§1.19.1τῶν χορηγίων.
(앞 절에 이어짐) 보급품의.
μετὰ δὲ ταῦτα θεωρῶν ὁ προειρημένος ἀνὴρ τοὺς μὲν Ῥωμαίους ὑπό τε τῆς νόσου καὶ τῆς ἐνδείας ἀσθενῶς διακειμένους διὰ τὸ λοιμικὴν εἶναι παρʼ αὐτοῖς κατάστασιν, τὰ δὲ σφέτερα στρατόπεδα νομίζων ἀξιόχρεα πρὸς μάχην ὑπάρχειν, §1.19.2ἀναλαβὼν τά τε θηρία περὶ πεντήκοντα τὸν ἀριθμὸν ὄντα καὶ τὴν λοιπὴν δύναμιν ἅπασαν προῆγε κατὰ σπουδὴν ἐκ τῆς Ἡρακλείας, παραγγείλας τοῖς Νομαδικοῖς ἱππεῦσι προπορεύεσθαι καὶ συνεγγίσασι τῷ χάρακι τῶν ἐναντίων ἐρεθίζειν καὶ πειρᾶσθαι τοὺς ἱππεῖς αὐτῶν ἐκκαλεῖσθαι, κἄπειτα πάλιν ἐκκλίνασιν ἀποχωρεῖν, ἕως ἂν αὐτῷ συμμίξωσι.
이 사태 이후, 앞서 언급된 자는 로마인들이 그들 사이에 돌고 있는 역병의 상황으로 인해 질병과 결핍으로 쇠약해져 있는 것을 보고, 다른 한편으로 자신의 군대는 전투를 치르기에 충분한 상태에 있다고 생각하여, 수량이 약 50마리에 이르는 전투코끼리들과 나머지 전 군세를 이끌고 헤라클레이아로부터 서둘러 진군하였고, 누미디아 기병들에게 앞서 나아가 적들의 진영에 접근하여 도발하고 그들의 기병들을 유인하도록 시도하며, 그 후 다시 몸을 돌려 자신과 합류할 때까지 후퇴하라고 명령했다.
§1.19.3πραξάντων δὲ τὸ συνταχθὲν τῶν Νομάδων καὶ προσμιξάντων θατέρῳ τῶν στρατοπέδων, εὐθὺς οἱ τῶν Ῥωμαίων ἱππεῖς ἐξεχέοντο καὶ θρασέως ἐπέκειντο τοῖς Νομάσιν.
누미디아인들이 지시된 바를 실행하여 두 진영 중 한 곳에 접근하자, 즉시 로마의 기병들이 쏟아져 나와 용맹하게 누미디아인들을 추격했다.
§1.19.4οἱ δὲ Λίβυες ὑπεχώρουν κατὰ τὸ παράγγελμα, μέχρι συνέμιξαν τοῖς περὶ τὸν Ἄννωνα·
리비아인들은 명령에 따라 후퇴하여 한노의 부대와 합류할 때까지 물러섰다.
λοιπόν τʼ ἐκ μεταβολῆς περιχυθέντες ἐπέκειντο τοῖς πολεμίοις καὶ πολλοὺς μὲν αὐτῶν ἀπέκτειναν, τοὺς δὲ λοιποὺς ἕως εἰς τὸν χάρακα συνεδίωξαν.
그런 다음 그들은 몸을 돌려 적들을 둘러싸고 맹렬히 공격하여 그들 중 많은 자들을 죽였고, 나머지 자들을 진영까지 추격하여 몰아넣었다.
§1.19.5γενομένων δὲ τούτων ἐπεστρατοπέδευσαν οἱ περὶ τὸν Ἄννωνα τοῖς Ῥωμαίοις, καταλαβόμενοι τὸν λόφον τὸν καλούμενον Τόρον, ὡς δέκα σταδίους ἀπέχοντες τῶν ὑπεναντίων.
이 일이 일어난 후, 한노의 군대는 토로스라고 불리는 언덕을 점령하고 적들로부터 약 10스타디온 떨어진 곳에서 로마인들을 마주보며 진영을 구축했다.
§1.19.6καὶ δύο μὲν μῆνας ἔμενον ἐπὶ τῶν ὑποκειμένων, οὐδὲν ὁλοσχερὲς πράττοντες πλὴν ἀκροβολιζόμενοι καθʼ ἑκάστην ἡμέραν.
그리고 그들은 그 자리에 두 달 동안 머물렀는데, 매일 소규모 접전을 벌이는 것 외에는 결정적인 행동을 전혀 취하지 않았다.
§1.19.7τοῦ δʼ Ἀννίβου διαπυρσευομένου καὶ διαπεμπομένου συνεχῶς ἐκ τῆς πόλεως πρὸς τὸν Ἄννωνα καὶ δηλοῦντος ὅτι τὰ πλήθη τὸν λιμὸν οὐχ ὑπομένει, πολλοὶ δὲ καὶ πρὸς τοὺς πολεμίους αὐτομολοῦσι διὰ τὴν ἔνδειαν, ἔγνω διακινδυνεύειν ὁ τῶν Καρχηδονίων στρατηγός, οὐχ ἧττον ἐπὶ τοῦτο φερομένων καὶ τῶν Ῥωμαίων διὰ τὰς προειρημένας αἰτίας.
한니발이 성안에서 한노에게 끊임없이 신호를 보내고 사절을 파견하여, 군중들이 굶주림을 견디지 못하고 있으며 핍절함 때문에 많은 이들이 적에게 탈영하여 넘어가고 있음을 알렸기 때문에, 카르타고의 장군은 결전을 치르기로 결심하였는데, 로마인들 또한 앞서 언급된 이유들로 인해 이에 못지않게 이 결전으로 쏠려 가고 있었다.
§1.19.8διόπερ ἐξαγαγόντες ἀμφότεροι τὰς δυνάμεις εἰς τὸν μεταξὺ τόπον τῶν στρατοπέδων συνέβαλλον ἀλλήλοις.
그리하여 양측은 자신들의 군대를 진영들 사이의 공간으로 이끌고 나와 서로 충돌했다.
§1.19.9ἐπὶ πολὺν δὲ χρόνον γενομένης τῆς μάχης τέλος ἐτρέψαντο τοὺς προκινδυνεύσαντας μισθοφόρους τῶν Καρχηδονίων οἱ Ῥωμαῖοι.
전투가 오랫동안 지속된 끝에, 마침내 로마인들은 카르타고의 선봉에서 싸우던 용병들을 퇴각시켰다.
§1.19.10τούτων δὲ πεσόντων εἰς τὰ θηρία καὶ τὰς λοιπὰς τάξεις τὰς ἐφεστηκυίας συνέβη πᾶν συνταραχθῆναι τὸ τῶν Φοινίκων στρατόπεδον.
이들이 전투코끼리들과 그 뒤에 배치되어 있던 다른 대열들로 밀려 쓰러지자, 카르타고인들의 전 군세가 온통 혼란에 빠지게 되었다.
§1.19.11γενομένου δʼ ἐγκλίματος ὁλοσχεροῦς οἱ μὲν πλεῖστοι διεφθάρησαν αὐτῶν, τινὲς δʼ εἰς Ἡράκλειαν ἀπεχώρησαν·
전면적인 패주가 일어나자 그들 대부분이 목숨을 잃었고, 일부는 헤라클레이아로 도망쳤다.
οἱ δὲ Ῥωμαῖοι τῶν τε πλείστων ἐκυρίευσαν θηρίων καὶ τῆς ἐπισκευῆς ἁπάσης.
로마인들은 대부분의 전투코끼리들과 모든 치중품을 손에 넣었다.
§1.19.12ἐπιγενομένης δὲ τῆς νυκτός, καὶ διὰ τὴν ἐκ τῶν κατορθωμάτων χαρὰν καὶ διὰ τὸν κόπον ῥᾳθυμότερον ταῖς φυλακαῖς αὐτῶν χρησαμένων, ἀπελπίσας Ἀννίβας τὰ πράγματα καὶ νομίσας ἔχειν εὐφυῆ καιρὸν πρὸς σωτηρίαν διὰ τὰς προειρημένας αἰτίας, ὥρμησε περὶ μέσας νύκτας ἐκ τῆς πόλεως, ἔχων τὰς ξενικὰς δυνάμεις.
밤이 찾아오고, 로마인들이 성공에 따른 기쁨과 피로 때문에 초소 경계를 다소 소홀히 하고 있었을 때, 한니발은 사태를 절망적으로 보고 앞서 언급된 이유들 덕분에 탈출을 위한 아주 좋은 기회를 얻었다고 판단하여, 한밤중쯤에 용병 부대를 이끌고 성안에서 출발했다.
§1.19.13χώσας δὲ φορμοῖς ἀχύρων σεσαγμένοις τὰς τάφρους ἔλαθε τοὺς πολεμίους ἀπαγαγὼν ἀσφαλῶς τὴν δύναμιν.
그는 겨를 가득 채운 바구니들로 참호를 메우고, 적들이 눈치채지 못하게 안전하게 군대를 퇴각시켰다.
§1.19.14οἱ δὲ Ῥωμαῖοι τῆς ἡμέρας ἐπελθούσης συνέντες τὸ γεγονὸς καὶ τῆς οὐραγίας τῆς τῶν περὶ τὸν Ἀννίβαν ἐπὶ βραχὺ καθαψάμενοι μετὰ ταῦτα πάντες ὥρμησαν πρὸς τὰς πύλας.
날이 밝자 로마인들은 일어난 일을 깨닫고, 한니발 일행의 후방부대를 약간 공격한 후, 이어서 모두 성문들을 향해 돌진했다.
§1.19.15οὐδενὸς δʼ ἐμποδὼν αὐτοῖς ἱσταμένου, παρεισπεσόντες διήρπασαν τὴν πόλιν καὶ πολλῶν μὲν σωμάτων, πολλῆς δὲ καὶ παντοδαπῆς ἐγένοντο κατασκευῆς ἐγκρατεῖς.
아무도 그들을 가로막지 않자, 그들은 난입하여 도시를 약탈하고 많은 포로들과 온갖 종류의 엄청난 치중품을 손에 넣었다.