§18.21.1ὁ δὲ Τίτος στρατοπεδεύων περὶ τὸ Θετίδειον, καὶ διαπορούμενος ὑπὲρ τῶν πολεμίων ποῦ ποτʼ εἰσί, δέκα προθέμενος οὐλαμοὺς καὶ τῶν εὐζώνων εἰς χιλίους ἐξαπέστειλε, παρακαλέσας εὐλαβῶς ἐξερευνωμένους ἐπιπορεύεσθαι τὴν χώραν· §18.21.2οἳ καὶ προάγοντες ὡς ἐπὶ τὰς ὑπερβολὰς ἔλαθον ἐμπεσόντες εἰς τὴν τῶν Μακεδόνων ἐφεδρείαν διὰ τὸ δύσοπτον τῆς ἡμέρας. §18.21.3οὗτοι μὲν οὖν ἐν ταῖς ἀρχαῖς ἐπὶ βραχὺ διαταραχθέντες ἀμφότεροι μετʼ ὀλίγον ἤρξαντο καταπειράζειν ἀλλήλων, διεπέμψαντο δὲ καὶ πρὸς τοὺς ἑαυτῶν ἡγεμόνας ἑκάτεροι τοὺς διασαφήσοντας τὸ γεγονός· §18.21.4ἐπειδὴ δὲ κατὰ τὴν συμπλοκὴν οἱ Ῥωμαῖοι κατεβαροῦντο καὶ κακῶς ἔπασχον ὑπὸ τῆς τῶν Μακεδόνων ἐφεδρείας, πέμποντες εἰς τὴν ἑαυτῶν παρεμβολὴν ἐδέοντο σφίσι βοηθεῖν. §18.21.5ὁ δὲ Τίτος, παρακαλέσας τοὺς περὶ τὸν Ἀρχέδαμον καὶ τὸν Εὐπόλεμον Αἰτωλοὺς καὶ δύο τῶν παρʼ αὑτοῦ χιλιάρχων, ἐξέπεμψε μετὰ πεντακοσίων ἱππέων καὶ δισχιλίων πεζῶν. §18.21.6ὧν προσγενομένων τοῖς ἐξ ἀρχῆς ἀκροβολιζομένοις, παραυτίκα τὴν ἐναντίαν ἔσχε διάθεσιν ὁ κίνδυνος· §18.21.7οἱ μὲν γὰρ Ῥωμαῖοι, προσλαβόντες τὴν ἐκ τῆς βοηθείας ἐλπίδα διπλασίως ἐπερρώσθησαν πρὸς τὴν χρείαν, §18.21.8οἱ δὲ Μακεδόνες ἠμύνοντο μὲν γενναίως, πιεζούμενοι δὲ πάλιν οὗτοι καὶ καταβαρούμενοι τοῖς ὅλοις προσέφυγον πρὸς τοὺς ἄκρους καὶ διεπέμποντο πρὸς τὸν βασιλέα περὶ βοηθείας.
한편 테티디온 부근에 진을 치고 있던 티투스는 적들이 도대체 어디에 있는지 알지 못해 고심하다가, 열 개의 기병대와 경보병 중 약 천 명을 미리 가려 뽑아 파견하면서 신중히 정찰하며 그 지역을 나아가라고 지시했다. 그들이 고개를 향해 전진하던 중, 그날의 나쁜 시야 때문에 자신들도 모르게 마케도니아군의 예비대와 마주치게 되었다. 그리하여 처음에는 양측 모두 잠시 혼란에 빠졌으나, 곧 서로 공방을 벌이기 시작했고, 각자 무슨 일이 일어났는지 보고하기 위해 자신들의 지휘관에게 전령을 보냈다. 그러나 접전 중에 로마군이 마케도니아군 예비대의 압박을 받아 고전하게 되자, 자신들의 진영으로 전령을 보내 원군을 요청했다. 이에 티투스는 아르케다모스와 에우폴레모스가 이끄는 아이톨리아인들과 자신의 군사 천인대장 중 두 명을 불러, 오백 명의 기병과 이천 명의 보병과 함께 파견했다. 이들이 처음부터 소규모 전투를 벌이던 이들과 합류하자, 전투의 형세는 즉시 반대로 뒤집혔다. 로마군은 지원군 덕분에 희망을 얻어 전투에 임하는 기세가 두 배로 고무되었던 것이다. 반면 마케도니아군은 용감하게 방어했으나, 이번에는 전세가 역전되어 완전히 압도당한 채 산 정상으로 피신했으며, 왕에게 원군을 요청하는 전령을 보냈다.