§1.42.1τὴν μὲν οὖν σύμπασαν Σικελίαν τῇ θέσει τετάχθαι συμβαίνει πρὸς τὴν Ἰταλίαν καὶ τἀκείνης πέρατα παραπλησίως τῇ τῆς Πελοποννήσου θέσει πρὸς τὴν λοιπὴν Ἑλλάδα καὶ τὰ ταύτης ἄκρα,
그리하여 시칠리아 전체는 그 위치 관계에 있어서, 펠로폰네소스 반도가 나머지 그리스 전역과 그 끝의 곶들에 대해 차지하고 있는 위치 관계와 거의 마찬가지로, 이탈리아와 그 끝자락들에 대해 위치해 있다.
§1.42.2τούτῳ δʼ αὐτῷ διαφέρειν ἀλλήλων, ᾗ ʼκείνη μὲν χερρόνησός ἐστιν, αὕτη δὲ νῆσος·
다만 바로 이 점에 있어서 둘은 서로 다른데, 전자는 반도인 반면 후자는 섬이라는 점이다.
ἧς μὲν γὰρ ὁ μεταξὺ τόπος ἐστὶ πορευτός, ἧς δὲ πλωτός.
왜냐하면 전자 사이의 공간은 걸어서 건널 수 있는 반면, 후자 사이의 공간은 배로 건너야 하기 때문이다.
§1.42.3τὸ δὲ σχῆμα τῆς Σικελίας ἐστὶ μὲν τρίγωνον, αἱ δὲ κορυφαὶ τῶν γωνιῶν ἑκάστης ἀκρωτηρίων λαμβάνουσι τάξεις,
시칠리아의 형태는 삼각형이며, 각 모퉁이의 꼭짓점들은 곶의 배치를 취하고 있다.
§1.42.4ὧν τὸ μὲν πρὸς μεσημβρίαν νεῦον, εἰς δὲ τὸ Σικελικὸν πέλαγος ἀνατεῖνον Πάχυνος καλεῖται,
그 중 남쪽을 향하고 시칠리아해로 뻗어 있는 것은 파키노스라 불린다.
§1.42.5τὸ δʼ εἰς τὰς ἄρκτους κεκλιμένον ὁρίζει μὲν τοῦ πορθμοῦ τὸ πρὸς δύσεις μέρος, ἀπέχει δὲ τῆς Ἰταλίας ὡς δεκαδύο στάδια, προσαγορεύεται δὲ Πελωριάς.
또한 북쪽으로 기운 것은 해협의 서쪽 부분을 경계 지으며, 이탈리아로부터 약 12스타디온 떨어져 있고, 펠로리아스라 일컬어진다.
§1.42.6τὸ δὲ τρίτον τέτραπται μὲν εἰς αὐτὴν τὴν Λιβύην, ἐπίκειται δὲ τοῖς προκειμένοις τῆς Καρχηδόνος ἀκρωτηρίοις εὐκαίρως, διέχον ὡς χιλίους σταδίους, νεύει δʼ εἰς χειμερινὰς δύσεις, διαιρεῖ δὲ τὸ Λιβυκὸν καὶ τὸ Σαρδῷον πέλαγος, προσαγορεύεται δὲ Λιλύβαιον.
세 번째 것은 리비아 그 자체를 마주하고 있으며, 카르타고 앞바다에 누워 있는 곶들을 향해 편리한 위치에 있고, 약 1000스타디온 떨어져 있으며, 동절기 일몰 방향을 향하고 있고, 리비아해와 사르디니아해를 갈라놓고 있으며, 릴리바이온이라 일컬어진다.
§1.42.7ἐπὶ δὲ τούτῳ πόλις ὁμώνυμος κεῖται τῷ τόπῳ, περὶ ἣν τότε συνέβαινε τοὺς Ῥωμαίους συνίστασθαι τὴν πολιορκίαν, τείχεσί τε διαφερόντως ἠσφαλισμένην καὶ πέριξ τάφρῳ βαθείᾳ καὶ τενάγεσιν ἐκ θαλάττης, διʼ ὧν ἐστιν εἰς τοὺς λιμένας εἴσπλους πολλῆς δεόμενος ἐμπειρίας καὶ συνηθείας.
이 곶 위에는 그 지역과 동명의 도시가 자리 잡고 있었는데, 당시 로마인들이 그 주위에 포위망을 형성하게 된 곳이다. 이 도시는 특히 성벽으로 견고히 방비되어 있었고, 주위는 깊은 참호와 바다로부터 이어지는 갯벌로 둘러싸여 있어, 이를 통해 항구로 들어가는 항로는 엄청난 경험과 숙련을 필요로 했다.
§1.42.8ταύτῃ δὲ προσστρατοπεδεύσαντες ἐξ ἑκατέρου μέρους οἱ Ῥωμαῖοι καὶ τὰ μεταξὺ τῶν στρατοπέδων τάφρῳ καὶ χάρακι καὶ τείχει διαλαβόντες ἤρξαντο προσάγειν ἔργα κατὰ τὸν ἔγγιστα κείμενον τῆς θαλάττης πύργον ὡς πρὸς τὸ Λιβυκὸν πέλαγος.
로마인들은 이 도시의 양편에 진을 치고, 진영 사이의 공간을 참호와 목책과 장벽으로 차단한 후, 리비아해를 향해 바다에 가장 가깝게 위치한 탑을 향해 공성 무기들을 전진시키기 시작했다.
§1.42.9προσκατασκευάζοντες δʼ ἀεὶ τοῖς ὑποκειμένοις καὶ παρεκτείνοντες τῶν ἔργων τὰς κατασκευὰς τέλος ἓξ πύργους τοὺς συνεχεῖς τῷ προειρημένῳ κατέβαλον, τοὺς δὲ λοιποὺς πάντας ἅμα κριοκοπεῖν ἐνεχείρησαν.
그들은 이미 설치된 기초 위에 계속해서 덧붙여 구축하고 공성 시설의 배치를 확장해 나갔으며, 마침내 앞서 언급한 탑에 인접한 여섯 개의 탑을 무너뜨렸고, 나머지 모든 탑에 대해서도 동시에 충차로 타격하기를 시도했다.
§1.42.10γινομένης δʼ ἐνεργοῦ καὶ καταπληκτικῆς τῆς πολιορκίας, καὶ τῶν πύργων τῶν μὲν πονούντων ἀνʼ ἑκάστην ἡμέραν, τῶν δʼ ἐρειπομένων, ἅμα δὲ καὶ τῶν ἔργων ἐπιβαινόντων ἀεὶ καὶ μᾶλλον ἐντὸς τῆς πόλεως,
포위 공격이 맹렬하고도 위압적으로 진행되어, 날마다 탑들 중 일부는 손상되고 일부는 무너져 내리는 한편, 동시에 공성 시설이 점점 더 도시 내부로 진입해 들어오자, 포위된 이들 사이에 강한 동요와 공포가 일어났다.
§1.42.11ἦν ἰσχυρὰ διατροπὴ καὶ κατάπληξις παρὰ τοῖς πολιορκουμένοις, καίπερ ὄντων ἐν τῇ πόλει χωρὶς τοῦ πολιτικοῦ πλήθους αὐτῶν τῶν μισθοφόρων εἰς μυρίους.
비록 도시 안에는 일반 시민들의 무리 외에도 용병들만 일만 명가량 있었음에도 그러했다.
§1.42.12οὐ μὴν ἀλλʼ ὅ γε στρατηγὸς αὐτῶν Ἰμίλκων οὐδὲν παρέλειπε τῶν δυνατῶν, ἀλλὰ τὰ μὲν ἀντοικοδομῶν, τὰ δʼ ἀντιμεταλλεύων οὐ τὴν τυχοῦσαν ἀπορίαν παρεῖχε τοῖς ὑπεναντίοις.
그럼에도 불구하고 그들의 장군 히밀코는 가능한 모든 방책을 아끼지 않았으며, 한편으로는 맞벽을 쌓고 다른 한편으로는 맞굴을 파면서 대적들에게 보통이 아닌 곤경을 안겨주었다.
§1.42.13ἔτι δὲ καθʼ ἑκάστην ἡμέραν ἐπιπορευόμενος καὶ τοῖς ἔργοις ἐγχειρῶν, εἴ πως δύναιτο πῦρ ἐμβαλεῖν, πολλοὺς ὑπὲρ τούτου τοῦ μέρους καὶ παραβόλους ἀγῶνας δὴ συνίστατο καὶ μεθʼ ἡμέραν καὶ νύκτωρ, ὥστε πλείους ἐνίοτε γίνεσθαι νεκροὺς ἐν ταῖς τοιαύταις συμπλοκαῖς τῶν εἰωθότων πίπτειν ἐν ταῖς παρατάξεσι.
나아가 그는 매일 출격하여 공성 시설에 손을 대며 어떻게든 불을 지를 수 있을지 시도하였고, 이 목적을 위해 주야로 많은 모험적인 전투를 실제로 벌렸으므로, 때로는 이러한 교전에서 발생하는 사망자 수가 통상의 정규전에서 쓰러지는 자들보다 더 많을 정도였다.