱ διαβάντες εἰς τὴν Λιβύην Θερσῖται, Μαστιανοί, §3.33.10πρὸς δὲ τούτοις Ὀρῆτες Ἴβηρες, Ὀλκάδες, οἱ δὲ σύμπαντες ἀπὸ τούτων τῶν ἐθνῶν ἱππεῖς μὲν χίλιοι διακόσιοι, πεζοὶ δὲ μύριοι τρισχίλιοι ὀκτακόσιοι πεντήκοντα, πρὸς δὲ τούτοις Βαλιαρεῖς ὀκτακόσιοι ἑβδομήκοντα,
리뵤아로 건너간 자들은 테르시타이인, 마스티아노이인, 여기에 덧붙여 이베리아계 오레테스인, 올카데스인이었으니, 이 부족들로부터 모인 총수는 기병이 천이백 명, 보병이 만 삼천팔백오십 명이었고, 여기에 더해 발레아레스인이 팔백칠십 명이었다.
§3.33.11οὓς κυρίως μὲν καλοῦσι σφενδονήτας, ἀπὸ δὲ τῆς χρείας ταύτης συνωνύμως καὶ τὸ ἔθνος αὐτῶν προσαγορεύουσι καὶ τὴν νῆσον.
이들은 본래 ‘투석병’이라 불리지만, 이러한 역할에서 기인하여 그들의 민족과 섬 역시 같은 이름으로 불린다.
§3.33.12τῶν δὲ προειρημένων τοὺς μὲν πλείους εἰς τὰ Μεταγώνια τῆς Λιβύης, τινὰς δʼ εἰς αὐτὴν Καρχηδόνα κατέταξεν.
앞서 언급한 군사들 중 대다수를 리뵤아의 메타고니아 지방에, 일부를 카르타고 자체에 배치했다.
§3.33.13ἀπὸ δὲ τῶν πόλεων τῶν Μεταγωνιτῶν καλουμένων ἀπέστειλεν ἄλλους εἰς Καρχηδόνα πεζοὺς τετρακισχιλίους, ὁμηρείας ἔχοντας καὶ βοηθείας ἅμα τάξιν.
또한 메타고니타이라 불리는 이들의 도시들로부터 다른 보병 사천 명을 카르타고로 보냈는데, 이는 인질인 동시에 지원군으로서의 역할을 겸하게 한 것이었다.
§3.33.14ἐπὶ δὲ τῆς Ἰβηρίας ἀπέλιπεν Ἀσδρούβᾳ τἀδελφῷ πεντήρεις μὲν πεντήκοντα, τετρήρεις δὲ δύο καὶ τριήρεις πέντε· τούτων ἐχούσας πληρώματα πεντήρεις μὲν τριάκοντα δύο, τριήρεις δὲ πέντε.
이베리아에는 동생 하스드루발에게 오단도선 오십 척, 사단도선 두 척, 삼단도선 다섯 척을 남겨두었는데, 이 중 완전한 승무원을 갖춘 것은 오단도선 서른두 척과 삼단도선 다섯 척이었다.
§3.33.15καὶ μὴν ἱππεῖς Λιβυφοινίκων μὲν καὶ Λιβύων τετρακοσίους πεντήκοντα, Λεργητῶν δὲ τριακοσίους, Νομάδων δὲ Μασυλίων καὶ Μασαισυλίων καὶ Μακκοίων καὶ Μαυρουσίων τῶν παρὰ τὸν Ὠκεανὸν χιλίους ὀκτακοσίους, §3.33.16πεζοὺς δὲ Λιβύων μυρίους χιλίους ὀκτακοσίους πεντήκοντα, Λιγυστίνους τριακοσίους, Βαλιαρεῖς πεντακοσίους, ἐλέφαντας εἴκοσι καὶ ἕνα.
또한 리뵤아-포에니인과 리뵤아인 기병 사백오십 명, 레르게테스인 삼백 명, 대양 연안의 마실리오이인, 마새실리오이인, 마코이오이인, 마우루시오이인으로 구성된 누미디아인(노마데스) 기병 천팔백 명, 보병으로는 리뵤아인 만 천팔백오십 명, 리구리아인 삼백 명, 발레아레스인 오백 명, 그리고 코끼리 스물한 마리를 남겨두었다.
§3.33.17οὐ χρὴ δὲ θαυμάζειν τὴν ἀκρίβειαν τῆς ἀναγραφῆς, εἰ τοιαύτῃ κεχρήμεθα περὶ τῶν ὑπʼ Ἀννίβου κατʼ Ἰβηρίαν πεπραγμένων οἵᾳ μόλις ἂν χρήσαιτό τις αὐτὸς κεχειρικὼς τὰς κατὰ μέρος πράξεις, οὐδὲ προκαταγινώσκειν, εἰ πεποιήκαμεν παραπλήσιον τοῖς ἀξιοπίστως ψευδομένοις τῶν συγγραφέων.
한니발이 이베리아에서 행한 일에 대해, 개별적인 사무를 스스로 처리한 사람조차도 거의 사용하기 어려웠을 만큼 정밀한 기록을 우리가 사용하고 있다 하더라도, 그 정확함에 경탄할 필요는 없으며, 우리가 그럴듯하게 거짓말을 하는 역사가들과 유사한 짓을 하고 있다고 미리 예단하여 비난해서도 안 된다.
§3.33.18ἡμεῖς γὰρ εὑρόντες ἐπὶ Λακινίῳ τὴν γραφὴν ταύτην ἐν χαλκώματι κατατεταγμένην ὑπʼ Ἀννίβου, καθʼ οὓς καιροὺς ἐν τοῖς κατὰ τὴν Ἰταλίαν τόποις ἀνεστρέφετο, πάντως ἐνομίσαμεν αὐτὴν περί γε τῶν τοιούτων ἀξιόπιστον εἶναι·
왜냐하면 우리가 라키니움에서, 한니발이 이탈리아의 여러 지역을 전전하던 시절에 직접 청동판에 기록해 둔 이 문서를 발견했기 때문이며, 적어도 이러한 종류의 사안에 있어서는 이것이 전적으로 신뢰할 만하다고 우리는 판단했다.
διὸ καὶ κατακολουθεῖν εἱλόμεθα τῇ γραφῇ ταύτῃ.
그리하여 우리는 이 기록을 따르기로 결정한 것이다.