§3.106.1τῆς δὲ τῶν ἀρχαιρεσίων ὥρας συνεγγιζούσης, εἵλοντο στρατηγοὺς οἱ Ῥωμαῖοι Λεύκιον Αἰμίλιον καὶ Γάιον Τερέντιον.
집정관 선거철이 다가오자, 로마인들은 루키우스 에밀리우스와 가이우스 테렌티우스를 집정관으로 선출했다.
ὧν κατασταθέντων οἱ μὲν δικτάτορες ἀπέθεντο τὴν ἀρχήν,
이들이 취임하자 독재관들은 직무를 내려놓았다.
§3.106.2οἱ δὲ προϋπάρχοντες ὕπατοι, Γνάιος Σερουίλιος καὶ Μάρκος Ῥήγουλος ὁ μετὰ τὴν Φλαμινίου τελευτὴν ἐπικατασταθείς, τότε προχειρισθέντες ὑπὸ τῶν περὶ τὸν Αἰμίλιον ἀντιστράτηγοι καὶ παραλαβόντες τὴν ἐν τοῖς ὑπαίθροις ἐξουσίαν ἐχείριζον κατὰ τὴν ἑαυτῶν γνώμην τὰ κατὰ τὰς δυνάμεις.
한편, 전임 집정관들인 그나에우스 세르빌리우스와, 플라미니우스의 전사 후에 보충 임명되었던 마르쿠스 레굴루스는 이때 에밀리우스 일행에 의해 전임 집정관으로 임명되었고, 야전 지휘권을 넘겨받아 자신들의 판단에 따라 군대를 이끌었다.
§3.106.3οἱ δὲ περὶ τὸν Αἰμίλιον βουλευσάμενοι μετὰ τῆς συγκλήτου τὸ μὲν ἐλλεῖπον πλῆθος ἔτι τῶν στρατιωτῶν πρὸς τὴν ὅλην ἐπιβολὴν παραχρῆμα καταγράψαντες ἐξαπέστειλαν,
에밀리우스 일행은 원로원과 협의하여, 전체 계획에 여전히 부족했던 병사들을 즉시 징집하여 파견했다.
§3.106.4τοῖς δὲ περὶ τὸν Γνάιον διεσάφησαν ὁλοσχερῆ μὲν κίνδυνον κατὰ μηδένα τρόπον συνίστασθαι, τοὺς δὲ κατὰ μέρος ἀκροβολισμοὺς ὡς ἐνεργοτάτους ποιεῖσθαι καὶ συνεχεστάτους χάριν τοῦ γυμνάζειν καὶ παρασκευάζειν εὐθαρσεῖς τοὺς νέους πρὸς τοὺς ὁλοσχερεῖς ἀγῶνας,
또한 그나에우스 일행에게 어떠한 방식으로도 전면적인 결전을 벌이지 말고, 신병들을 훈련시키고 전면적인 전투에 대비하여 용기를 북돋우기 위해 국지적인 소규모 교전을 최대한 활발하고 끊임없이 치르도록 지시했다.
§3.106.5τῷ καὶ τὰ πρότερον αὐτοῖς συμπτώματα δοκεῖν οὐχ ἥκιστα γεγονέναι διὰ τὸ νεοσυλλόγοις καὶ τελέως ἀνασκήτοις κεχρῆσθαι τοῖς στρατοπέδοις.
이는 이전의 패배들이 신병이자 완전히 훈련되지 않은 군대를 사용했기 때문에 발생한 일이 적지 않다고 그들에게 생각되었기 때문이기도 했다.
§3.106.6αὐτοὶ δὲ Λεύκιον μὲν Ποστόμιον, ἑξαπέλεκυν ὄντα στρατηγόν, στρατόπεδον δόντες εἰς Γαλατίαν ἐξαπέστειλαν, βουλόμενοι ποιεῖν ἀντιπερίσπασμα τοῖς Κελτοῖς τοῖς μετʼ Ἀννίβου στρατευομένοις.
그들 자신은 여섯 개의 도끼를 가진 법무관 루키우스 포스투미우스에게 군대를 주어 갈리아로 파견했는데, 이는 한니발과 함께 참전한 켈트족들을 견제하려 한 것이었다.
§3.106.7πρόνοιαν δʼ ἐποιήσαντο καὶ τῆς ἀνακομιδῆς τοῦ παραχειμάζοντος ἐν τῷ Λιλυβαίῳ στόλου, διεπέμψαντο δὲ καὶ τοῖς ἐν Ἰβηρίᾳ στρατηγοῖς πάντα τὰ κατεπείγοντα πρὸς τὴν χρείαν.
또한 그들은 릴리바이움에서 겨울을 나고 있던 함대를 소환하는 조치를 취했고, 이베리아에 있는 장군들에게도 그 임무에 급히 필요한 모든 것을 보냈다.
§3.106.8οὗτοι μὲν οὖν περὶ ταῦτα καὶ περὶ τὰς λοιπὰς ἐγίνοντο παρασκευὰς ἐπιμελῶς.
그리하여 이들은 이러한 일들과 나머지 준비 작업에 부지런히 몰두했다.
§3.106.9οἱ δὲ περὶ τὸν Γνάιον κομισάμενοι τὰς παρὰ τῶν ὑπάτων ἐντολὰς πάντα τὰ κατὰ μέρος ἐχείριζον κατὰ τὴν ἐκείνων γνώμην·
한편 그나에우스 일행은 집정관들의 지시를 받고서 모든 국지적인 활동을 그들의 의향에 따라 처리했다.
§3.106.10διὸ καὶ τὸ πλείω γράφειν ὑπὲρ αὐτῶν παρήσομεν.
그러므로 그들에 대해 더 장황하게 기록하는 것은 생략하기로 하겠다.
ὁλοσχερὲς μὲν γὰρ ἢ μνήμης ἄξιον ἁπλῶς οὐδὲν ἐπράχθη διὰ τὴν ἐντολὴν καὶ διὰ τὴν τοῦ καιροῦ περίστασιν,
그 지시와 당시의 정황 때문에 전면적이거나 단순히 기억할 만한 가치가 있는 일이 전혀 행해지지 않았기 때문이다.
§3.106.11ἀκροβολισμοὶ δὲ μόνον καὶ συμπλοκαὶ κατὰ μέρος ἐγίνοντο πλείους, ἐν αἷς εὐδοκίμουν οἱ προεστῶτες τῶν Ῥωμαίων·
다만 국지적인 전초전과 소규모 충돌만이 여러 차례 있었을 뿐인데, 그 속에서 로마의 지휘관들은 명성을 얻었다.
καὶ γὰρ ἀνδρωδῶς καὶ νουνεχῶς ἐδόκουν ἕκαστα χειρίζειν.
그들은 매사를 용맹하고도 현명하게 처리하는 것처럼 보였기 때문이다.