§1.34.1ἅμα δὲ τῷ τὸν Ξάνθιππον τοῖς μὲν ἐπὶ τῶν θηρίων παραγγεῖλαι προάγειν καὶ διασπᾶν τὰς τῶν ὑπεναντίων τάξεις, τοῖς δʼ ἱππεῦσιν ἐφʼ ἑκατέρου τοῦ κέρατος κυκλοῦν καὶ προσβάλλειν τοῖς πολεμίοις, §1.34.2τότε δὴ καὶ τὸ τῶν Ῥωμαίων στρατόπεδον κατὰ τὰ παρʼ αὐτοῖς ἔθη συνεψόφησαν τοῖς ὅπλοις καὶ συναλαλάξαντες ὥρμησαν ἐπὶ τοὺς πολεμίους.
크산티포스가 한편으로는 맹수 위에 탄 자들에게 전진하여 적들의 대열을 무너뜨리라고 명령하고, 다른 한편으로는 양 날개의 기병들에게 적들을 포위하여 공격하라고 명령함과 동시에, 바로 그때 로마의 군대도 자신들의 관습에 따라 무기를 부딪쳐 소리를 내고, 함성을 지르며 적들을 향해 돌격했다.
§1.34.3οἱ μὲν οὖν ἱππεῖς τῶν Ῥωμαίων ταχέως ἀφʼ ἑκατέρων τῶν κεράτων ἔφυγον διὰ τὸ πολλαπλασίους εἶναι τοὺς Καρχηδονίους.
그리하여 로마의 기병들은 카르타고인들이 몇 배나 더 많았기 때문에 양 날개로부터 신속하게 도망쳤다.
§1.34.4τῶν δὲ πεζῶν οἱ ταχθέντες ἐπὶ τοῦ λαιοῦ κέρως, ἅμα μὲν ἐκκλίνοντες τὴν τῶν θηρίων ἔφοδον, ἅμα δὲ καταφρονοῦντες τῶν μισθοφόρων ὥρμησαν ἐπὶ τὸ δεξιὸν κέρας τῶν Καρχηδονίων·
한편 보병들 중 좌익에 배치된 자들은 한편으로는 맹수들의 돌격을 피하고, 다른 한편으로는 용병들을 업신여기며 카르타고인의 우익으로 돌격했다.
τρεψάμενοι δὲ τούτους ἐπέκειντο καὶ κατεδίωκον αὐτοὺς ἕως εἰς τὸν χάρακα.
그리고 이들을 패주시킨 뒤 추격하여 그들의 숙영지까지 쫓아갔다.
§1.34.5τῶν δὲ κατὰ τοὺς ἐλέφαντας ταχθέντων οἱ μὲν πρῶτοι συμπεσόντες ὑπὸ τῆς βίας τῶν ζῴων ἐξωθούμενοι καὶ καταπατούμενοι σωρηδὸν ἐν χειρῶν νόμῳ διεφθείροντο, τῆς γε μὴν ὅλης τάξεως τὸ σύστημα διὰ τὸ βάθος τῶν ἐφεστώτων ἕως τινὸς ἀδιάσπαστον ἔμεινεν.
하지만 코끼리들을 마주하여 배치된 자들 중에서 가장 먼저 충돌한 이들은 맹수들의 폭력에 밀려나고 짓밟혀 백병전 속에서 무더기로 죽어갔다. 그러나 부대 전체의 결속은 후방에 대기하고 있던 대열의 깊이 덕분에 한동안 흐트러지지 않고 유지되었다.
§1.34.6ἐπεὶ δʼ οἱ μὲν τὰς ἐσχάτας ἔχοντες τάξεις κυκλούμενοι πανταχόθεν ὑπὸ τῶν ἱππέων ἠναγκάζοντο πρὸς τούτους στρεφόμενοι κινδυνεύειν, οἱ δὲ διὰ μέσων τῶν ἐλεφάντων εἰς τὸ πρόσθεν ἐκβιαζόμενοι καὶ κατὰ νώτου παριστάμενοι τῶν θηρίων εἰς ἀκέραιον καὶ συντεταγμένην ἐμπίπτοντες τὴν τῶν Καρχηδονίων φάλαγγα διεφθείροντο,
그리하여 후방의 대열에 있던 자들이 기병들에 의해 사방으로 포위되어 이들을 향해 돌아서서 싸울 수밖에 없게 되었을 때, 다른 한편으로 코끼리들 사이를 뚫고 전방으로 나아가 맹수들의 배후에 도달한 자들은 상처를 입지 않고 질서정연한 카르타고인들의 팔랑크스와 부딪혀 전멸해갔다.
§1.34.7τότε δὴ πανταχόθεν πονοῦντες οἱ μὲν πλεῖστοι τῶν Ῥωμαίων συνεπατήθησαν ὑπὸ τῆς ὑπερφυοῦς βίας τῶν ζῴων, οἱ δὲ λοιποὶ συνηκοντίσθησαν ὑπὸ τοῦ πλήθους τῶν ἱππέων ἐν αὐτῷ τῷ τῆς παρατάξεως τόπῳ, τελέως δέ τινες ὀλίγοι πρὸς φυγὴν ὥρμησαν.
바로 그때 사방에서 고통받으며 로마인들의 대부분은 맹수들의 엄청난 힘에 짓밟혔고, 나머지 이들은 대열을 이루었던 바로 그 자리에서 수많은 기병들의 투창에 맞아 죽었으며, 완전히 극소수의 사람들만이 도망치기 시작했다.
§1.34.8οὐσῶν δὲ πεδινῶν τῶν ὑποχωρήσεων, καὶ τούτων οἱ μὲν ὑπὸ τῶν θηρίων καὶ τῶν ἱππέων ἀπώλλυντο, πεντακόσιοι δʼ ἴσως οἱ μετὰ Μάρκου τοῦ στρατηγοῦ φυγόντες μετʼ ὀλίγον ὑποχείριοι γενόμενοι σὺν αὐτῷ ʼκείνῳ πάντες ἐζωγρήθησαν.
퇴각하는 길이 평탄한 평지였기 때문에, 이들 중에서도 어떤 이들은 맹수들과 기병들에게 목숨을 잃었고, 장군 마르쿠스와 함께 도망친 대략 오백 명의 사람들은 얼마 지나지 않아 포로가 되어 그 자신과 함께 모두 생포되었다.
§1.34.9τῶν μὲν οὖν παρὰ τοῖς Καρχηδονίοις μισθοφόρων ἔπεσον εἰς ὀκτακοσίους οἱ κατὰ τὸ λαιὸν τῶν Ῥωμαίων ταχθέντες, τῶν δὲ Ῥωμαίων ἐσώθησαν μὲν εἰς δισχιλίους οἱ κατὰ τὸ δίωγμα τῶν προειρημένων ἐκτὸς γενόμενοι τοῦ κινδύνου,
그리하여 카르타고 측의 용병들 중 로마군의 좌익을 마주하여 배치된 자들은 약 팔백 명이 전사했고, 로마인들 중에서는 앞서 언급된 자들을 추격함으로써 위험에서 벗어난 약 이천 명이 살아남았다.
§1.34.10τὸ δὲ λοιπὸν πλῆθος διεφθάρη πλὴν Μάρκου τοῦ στρατηγοῦ καὶ τῶν ἅμα τούτῳ φυγόντων.
나머지 군중은 장군 마르쿠스와 그와 함께 도망친 자들을 제외하고 모두 전멸했다.
§1.34.11αἱ μὲν οὖν σημεῖαι τῶν Ῥωμαίων αἱ σωθεῖσαι διέπεσον εἰς τὴν Ἀσπίδα παραδόξως·
그리하여 살아남은 로마군의 부대들은 뜻밖에 아스피스로 달아났다.
§1.34.12οἱ δὲ Καρχηδόνιοι τοὺς νεκροὺς σκυλεύσαντες καὶ τὸν στρατηγὸν ἅμα μετὰ τῶν αἰχμαλώτων ἄγοντες ἐπανῆλθον περιχαρεῖς τοῖς παροῦσιν εἰς τὴν πόλιν.
카르타고인들은 시체들로부터 전리품을 거두고, 장군을 포로들과 함께 끌고 가며, 현재 일어난 일에 크게 기뻐하면서 도시로 돌아왔다.