§2.36.1Ἀσδρούβας δʼ ὁ τῶν Καρχηδονίων στρατηγός — ἀπὸ γὰρ τούτων παρεξέβημεν τῆς ἐξηγήσεως — ἔτη χειρίσας ὀκτὼ τὰ κατὰ τὴν Ἰβηρίαν ἐτελεύτησε, δολοφονηθεὶς ἐν τοῖς ἑαυτοῦ καταλύμασι νυκτὸς ὑπό τινος Κελτοῦ τὸ γένος ἰδίων ἕνεκεν ἀδικημάτων,
카르타고의 장군 하스드루발은—우리가 바로 그들의 사정에서 설명의 본줄기를 벗어났던 것인데—이베리아의 정세를 8년 동안 통치한 후, 야간에 자신의 처소에서 사적인 원한으로 인해 켈트인 계통의 어떤 자에게 암살당해 세상을 떠났다.
§2.36.2οὐ μικρὰν ἀλλὰ μεγάλην ποιήσας ἐπίδοσιν τοῖς Καρχηδονίοις πράγμασιν, οὐχ οὕτω διὰ τῶν πολεμίων ἔργων ὡς διὰ τῆς πρὸς τοὺς δυνάστας ὁμιλίας.
그는 카르타고의 국력에 적지 않은, 오히려 지대한 발전을 가져다주었는데, 이는 군사적 행위에 의해서라기보다는 현지 부족장들과의 교섭을 통해서였다.
§2.36.3τὴν δὲ στρατηγίαν οἱ Καρχηδόνιοι τῶν κατὰ τὴν Ἰβηρίαν Ἀννίβᾳ περιέθεσαν, ὄντι νέῳ, διὰ τὴν ὑποφαινομένην ἐκ τῶν πράξεων ἀγχίνοιαν αὐτοῦ καὶ τόλμαν.
카르타고인들은 이베리아 군의 지휘권을 아직 젊은 한니발에게 맡겼는데, 이는 그의 행동에서 드러나기 시작한 기지와 대담함 때문이었다.
§2.36.4ὃς παραλαβὼν τὴν ἀρχὴν εὐθέως δῆλος ἦν ἐκ τῶν ἐπινοημάτων πόλεμον ἐξοίσων Ῥωμαίοις.
그는 지휘권을 인수하자마자 자신의 계획으로 미루어 로마인들에게 전쟁을 선포할 것임이 명백했다.
ὃ δὴ καὶ τέλος ἐποίησε, πάνυ βραχὺν ἐπισχὼν χρόνον.
그리고 그는 참으로 아주 짧은 시간만을 지체한 뒤 마침내 이를 실행에 옮겼다.
§2.36.5τὰ μὲν οὖν κατὰ Καρχηδονίους καὶ Ῥωμαίους ἀπὸ τούτων ἤδη τῶν καιρῶν ἐν ὑποψίαις ἦν πρὸς ἀλλήλους καὶ παρατριβαῖς.
그리하여 이 시기부터 이미 카르타고인들과 로마인들의 관계는 서로에 대한 의구심과 갈등 속에 놓이게 되었다.
§2.36.6οἱ μὲν γὰρ ἐπεβούλευον, ἀμύνασθαι σπεύδοντες διὰ τὰς περὶ Σικελίαν ἐλαττώσεις, οἱ δὲ Ῥωμαῖοι διηπίστουν, θεωροῦντες αὐτῶν τὰς ἐπιβολάς.
한쪽은 시칠리아에서의 패배에 대해 복수하고자 안달하며 음모를 꾸미고 있었고, 다른 쪽인 로마인들은 그들의 기도를 주시하며 의심하고 있었기 때문이다.
§2.36.7ἐξ ὧν δῆλον ἦν τοῖς ὀρθῶς σκοπουμένοις ὅτι μέλλουσι πολεμεῖν ἀλλήλοις οὐ μετὰ πολὺν χρόνον.
이러한 점들로 보아, 사태를 올바르게 관찰하는 이들에게는 그들이 머지않아 서로 전쟁을 벌이게 되리라는 것이 명백했다.