§3.107.1τὸν μὲν οὖν χειμῶνα καὶ τὴν ἐαρινὴν ὥραν διέμειναν ἀντιστρατοπεδεύοντες ἀλλήλοις·
그리하여 그들은 겨울과 봄철 동안 서로 대치하여 진을 친 채 지냈다.
ἤδη δὲ παραδιδόντος τοῦ καιροῦ τὴν ἐκ τῶν ἐπετείων καρπῶν χορηγίαν, ἐκίνει τὴν δύναμιν ἐκ τοῦ περὶ τὸ Γερούνιον χάρακος Ἀννίβας.
하지만 계절이 이미 그해의 수확물로부터 식량 공급을 제공하기 시작하자, 한니발은 게루니움 근처의 진영에서 군대를 움직였다.
§3.107.2κρίνων δὲ συμφέρειν τὸ κατὰ πάντα τρόπον ἀναγκάσαι μάχεσθαι τοὺς πολεμίους, καταλαμβάνει τὴν τῆς Κάννης προσαγορευομένης πόλεως ἄκραν.
모든 방법을 동원해 적에게 전투를 강제하는 것이 유리하다고 판단한 그는 칸네라고 불리는 도시의 성채를 점령했다.
§3.107.3εἰς γὰρ ταύτην συνέβαινε τόν τε σῖτον καὶ τὰς λοιπὰς χορηγίας ἁθροίζεσθαι τοῖς Ῥωμαίοις ἐκ τῶν περὶ Κανύσιον τόπων· ἐκ δὲ ταύτης ἀεὶ πρὸς τὴν χρείαν ἐπὶ τὸ στρατόπεδον παρακομίζεσθαι.
왜냐하면 로마인들에게는 곡물과 그 밖의 보급품이 카누시움 주변 지역으로부터 이 도시로 수집되게 되어 있었고, 그곳으로부터 항상 필요에 따라 진영으로 운반되었기 때문이다.
§3.107.4τὴν μὲν οὖν πόλιν ἔτι πρότερον συνέβαινε κατεσκάφθαι, τῆς παρασκευῆς δὲ καὶ τῆς ἄκρας τότε καταληφθείσης, οὐ μικρὰν συνέπεσε ταραχὴν γενέσθαι περὶ τὰς τῶν Ῥωμαίων δυνάμεις·
도시 자체는 이미 그보다 전에 파괴되어 있었으나, 보급품과 성채가 이때 점령당하자 로마 군대 사이에 적지 않은 혼란이 발생하게 되었다.
§3.107.5οὐ γὰρ μόνον διὰ τὰς χορηγίας ἐδυσχρηστοῦντʼ ἐπὶ τῷ κατειλῆφθαι τὸν προειρημένον τόπον, ἀλλὰ καὶ διὰ τὸ κατὰ τὴν πέριξ εὐφυῶς κεῖσθαι χώραν.
왜냐하면 전술한 지역이 점령당함으로 인해 그들이 곤란을 겪은 것은 보급품 때문일 뿐만 아니라, 그곳이 주변 지역에 대해 지리적으로 유리한 위치에 놓여 있었기 때문이기도 했다.
§3.107.6πέμποντες οὖν εἰς τὴν Ῥώμην συνεχῶς ἐπυνθάνοντο τί δεῖ ποιεῖν, ὡς ἐὰν ἐγγίσωσι τοῖς πολεμίοις, οὐ δυνησόμενοι φυγομαχεῖν, τῆς μὲν χώρας καταφθειρομένης, τῶν δὲ συμμάχων πάντων μετεώρων ὄντων ταῖς διανοίαις,
그리하여 그들은 로마에 끊임없이 사절을 보내 무엇을 해야 할지 물었다. 왜냐하면 적에게 접근한다면 전투를 피할 수 없을 것이고, 국토는 황폐해지고 있었으며, 모든 동맹시들의 마음은 동요하고 있었기 때문이다.
§3.107.7οἱ δʼ ἐβουλεύσαντο μάχεσθαι καὶ συμβάλλειν τοῖς πολεμίοις.
로마인들은 싸워서 적과 교전하기로 결의했다.
τοῖς μὲν οὖν περὶ τὸν Γνάιον ἐπισχεῖν ἔτι διεσάφησαν, αὐτοὶ δὲ τοὺς ὑπάτους ἐξαπέστελλον.
그리하여 그들은 그나에우스 일행에게는 아직 대기하도록 지시를 보내고, 자신들은 집정관들을 파견했다.
§3.107.8συνέβαινε δὲ πάντας εἰς τὸν Αἰμίλιον ἀποβλέπειν καὶ πρὸς τοῦτον ἀπερείδεσθαι τὰς πλείστας ἐλπίδας διά τε τὴν ἐκ τοῦ λοιποῦ βίου καλοκἀγαθίαν καὶ διὰ τὸ μικροῖς πρότερον χρόνοις ἀνδρωδῶς ἅμα καὶ συμφερόντως δοκεῖν κεχειρικέναι τὸν πρὸς Ἰλλυριοὺς πόλεμον.
한편 모두가 에밀리우스를 주목하며 그에게 가장 큰 기대를 걸게 되었는데, 이는 그의 지난 삶 동안의 고결한 성품 때문이었고, 또한 조금 전에 일리리아인들과의 전쟁을 용맹하면서도 유익하게 처리했다고 여겨졌기 때문이었다.
§3.107.9προέθεντο δὲ στρατοπέδοις ὀκτὼ διακινδυνεύειν, ὃ πρότερον οὐδέποτʼ ἐγεγόνει παρὰ Ῥωμαίοις, ἑκάστου τῶν στρατοπέδων ἔχοντος ἄνδρας εἰς πεντακισχιλίους χωρὶς τῶν συμμάχων.
그들은 여덟 개의 군단으로 결전을 치르기로 결정했는데, 이는 로마인들 사이에서 이전에는 한 번도 없었던 일이었으며, 동맹군을 제외하고 각 군단은 각각 약 5천 명의 병력을 보유하고 있었다.
§3.107.10Ῥωμαῖοι γάρ, καθά που καὶ πρότερον εἰρήκαμεν, ἀεί ποτε τέτταρα στρατόπεδα προχειρίζονται.
왜냐하면 이전에 다른 곳에서 언급했듯이, 로마인들은 언제나 네 개의 군단만을 동원하기 때문이다.
τὸ δὲ στρατόπεδον πεζοὺς μὲν λαμβάνει περὶ τετρακισχιλίους, ἱππεῖς δὲ διακοσίους.
한 군단은 보병 약 4천 명과 기병 200명으로 구성된다.
§3.107.11ἐπὰν δέ τις ὁλοσχερεστέρα προφαίνηται χρεία, τοὺς μὲν πεζοὺς ἐν ἑκάστῳ στρατοπέδῳ ποιοῦσι περὶ πεντακισχιλίους, τοὺς δʼ ἱππεῖς τριακοσίους.
하지만 더 중대한 필요가 나타날 때면, 각 군단의 보병을 약 5천 명으로, 기병을 300명으로 늘린다.
§3.107.12τῶν δὲ συμμάχων τὸ μὲν τῶν πεζῶν πλῆθος πάρισον ποιοῦσι τοῖς Ῥωμαϊκοῖς στρατοπέδοις, τὸ δὲ τῶν ἱππέων ὡς ἐπίπαν τριπλάσιον.
동맹군의 경우 보병의 수는 로마 군단과 거의 동수로 하고, 기병의 수는 대체로 3배로 한다.
§3.107.13τούτων δὲ τοὺς ἡμίσεις τῶν συμμάχων καὶ τὰ δύο στρατόπεδα δόντες ἑκατέρῳ τῶν ὑπάτων ἐξαποστέλλουσιν ἐπὶ τὰς πράξεις.
이들 동맹군의 절반과 두 개의 군단을 두 집정관 각각에게 부여하여 작전에 파견한다.
§3.107.14καὶ τοὺς μὲν πλείστους ἀγῶνας διʼ ἑνὸς ὑπάτου καὶ δύο στρατοπέδων καὶ τοῦ προειρημένου πλήθους τῶν συμμάχων κρίνουσι, σπανίως δὲ πᾶσι πρὸς ἕνα καιρὸν καὶ πρὸς ἕνα χρῶνται κίνδυνον.
그리고 대부분의 전투는 한 명의 집정관과 두 개의 군단, 그리고 앞서 언급한 동맹군의 병력을 통해 결정지으며, 드물게만 모든 병력을 하나의 시기에 하나의 위험을 위해 사용한다.
§3.107.15τότε γε μὴν οὕτως ἐκπλαγεῖς ἦσαν καὶ κατάφοβοι τὸ μέλλον ὡς οὐ μόνον τέτταρσιν, ἀλλʼ ὀκτὼ στρατοπέδοις Ῥωμαϊκοῖς ὁμοῦ προῄρηντο διακινδυνεύειν.
하지만 이때만은 그들이 미래에 대해 몹시 경악하고 두려워한 나머지, 네 개뿐만 아니라 여덟 개의 로마 군단을 한꺼번에 투입하여 결전을 치르기로 결정했다.