§18.20.1κατὰ δὲ τὴν ἐπιοῦσαν ἀμφότεροι δυσαρεστούμενοι τοῖς περὶ τὰς Φερὰς τόποις διὰ τὸ καταφύτους εἶναι καὶ πλήρεις αἱμασιῶν καὶ κηπίων ἀνέζυξαν.
이튿날, 양측 모두 페라이 주변 지역이 나무로 뒤덮여 있고 돌담과 정원으로 가득 차 있다는 점에 불만을 품고 철수했다.
§18.20.2ὁ μὲν οὖν Φίλιππος ἐποιεῖτο τὴν πορείαν ὡς ἐπὶ τὴν Σκοτοῦσσαν, σπεύδων ἐκ ταύτης τῆς πόλεως ἐφοδιάσασθαι, μετὰ δὲ ταῦτα γενόμενος εὐτρεπὴς λαβεῖν τόπους ἁρμόζοντας ταῖς αὑτοῦ δυνάμεσιν·
필리포스는 스코투사 시에서 식량을 조달하기 위해 서두르며 그곳을 향해 진군했고, 그 후 자신의 군대에 적합한 지형을 확보할 준비를 갖추고자 했다.
§18.20.3ὁ δὲ Τίτος ὑποπτεύσας τὸ μέλλον ἐκίνει τὴν δύναμιν ἅμα τῷ Φιλίππῳ, σπεύδων προκαταφθεῖραι τὸν ἐν τῇ Σκοτουσσαίᾳ σῖτον.
한편 티투스는 상대의 의도를 눈치채고 필리포스와 동시에 군대를 움직였으며, 스코투사 지역의 곡물을 미리 파괴하고자 서둘렀다.
§18.20.4τῆς δʼ ἑκατέρων πορείας μεταξὺ κειμένων ὄχθων ὑψηλῶν, οὔθʼ οἱ Ῥωμαῖοι συνεώρων τοὺς Μακεδόνας, ποῖ ποιοῦνται τὴν πορείαν, οὔθʼ οἱ Μακεδόνες τοὺς Ῥωμαίους.
양측의 진로 사이에 높은 언덕들이 솟아 있었기 때문에, 로마인들은 마케도니아인들이 어디로 행군하고 있는지 보지 못했고, 마케도니아인들 역시 로마인들을 보지 못했다.
§18.20.5ταύτην μὲν οὖν τὴν ἡμέραν ἑκάτεροι διανύσαντες, ὁ μὲν Τίτος ἐπὶ τὴν προσαγορευομένην Ἐρέτριαν τῆς Φθιώτιδος χώρας, ὁ δὲ Φίλιππος ἐπὶ τὸν Ὀγχηστὸν ποταμόν, αὐτοῦ κατέζευξαν, ἀγνοοῦντες ἀμφότεροι τὰς ἀλλήλων παρεμβολάς·
이날의 행군을 마친 뒤, 티투스는 프티오티스 지방의 이른바 에레트리아에, 필리포스는 온케스토스 강변에 각각 진을 쳤으나, 양측 모두 서로의 진영 위치를 알지 못했다.
§18.20.6τῇ δʼ ὑστεραίᾳ προελθόντες ἐστρατοπέδευσαν, Φίλιππος μὲν ἐπὶ τὸ Μελάμβιον προσαγορευόμενον τῆς Σκοτουσσαίας, Τίτος δὲ περὶ τὸ Θετίδειον τῆς Φαρσαλίας, ἀκμὴν ἀγνοοῦντες ἀλλήλους.
이튿날 그들은 더 나아가 진을 쳤는데, 필리포스는 스코투사 지방의 이른바 멜람비온에, 티투스는 파르살리아 지방의 테티디온 부근에 진을 쳤으며, 여전히 서로의 위치를 알지 못하는 상태였다.
§18.20.7ἐπιγενομένου δʼ ὄμβρου καὶ βροντῶν ἐξαισίων, πάντα συνέβη τὸν ἀέρα τὸν ἐκ τῶν νεφῶν κατὰ τὴν ἐπιοῦσαν ἡμέραν ὑπὸ τὴν ἑωθινὴν πεσεῖν ἐπὶ τὴν γῆν, ὥστε διὰ τὸν ἐφεστῶτα ζόφον μηδὲ τοὺς ἐν ποσὶ δύνασθαι βλέπειν.
그런데 폭우와 엄청난 천둥이 몰아치더니, 이튿날 새벽녘에 구름 속의 안개가 온통 대지로 내려앉아, 자욱한 어둠 때문에 발밑의 것조차 볼 수 없을 지경이었다.
§18.20.8οὐ μὴν ἀλλʼ ὅ γε Φίλιππος κατανύσαι σπεύδων ἐπὶ τὸ προκείμενον, ἀναζεύξας προῄει μετὰ πάσης τῆς στρατιᾶς.
그럼에도 필리포스는 예정된 목적지에 도달하는 것을 서둘렀기에, 진영을 출발하여 전군과 함께 전진했다.
§18.20.9δυσχρηστούμενος δὲ κατὰ τὴν πορείαν διὰ τὴν ὀμίχλην, βραχὺν τόπον διανύσας τὴν μὲν δύναμιν εἰς χάρακα παρενέβαλε, τὴν δʼ ἐφεδρείαν ἀπέστειλε, συντάξας ἐπὶ τοὺς ἄκρους ἐπιβαλεῖν τῶν μεταξὺ κειμένων βουνῶν.
안개 때문에 행군에 지장을 받은 그는 짧은 거리만 이동한 후 주력 부대를 진영에 머무르게 하고, 양측 사이에 놓인 언덕들의 정상을 점령하라는 지시와 함께 예비대를 파견했다.