§1.33.1οἱ δὲ Ῥωμαῖοι θεωροῦντες τοὺς Καρχηδονίους τάς τε πορείας ποιουμένους διὰ τῶν ὁμαλῶν τόπων καὶ τὰς στρατοπεδείας τιθέντας ἐν τοῖς ἐπιπέδοις τῶν χωρίων, κατʼ αὐτὸ μὲν τοῦτο ξενιζόμενοι διετρέποντο, τοῖς γε μὴν ὅλοις ἔσπευδον ἐγγίσαι τοῖς πολεμίοις.
로마인들은 카르타고인들이 평탄한 지역을 통해 행군하고 평평한 땅에 숙영지를 설치하는 것을 보고 바로 이 사실에 놀라 당황했으나, 그럼에도 불구하고 적에게 접근하기를 서둘렀다.
§1.33.2συνάψαντες δὲ τὴν μὲν πρώτην ἡμέραν κατεστρατοπέδευσαν ὡς δέκα σταδίους ἀποσχόντες τῶν ὑπεναντίων.
그리고 접근하여 첫날에는 적들로부터 약 10스타디온 떨어진 곳에 숙영지를 건설했다.
§1.33.3τῇ δὲ κατὰ πόδας οἱ μὲν προεστῶτες τῶν Καρχηδονίων ἐβουλεύοντο πῶς καὶ τί πρακτέον εἴη κατὰ τὸ παρόν·
그 이튿날, 카르타고인의 지도자들은 현재의 상황에서 어떻게 그리고 무엇을 해야 할지 논의하고 있었다.
§1.33.4οἱ δὲ πολλοὶ προθύμως ἔχοντες πρὸς τὸν κίνδυνον, συστρεφόμενοι κατὰ μέρη καὶ κατʼ ὄνομα τὸν Ξάνθιππον ἀναβοῶντες ἐξάγειν σφᾶς ᾤοντο δεῖν τὴν ταχίστην.
그러나 군중은 전투에 열의를 품고 부대별로 모여 크산티포스의 이름을 외치며, 자신들을 가능한 한 빨리 이끌고 출격해야 한다고 생각했다.
§1.33.5οἱ δὲ στρατηγοὶ τήν τε τῶν ὄχλων ὁρμὴν καὶ προθυμίαν θεωροῦντες, ἅμα δὲ καὶ τοῦ Ξανθίππου διαμαρτυρομένου μὴ παριέναι τὸν καιρόν, παρήγγειλαν τῷ μὲν πλήθει διασκευάζεσθαι, τῷ δὲ Ξανθίππῳ χρῆσθαι τοῖς πράγμασιν ἐπέτρεψαν ὥς ποτʼ αὐτῷ δοκεῖ συμφέρειν.
장군들은 군중의 이러한 충동과 열의를 보고, 동시에 크산티포스 역시 기회를 놓치지 말아야 한다고 강하게 주장하자, 병사들에게 준비를 갖추라고 명령하고 크산티포스에게는 그가 보기에 가장 이롭다고 생각하는 방식으로 사태를 처리하도록 위임했다.
§1.33.6ὁ δὲ λαβὼν τὴν ἐξουσίαν, τοὺς μὲν ἐλέφαντας ἐξαγαγὼν ἐφʼ ἕνα πρὸ πάσης τῆς δυνάμεως ἐν μετώπῳ κατέστησε, τὴν δὲ φάλαγγα τῶν Καρχηδονίων ἐν ἀποστήματι συμμέτρῳ τούτοις κατόπιν ἐπέστησε.
그는 지휘권을 잡자 코끼리들을 이끌고 나와 전군 앞의 전면에 일렬로 배치하고, 카르타고인들의 팔랑크스를 이들로부터 적절한 거리를 두고 뒤쪽에 배치했다.
§1.33.7τῶν δὲ μισθοφόρων τοὺς μὲν ἐπὶ τὸ δεξιὸν κέρας παρενέβαλεν, τοὺς δʼ εὐκινητοτάτους ὁμοῦ τοῖς ἱππεῦσιν ἑκατέρου τοῦ κέρατος προέστησεν.
그리고 용병들 중 일부는 우익에 배치하고, 가장 기동력이 뛰어난 자들을 기병들과 함께 양 날개의 전방에 배치했다.
§1.33.8οἱ δὲ Ῥωμαῖοι συνιδόντες παραταττομένους τοὺς ὑπεναντίους ἀντεξῄεσαν ἑτοίμως.
로마인들은 적들이 대열을 정비하는 것을 보고 기꺼이 맞서 출격했다.
§1.33.9καταπληττόμενοι δὲ καὶ προορώμενοι τὴν τῶν ἐλεφάντων ἔφοδον, προθέμενοι τοὺς γροσφομάχους πολλὰς ἐπʼ ἀλλήλαις κατόπιν ἵστασαν σημείας, τοὺς δʼ ἱππεῖς ἐμέρισαν ἐφʼ ἑκάτερον τὸ κέρας.
그들은 코끼리의 돌격을 두려워하며 대비했기에, 경장보병들을 전면에 내세보고 많은 대열을 서로의 뒤편에 겹겹이 배치했으며, 기병은 양 날개로 나누어 배치했다.
§1.33.10τὴν δὲ σύμπασαν τάξιν βραχυτέραν μὲν ἢ πρόσθεν, βαθυτέραν δὲ ποιήσαντες τῆς μὲν πρὸς τὰ θηρία μάχης δεόντως ἦσαν ἐστοχασμένοι, τῆς δὲ πρὸς τοὺς ἱππεῖς, πολλαπλασίους ὄντας τῶν παρʼ αὐτοῖς, ὁλοσχερῶς ἠστόχησαν.
그리하여 전체 대열을 이전보다 좁지만 더 깊게 만들었는데, 이는 맹수들과의 전투에 대해서는 적절히 대비한 셈이었으나, 자신들보다 몇 배나 많았던 기병들과의 전투에 대해서는 완전히 실패한 셈이었다.
§1.33.11ἐπεὶ δʼ ἀμφότεροι κατὰ τὰς ἑαυτῶν προαιρέσεις καὶ καθόλου καὶ κατὰ μέρος ἑκάστους ἔθηκαν εἰς τὰς ἁρμοζούσας τάξεις, ἔμενον ἐν κόσμῳ, καραδοκοῦντες τὸν καιρὸν τῆς ἀλλήλων ἐπιθέσεως.
쌍방이 자신들의 의도에 따라 전체적으로나 부분적으로나 각각을 적절한 대열에 배치한 뒤, 서로 공격할 기회를 엿보며 질서정연하게 머물러 있었다。