§2.37.1κατὰ δὲ τοὺς αὐτοὺς καιροὺς Ἀχαιοὶ καὶ Φίλιππος ὁ βασιλεὺς ἅμα τοῖς ἄλλοις συμμάχοις συνίσταντο τὸν πρὸς Αἰτωλοὺς πόλεμον τὸν προσαγορευθέντα συμμαχικόν.
같은 시기에 아카이아인들과 필리포스 왕은 다른 동맹국들과 함께, '동맹 전쟁'이라 불리는 아이톨리아인들과의 전쟁에 돌입했다.
§2.37.2ἡμεῖς δʼ ἐπειδὴ τάς τε περὶ Σικελίαν καὶ Λιβύην καὶ τὰς ἑξῆς πράξεις διεξιόντες κατὰ τὸ συνεχὲς τῆς προκατασκευῆς ἥκομεν ἐπὶ τὴν ἀρχὴν τοῦ τε συμμαχικοῦ καὶ τοῦ δευτέρου συστάντος μὲν Ῥωμαίοις καὶ Καρχηδονίοις πολέμου, προσαγορευθέντος δὲ παρὰ τοῖς πλείστοις Ἀννιβιακοῦ, κατὰ δὲ τὴν ἐξ ἀρχῆς πρόθεσιν ἀπὸ τούτων τῶν καιρῶν ἐπηγγειλάμεθα ποιήσασθαι τὴν ἀρχὴν τῆς ἑαυτῶν συντάξεως,
우리는 예비 서술의 일관된 흐름에 따라 시칠리아와 리비아 및 그 후속 사정들을 상세히 기술하여, 동맹 전쟁과 아울러 로마인과 카르타고인 사이에 발발하여 대다수 사람들에게 한니발 전쟁이라 불리는 제2차 전쟁의 시작점에 도달했으며, 당초의 계획에 따라 이 시기부터 우리 역사 서술의 본격적인 시작을 삼겠다고 약속했으므로, 이제 이 일들을 잠시 젖혀두고 그리스의 사정으로 넘어가는 것이 마땅할 것이다.
§2.37.3πρέπον ἂν εἴη τούτων ἀφεμένους ἐπὶ τὰς κατὰ τὴν Ἑλλάδα μεταβαίνειν πράξεις, ἵνα πανταχόθεν ὁμοίαν ποιησάμενοι τὴν προκατασκευὴν καὶ τὴν ἔφοδον ἐπὶ τοὺς αὐτοὺς καιροὺς οὕτως ἤδη [τῆς Ἰταλίας καὶ] τῆς ἀποδεικτικῆς ἱστορίας ἀρχώμεθα.
이는 모든 방면에서 동일한 시기에 이르는 예비 서술과 접근 경로를 대등하게 정비한 뒤, 비로소 실증적인 역사 기술을 시작하기 위함이다.
§2.37.4ἐπεὶ γὰρ οὐ τινὰς πράξεις, καθάπερ οἱ πρὸ ἡμῶν, οἷον τὰς Ἑλληνικὰς ἢ Περσικάς, ὁμοῦ δὲ τὰς ἐν τοῖς γνωριζομένοις μέρεσι τῆς οἰκουμένης ἀναγράφειν ἐπικεχειρήκαμεν διὰ τὸ πρὸς τοῦτο τὸ μέρος τῆς ὑποθέσεως ἴδιόν τι συμβεβλῆσθαι τοὺς καθʼ ἡμᾶς καιρούς, ὑπὲρ ὧν σαφέστερον ἐν ἑτέροις δηλώσομεν,
왜냐하면 우리는 우리 이전의 역사가들처럼 그리스 역사나 페르시아 역사 같은 특정한 사정들만이 아니라, 알려진 사람이 사는 세계 전체의 모든 사건들을 아울러 기록하기로 나섰기 때문이다. 이는 우리가 사는 시대가 이 주제의 이 영역에 독특한 기여를 한 점에 기인한다(이에 대해서는 다른 곳에서 더 명확히 밝힐 것이다).
§2.37.5δέον ἂν εἴη καὶ πρὸ τῆς κατασκευῆς ἐπὶ βραχὺ τῶν ἐπιφανεστάτων καὶ γνωριζομένων ἐθνῶν καὶ τόπων ἐφάψασθαι τῆς οἰκουμένης.
따라서 본격적인 서술에 들어가기 전에, 사람이 사는 세계에서 가장 현저하고 잘 알려진 민족들과 지역들에 대해 짧게나마 짚고 넘어가는 것이 필요할 것이다.
§2.37.6περὶ μὲν οὖν τῶν κατὰ τὴν Ἀσίαν καὶ τῶν κατὰ τὴν Αἴγυπτον ἀρκούντως ἂν ἔχοι ποιεῖσθαι τὴν ἀνάμνησιν ἀπὸ τῶν νῦν ῥηθέντων καιρῶν διὰ τὸ τὴν μὲν ὑπὲρ τῶν προγεγονότων παρʼ αὐτοῖς ἱστορίαν ὑπὸ πλειόνων ἐκδεδόσθαι καὶ γνώριμον ὑπάρχειν ἅπασιν, ἐν δὲ τοῖς καθʼ ἡμᾶς καιροῖς μηδὲν αὐτοῖς ἐξηλλαγμένον ἀπηντῆσθαι μηδὲ παράλογον ὑπὸ τῆς τύχης ὥστε προσδεῖσθαι τῆς τῶν προγεγονότων ὑπομνήσεως.
아시아와 이집트의 사정에 대해서는 방금 언급한 시기부터 회고를 시작하는 것으로 충분할 것이다. 왜냐하면 그들의 과거 역사에 대해서는 이미 많은 이들이 책을 펴내어 모두에게 잘 알려져 있기 때문이며, 또한 우리가 사는 시대에는 운명에 의해 그들에게 기이하거나 불측한 일들이 닥치지 않아 과거를 다시 일깨워줄 필요가 없기 때문이다.
§2.37.7περὶ δὲ τοῦ τῶν Ἀχαιῶν ἔθνους καὶ περὶ τῆς Μακεδόνων οἰκίας ἁρμόσει διὰ βραχέων ἀναδραμεῖν τοῖς χρόνοις, ἐπειδὴ περὶ μὲν ταύτην ὁλοσχερὴς ἐπαναίρεσις, §2.37.8περὶ δὲ τοὺς Ἀχαιούς, καθάπερ ἐπάνω προεῖπον, παράδοξος αὔξησις καὶ συμφρόνησις ἐν τοῖς καθʼ ἡμᾶς καιροῖς γέγονε.
반면에 아카이아 민족과 마케도니아 왕가에 대해서는 시간을 짤막하게 거슬러 올라가는 것이 적절할 것이다. 후자에 대해서는 완전히 파멸하는 일이 벌어졌고, 아카이아인들에 대해서는 앞에서 내가 말했듯이 우리 시대에 놀라운 성장과 단합이 이루어졌기 때문이다.
§2.37.9πολλῶν γὰρ ἐπιβαλομένων ἐν τοῖς παρεληλυθόσι χρόνοις ἐπὶ ταὐτὸ συμφέρον ἀγαγεῖν Πελοποννησίους, οὐδενὸς δὲ καθικέσθαι δυνηθέντος διὰ τὸ μὴ τῆς κοινῆς ἐλευθερίας ἕνεκεν ἀλλὰ τῆς σφετέρας δυναστείας χάριν ἑκάστους ποιεῖσθαι τὴν σπουδήν,
왜냐하면 과거에 많은 이들이 펠로폰네소스인들을 공통의 이익으로 이끌려 시도했으나 아무도 이를 달성하지 못했기 때문인데, 이는 저마다 공통의 자유를 위해서가 아니라 자신들의 권세를 위해 노력을 기울였기 때문이다.
§2.37.10τοιαύτην καὶ τηλικαύτην ἐν τοῖς καθʼ ἡμᾶς καιροῖς ἔσχε προκοπὴν καὶ συντέλειαν τοῦτο τὸ μέρος ὥστε μὴ μόνον συμμαχικὴν καὶ φιλικὴν κοινωνίαν γεγονέναι πραγμάτων περὶ αὐτούς, ἀλλὰ καὶ νόμοις χρῆσθαι τοῖς αὐτοῖς καὶ σταθμοῖς καὶ μέτροις καὶ νομίσμασι, πρὸς δὲ τούτοις ἄρχουσι, βουλευταῖς,
그러나 우리 시대에 이르러 이 지역은 이토록 지대한 진전과 완성을 이룩하여, 그들 사이에 단순히 동맹과 우호에 따른 정무적 협력이 이루어졌을 뿐만 아니라, 동일한 법률과 도량형과 화폐를 사용하고 나아가 동일한 정무관과 평의원, 재판관들을 함께 모시게 되었다.
§2.37.11δικασταῖς, τοῖς αὐτοῖς, καθόλου δὲ τούτῳ μόνῳ διαλλάττειν τοῦ μὴ μιᾶς πόλεως διάθεσιν ἔχειν σχεδὸν τὴν σύμπασαν Πελοπόννησον, τῷ μὴ τὸν αὐτὸν περίβολον ὑπάρχειν τοῖς κατοικοῦσιν αὐτήν, τἄλλα δʼ εἶναι καὶ κοινῇ καὶ κατὰ πόλεις ἑκάστοις ταὐτὰ καὶ παραπλήσια.
그리하여 요컨대 펠로폰네소스 전체는 오직 하나의 점, 즉 그곳에 거주하는 이들에게 동일한 성벽이 존재하지 않는다는 점에서만 단일한 도시의 성격을 거의 갖추고 있는 상태와 다를 뿐이며, 그 외의 다른 점들에서는 전체적으로나 개별 도시별로나 모든 것이 동일하거나 매우 유사하다.