§15.2.1οἱ μὲν οὖν πρέσβεις τοιαῦτα διαλεχθέντες ἀνεχώρησαν·
이와 같이 사절들은 말을 마치고 떠났다.
§15.2.2τῶν δὲ Καρχηδονίων ὀλίγοι μὲν ἦσαν οἱ συναινοῦντες μὴ παραβαίνειν τὰς ὁμολογίας, οἱ δὲ πλείους καὶ τῶν πολιτευομένων καὶ τῶν βουλευομένων βαρέως μὲν ἔφερον τὰς ἐν ταῖς συνθήκαις ἐπιταγάς, δυσχερῶς δʼ ἀνείχοντο τὴν τῶν πρεσβευτῶν παρρησίαν, πρὸς δὲ τούτοις οὐχ οἷοί τʼ ἦσαν προέσθαι τὰ κατηγμένα πλοῖα καὶ τὰς ἐκ τούτων χορηγίας.
카르타고인들 중 합의를 위반하지 말자는 데 동의하는 사람은 소수였고, 정치가들과 평의원들의 대다수는 조약에 규정된 요구들을 무겁게 받아들이며 사절들의 솔직한 말씨를 참기 어려워했을 뿐만 아니라, 나포한 선박들과 그 안의 보급품들을 포기할 수도 없었다.
§15.2.3τὸ δὲ συνέχον, οὐ μικρὰς ἀλλὰ μεγάλας εἶχον ἐλπίδας νικήσειν διὰ τῶν περὶ τὸν Ἀννίβαν.
하지만 결정적인 요인은, 그들이 한니발과 그의 군대를 통해 승리할 것이라는 결코 작지 않고 대단히 큰 희망을 품고 있었다는 점이다.
§15.2.4τοῖς μὲν οὖν πολλοῖς ἔδοξε τοὺς πρέσβεις ἀναποκρίτους ἐξαποστέλλειν· τῶν δὲ πολιτευομένων οἷς ἦν προκείμενον ἐκ παντὸς τρόπου συγχέαι πάλιν τὸν πόλεμον, οὗτοι συνεδρεύσαντες μηχανῶνταί τι τοιοῦτον.
그리하여 대다수는 사절들을 아무런 답변 없이 돌려보내기로 결정했으나, 무슨 수를 써서라도 전쟁을 다시 혼란으로 몰아넣는 것을 목표로 삼던 정치가들은 함께 모여 다음과 같은 음모를 꾸몄다.
§15.2.5ἔφασαν δεῖν πρόνοιαν ποιήσασθαι τῶν πρεσβευτῶν, ἵνα μετʼ ἀσφαλείας ἀνακομισθῶσιν εἰς τὴν ἰδίαν παρεμβολήν.
그들은 사절들이 자신들의 진영으로 안전하게 돌아갈 수 있도록 보호 조치를 취해야 한다고 주장했다.
§15.2.6καὶ παραυτίκα τούτοις μὲν ἡτοίμαζον δύο τριήρεις παραπόμπους, πρὸς δὲ τὸν ναύαρχον Ἀσδρούβαν διεπέμψαντο παρακαλοῦντες ἑτοιμάσαι πλοῖα μὴ μακρὰν τῆς τῶν Ῥωμαίων παρεμβολῆς, ἵνʼ ἐπειδὰν αἱ παραπέμπουσαι νῆες ἀπολίπωσι τοὺς Ῥωμαίους, ἐπαναχθέντα ταῦτα καταποντίσῃ τοὺς πρεσβευτάς.
그리고 즉시 그들을 위해 호위용 삼단노선 두 척을 준비하는 한편, 해군 지휘관 하스드루발에게 전령을 보내 로마인들의 진영에서 멀지 않은 곳에 선박들을 준비하라고 요청했다. 이는 호위선들이 로마인들을 떠난 후, 이 배들이 출격하여 사절들을 침몰시키기 위함이었다.
§15.2.7ἐφώρμει γὰρ αὐτοῖς τὸ ναυτικὸν κατὰ τοὺς πρὸ τῆς Ἰτύκης ἐγκειμένους τόπους.
왜냐하면 그들의 함대는 우티카 앞바다에 정박해 있었기 때문이다.
§15.2.8οὗτοι μὲν οὖν ταῦτα διαταξάμενοι πρὸς τὸν Ἀσδρούβαν ἐξέπεμπον τοὺς Ῥωμαίους, ἐντειλάμενοι τοῖς ἐπὶ τῶν τριήρων, [ὡς] ἐὰν παραλλάξωσι τὸν Μακάραν ποταμόν, αὖθις ἀπολιπόντας ἀποπλεῖν ἐν τῷ πόρῳ τοὺς πρεσβευτάς·
그들은 하스드루발에게 이와 같이 수배한 후 로마인들을 출발시키며, 삼단노선의 승무원들에게 마카라스 강을 지나자마자 해로에서 사절들을 내버려 두고 즉시 뱃머리를 돌려 회항하라고 명령했다.
§15.2.9καὶ γὰρ ἦν ἐκ τούτων τῶν τόπων συνορᾶν ἤδη τὴν τῶν ὑπεναντίων παρεμβολήν·
실제로 그곳에서는 이미 적들의 진영을 훤히 내다볼 수 있었기 때문이다.
§15.2.10οἱ δὲ παραπέμποντες, ἐπεὶ κατὰ τὸ συνταχθὲν παρήλλαξαν τὸν ποταμόν, ἀσπασάμενοι τοὺς Ῥωμαίους αὖθις ἐπανέπλεον.
호위대원들은 지시받은 대로 강을 지나자, 로마인들에게 작별 인사를 건네고 다시 회항했다.
§15.2.11οἱ δὲ περὶ τὸν Λεύκιον ἄλλο μὲν οὐδὲν ὑφεωρῶντο δεινόν, νομίσαντες δὲ τοὺς παραπέμποντας διʼ ὀλιγωρίαν αὐτοὺς προαπολιπεῖν ἐπὶ ποσὸν ἐδυσχέραινον.
루키우스와 그 일행은 다른 위험은 전혀 의심하지 않았으나, 호위대원들이 자신들을 가볍게 여겨 조기에 버려두고 떠났다고 생각하여 다소 불쾌해했다.
§15.2.12ἅμα δὲ τῷ μονωθέντας αὐτοὺς πλεῖν ἐπανάγονται τρισὶ τριήρεσιν ἐξ ὑποβολῆς οἱ Καρχηδόνιοι, καὶ παραβαλόντες τῇ Ῥωμαϊκῇ πεντήρει τρῶσαι μὲν οὐχ οἷοί τʼ ἦσαν, ὑποχωρούσης τῆς νεώς, οὐδὲ τοῦ καταστρώματος ἐπιβῆναι διὰ τὸ γενναίως ἀμύνεσθαι τοὺς ἄνδρας·
그러나 그들이 홀로 항해하게 된 바로 그때, 카르타고인들이 밀명에 따라 삼단노선 세 척으로 출격했다. 그들은 로마의 오단노선에 접근했으나, 로마 배가 뒤로 물러났기 때문에 충각으로 타격을 입힐 수 없었고, 로마인들이 용맹하게 방어했기 때문에 갑판으로 기어오를 수도 없었다.
§15.2.13ἐκ παραβολῆς δὲ καὶ πέριξ προσμαχόμενοι κατετίτρωσκον τοὺς ἐπιβάτας καὶ διέφθειρον πολλοὺς αὐτῶν,
하지만 옆에 나란히 붙어 주변에서 공격을 퍼부어 갑판의 병사들에게 부상을 입히고 그들 중 많은 이들을 죽였다.
§15.2.14ἕως οὗ κατιδόντες οἱ Ῥωμαῖοι τοὺς προνομεύοντας τὴν παραλίαν ἀπὸ τῆς ἰδίας στρατοπεδείας παραβοηθοῦντας ἐπὶ τὸν αἰγιαλὸν ἐξέβαλον τὴν ναῦν εἰς τὴν γῆν.
마침내 로마인들은 자신들의 진영에서 나와 해안가를 순찰하던 이들이 구출을 위해 해변으로 달려오는 것을 보고, 배를 육지로 몰아 처박았다.
§15.2.15τῶν μὲν οὖν ἐπιβατῶν οἱ πλεῖστοι διεφθάρησαν, οἱ δὲ πρεσβευταὶ παραδόξως ἐξεσώθησαν.
그리하여 탑승자들의 대부분은 죽었으나, 사절들은 기적적으로 목숨을 건졌다.