§12.26b.1ὅτι Γέλωνος ἐπαγγελλομένου τοῖς Ἕλλησι δισμυρίοις πεζοῖς, διακοσίαις δὲ ναυσὶ καταφράκτοις βοηθήσειν, ἐὰν αὐτῷ τῆς ἡγεμονίας ἢ τῆς κατὰ γῆν ἢ τῆς κατὰ θάλατταν παραχωρήσωσι, φασὶ τοὺς προκαθημένους ἐν Κορίνθῳ τῶν Ἑλλήνων πραγματικώτατον ἀπόκριμα δοῦναι τοῖς παρὰ τοῦ Γέλωνος πρεσβευταῖς·
겔론이 이만 명의 보병과 이백 척의 갑판선으로 그리스인들을 돕겠다고 약속하면서, 그 대가로 자신에게 육상이나 해상 중 하나의 지휘권을 양보할 것을 요구했을 때, 코린토스에 모여 있던 그리스인들의 지도자들은 겔론의 사절들에게 극히 실무적인 답변을 주었다고 한다.
§12.26b.2ἐκέλευον γὰρ ὡς ἐπίκουρον ἔρχεσθαι τὸν Γέλωνα μετὰ τῶν δυνάμεων, τὴν δʼ ἡγεμονίαν ἀνάγκῃ τὰ πράγματα περιθήσειν τοῖς ἀρίστοις τῶν ἀνδρῶν·
왜냐하면 그들은 겔론에게 그의 군대와 함께 동맹군으로서 오라고 요구하며, 지휘권에 대해서는 상황이 필연적으로 가장 뛰어난 사람들에게 그것을 부여할 것이라고 답했기 때문이다.
§12.26b.3τοῦτο δʼ ἐστὶν οὐ καταφευγόντων ἐπὶ τὰς Συρακοσίων ἐλπίδας, ἀλλὰ πιστευόντων αὑτοῖς καὶ προκαλουμένων τὸν βουλόμενον ἐπὶ τὸν τῆς ἀνδρείας ἀγῶνα καὶ τὸν περὶ τῆς ἀρετῆς στέφανον.
그리고 이것은 시라쿠사인들의 희망에 도피하려는 자들의 행동이 아니라, 스스로를 신뢰하며 용기의 경쟁과 탁월함의 면류관을 향해 원하는 자는 누구든 도전하도록 촉구하는 자들의 행동이다.
§12.26b.4ἀλλʼ ὅμως Τίμαιος εἰς ἕκαστα τῶν προειρημένων τοσούτους ἐκτείνει λόγους καὶ τοιαύτην ποιεῖται σπουδὴν περὶ τοῦ τὴν μὲν Σικελίαν μεγαλομερεστέραν ποιῆσαι τῆς συμπάσης Ἑλλάδος, τὰς δʼ ἐν αὐτῇ πράξεις ἐπιφανεστέρας καὶ καλλίους τῶν κατὰ τὴν ἄλλην οἰκουμένην, τῶν δʼ ἀνδρῶν τῶν μὲν σοφίᾳ διενηνοχότων σοφωτάτους τοὺς ἐν Σικελίᾳ, τῶν δὲ πραγματικῶν ἡγεμονικωτάτους καὶ θειοτάτους τοὺς ἐκ Συρακουσῶν,
그러나 그럼에도 불구하고, 티마이오스는 앞서 언급한 각각의 사안들에 대해 아주 많은 말을 늘어놓고, 시칠리아를 그리스 전역보다 더 장대하게 만들고, 그곳의 업적을 세계 다른 지역의 업적보다 더 빛나고 아름답게 만들며, 지혜에서 뛰어난 사람들 중에서 시칠리아 사람들을 가장 지혜로운 자로 만들고, 실무적인 사람들 중에서 시라쿠사 출신의 사람들을 가장 지도력 있고 신성한 존재로 만드는 데 엄청난 정성을 쏟고 있다.
§12.26b.5ὥστε μὴ καταλιπεῖν ὑπερβολὴν τοῖς μειρακίοις τοῖς ἐν ταῖς διατριβαῖς καὶ τοῖς περιπάτοις πρὸς τὰς παραδόξους ἐπιχειρήσεις, ὅταν ἢ Θερσίτου λέγειν ἐγκώμιον ἢ Πηνελόπης πρόθωνται ψόγον ἤ τινος ἑτέρου τῶν τοιούτων.
그리하여 학파와 산책로에 있는 젊은이들이 테르시테스에 대한 찬양이나 페넬로페에 대한 비난, 또는 그와 유사한 다른 주제를 제안하여 역설적인 시도를 하려 할 때, 그들에게 더 이상 능가할 여지를 남겨두지 않을 정도이다.