§8.38.1ἀνωτέρω δὲ ὀλίγον τείχους τε περίβολος τῆς Λυκοσούρας ἐστὶ καὶ οἰκήτορες ἔνεισιν οὐ πολλοί.
조금 더 위쪽에는 뤼코수라의 성벽 유적이 있으며 주민은 그리 많지 않다.
πόλεων δέ, ὁπόσας ἐπὶ τῇ ἠπείρῳ ἔδειξε γῆ καὶ ἐν νήσοις, Λυκόσουρά ἐστι πρεσβυτάτη, καὶ ταύτην εἶδεν ὁ ἥλιος πρώτην·
대지가 대륙과 섬들 위에 보여준 모든 도시들 중에서 뤼코수라가 가장 오래되었으며, 태양이 이 도시를 가장 먼저 보았다.
ἀπὸ ταύτης δὲ οἱ λοιποὶ ποιεῖσθαι πόλεις μεμαθήκασιν ἄνθρωποι.
이 도시로부터 나머지 인류는 도시를 건설하는 법을 배웠다.
§8.38.2ἐν ἀριστερᾷ δὲ τοῦ ἱεροῦ τῆς Δεσποίνης τὸ ὄρος ἐστὶ τὸ Λύκαιον·
데스포이나 성소의 왼편에는 뤼카이온산이 있다.
καλοῦσι δὲ αὐτὸ καὶ Ὄλυμπον καὶ Ἱεράν γε ἕτεροι τῶν Ἀρκάδων κορυφήν.
아르카디아인들 중 어떤 이들은 이 산을 올림포스라고도 부르고, 다른 이들은 '신성한 봉우리'라고도 부른다.
τραφῆναι δὲ τὸν Δία φασὶν ἐν τῷ ὄρει τούτῳ·
그들은 제우스가 이 산에서 자라났다고 말한다.
καὶ χώρα τέ ἐστιν ἐν τῷ Λυκαίῳ Κρητέα καλουμένη—αὕτη δὲ ἡ Κρητέα ἐστὶν ἐξ ἀριστερᾶς Ἀπόλλωνος ἄλσους ἐπίκλησιν Παρρασίου—καὶ τὴν Κρήτην, ἔνθα ὁ Κρητῶν ἔχει λόγος τραφῆναι Δία, τὸ χωρίον τοῦτο εἶναι καὶ οὐ τὴν νῆσον ἀμφισβητοῦσιν οἱ Ἀρκάδες.
또한 뤼카이온에는 크레테아라고 불리는 지역이 있는데, 이 크레테아는 파라시오스라는 통칭을 가진 아폴론의 성스러운 숲 왼편에 있다. 그리고 아르카디아인들은 크레타인들의 전설에서 제우스가 자라났다고 하는 크레타가 섬이 아니라 바로 이 지역이라고 주장한다.
§8.38.3ταῖς Νύμφαις δὲ ὀνόματα, ὑφʼ ὧν τὸν Δία τραφῆναι λέγουσι, τίθενται Θεισόαν καὶ Νέδαν καὶ Ἁγνώ·
그들은 제우스를 길렀다고 전해지는 뉨파들에게 테이소아, 네다, 학노라는 이름을 붙였다.
καὶ ἀπὸ μὲν τῆς Θεισόας πόλις ᾠκεῖτο ἐν τῇ Παρρασίᾳ, τὰ δὲ ἐπʼ ἐμοῦ μοίρας τῆς Μεγαλοπολίτιδός ἐστιν ἡ Θεισόα κώμη·
테이소아의 이름을 따서 파라시아에 도시가 번성했으나, 내 시대에는 테이소아는 메갈로폴리스 지방의 한 마을에 불과하다.
τῆς Νέδας δὲ ὁ ποταμὸς τὸ ὄνομα ἔσχηκε·
네다로부터 강이 그 이름을 얻었다.
τῆς δὲ Ἁγνοῦς, ἣ ἐν τῷ ὄρει τῷ Λυκαίῳ πηγὴ κατὰ τὰ αὐτὰ ποταμῷ τῷ Ἴστρῳ πέφυκεν ἴσον παρέχεσθαι τὸ ὕδωρ ἐν χειμῶνι ὁμοίως καὶ ἐν ὥρᾳ θέρους.
그리고 학노로부터는 뤼카이온산에 있는 샘이 이름을 얻었는데, 이 샘은 이스트로스강과 마찬가지로 겨울이나 여름철에나 똑같이 동일한 양의 물을 공급하는 성질을 지니고 있다.
§8.38.4ἢν δὲ αὐχμὸς χρόνον ἐπέχῃ πολὺν καὶ ἤδη σφίσι τὰ σπέρματα ἐν τῇ γῇ καὶ τὰ δένδρα αὐαίνηται, τηνικαῦτα ὁ ἱερεὺς τοῦ Λυκαίου Διὸς προσευξάμενος ἐς τὸ ὕδωρ καὶ θύσας ὁπόσα ἐστὶν αὐτῷ νόμος, καθίησι δρυὸς κλάδον ἐπιπολῆς καὶ οὐκ ἐς βάθος τῆς πηγῆς·
만약 가뭄이 오랫동안 지속되어 땅속의 씨앗과 나무들이 이미 시들어 가고 있다면, 그때 뤼카이온의 제우스 사제는 물을 향해 기도를 올리고 자신에게 정해진 대로 제사를 지낸 뒤, 샘 깊숙이가 아니라 그 표면에 참나무 가지를 담근다.
ἀνακινηθέντος δὲ τοῦ ὕδατος ἄνεισιν ἀχλὺς ἐοικυῖα ὁμίχλῃ, διαλιποῦσα δὲ ὀλίγον γίνεται νέφος ἡ ἀχλὺς καὶ ἐς αὑτὴν ἄλλα ἐπαγομένη τῶν νεφῶν ὑετὸν τοῖς Ἀρκάσιν ἐς τὴν γῆν κατιέναι ποιεῖ.
물이 출렁이면 안개 같은 기운이 피어오르고, 잠시 후 그 안개는 구름이 되며, 다른 구름들을 자신에게로 끌어들여 아르카디아인들을 위해 땅에 비가 내리게 한다.
§8.38.5ἔστι δὲ ἐν τῷ Λυκαίῳ Πανός τε ἱερὸν καὶ περὶ αὐτὸ ἄλσος δένδρων καὶ ἱππόδρομός τε καὶ πρὸ αὐτοῦ στάδιον·
뤼카이온에는 판의 성소와 그 주변의 나무숲, 마장, 그리고 그 앞의 경기장이 있다.
τὸ δὲ ἀρχαῖον τῶν Λυκαίων ἦγον τὸν ἀγῶνα ἐνταῦθα.
옛날에는 뤼카이아 제전의 경기들을 여기서 치렀다.
ἔστι δὲ αὐτόθι καὶ ἀνδριάντων βάθρα, οὐκ ἐπόντων ἔτι ἀνδριάντων·
그곳에는 또한 조상들의 받침대들이 남아 있으나 조상들은 더 이상 서 있지 않다.
ἐλεγεῖον δὲ ἐπὶ τῶν βάθρων ἑνὶ Ἀστυάνακτός φησιν εἶναι τὴν εἰκόνα, τὸν δὲ Ἀστυάνακτα εἶναι γένος τῶν ἀπὸ Ἀρκάδος.
받침대 중 하나에 새겨진 엘레게이아 시는 그 초상이 아스티아낙스의 것이며, 아스티아낙스는 아르카스의 후손 계열에 속한다고 전한다.
§8.38.6τὸ δὲ ὄρος παρέχεται τὸ Λύκαιον καὶ ἄλλα ἐς θαῦμα καὶ μάλιστα τόδε.
뤼카이온산은 그 밖에도 놀라운 것들을 보여주는데, 특히 다음의 것이 그러하다.
τέμενός ἐστιν ἐν αὐτῷ Λυκαίου Διός, ἔσοδος δὲ οὐκ ἔστιν ἐς αὐτὸ ἀνθρώποις·
그 산에는 뤼카이온 제우스의 성역이 있으나, 사람의 출입이 허용되지 않는다.
ὑπεριδόντα δὲ τοῦ νόμου καὶ ἐσελθόντα ἀνάγκη πᾶσα αὐτὸν ἐνιαυτοῦ πρόσω μὴ βιῶναι.
법을 무시하고 들어간 자는 누구나 한 해를 넘겨 살지 못하는 엄격한 한계가 있다.
καὶ τάδε ἔτι ἐλέγετο, τὰ ἐντὸς τοῦ τεμένους γενόμενα ὁμοίως πάντα καὶ θηρία καὶ ἀνθρώπους οὐ παρέχεσθαι σκιάν·
또한 성역 안으로 들어간 것은 짐승이든 사람이든 마찬가지로 모두 그림자를 드리우지 않는다는 이야기도 전해진다.
καὶ διὰ τοῦτο ἐς τὸ τέμενος θηρίου καταφεύγοντος οὐκ ἐθέλει οἱ συνεσπίπτειν ὁ κυνηγέτης, ἀλλὰ ὑπομένων ἐκτὸς καὶ ὁρῶν τὸ θηρίον οὐδεμίαν ἀπʼ αὐτοῦ θεᾶται σκιάν.
이 때문에 짐승이 성역으로 도망쳐 들어갈 때 사냥꾼은 함께 뛰어들려 하지 않고, 밖에 머물며 그 짐승을 바라보지만 그로부터 아무런 그림자도 보지 못한다.
χρόνον μὲν δὴ τὸν ἴσον ἔπεισί τε ὁ ἥλιος τὸν ἐν τῷ οὐρανῷ καρκίνον καὶ ἐν Συήνῃ τῇ πρὸ Αἰθιοπίας οὔτε ἀπὸ δένδρων οὔτε ἀπὸ τῶν ζῴων γενέσθαι σκιὰν ἔστι· τὸ δὲ ἐν τῷ Λυκαίῳ τέμενος τὸ αὐτὸ ἐς τὰς σκιὰς ἀεί τε καὶ ἐπὶ πασῶν πέπονθε τῶν ὡρῶν.
실제로 태양이 하늘의 게자리를 지나는 동일한 기간에는 에티오피아 앞의 시에네에서 나무나 동물로부터 그림자가 생기지 않지만, 뤼카이온의 성역은 그림자에 관해 항상 그리고 모든 계절에 똑같은 상태를 겪고 있다.