§8.33.1εἰ δὲ ἡ Μεγάλη πόλις προθυμίᾳ τε τῇ πάσῃ συνοικισθεῖσα ὑπὸ Ἀρκάδων καὶ ἐπὶ μεγίσταις τῶν Ἑλλήνων ἐλπίσιν ἐς αὐτὴν κόσμον τὸν ἅπαντα καὶ εὐδαιμονίαν τὴν ἀρχαίαν ἀφῄρηται καὶ τὰ πολλά ἐστιν αὐτῆς ἐρείπια ἐφʼ ἡμῶν, θαῦμα οὐδὲν ἐποιησάμην, εἰδὼς τὸ δαιμόνιον νεώτερα ἀεί τινα ἐθέλον ἐργάζεσθαι, καὶ ὁμοίως τὰ πάντα τά τε ἐχυρὰ καὶ τὰ ἀσθενῆ καὶ τὰ γινόμενά τε καὶ ὁπόσα ἀπόλλυνται μεταβάλλουσαν τὴν τύχην, καὶ ὅπως ἂν αὐτῇ παριστῆται μετὰ ἰσχυρᾶς ἀνάγκης ἄγουσαν.
그러나 만일 메갈로폴리스가 아르카디아인들에 의해 온갖 열의를 다해 집주되었고, 그리스인들 사이에서 가장 커다란 기대 속에서 건설되었음에도 불구하고, 그 장식의 전부와 옛 번영을 빼앗겨 우리 시대에는 그 대부분이 폐허가 되어 있다 할지라도, 나는 조금도 놀라지 않았다. 그것은 신령이 늘 무언가 새로운 것을 만들어내기를 원한다는 것을 내가 알고 있으며, 마찬가지로 강한 것이나 약한 것이나, 생겨나는 것이나 멸망하는 것이나, 모든 것을 운명이 똑같이 변화시키고, 또한 강력한 필연성을 가지고 운명이 자신에게 뜻하는 바대로 이끌고 가고 있음을 알고 있기 때문이다.
§8.33.2Μυκῆναι μέν γε, τοῦ πρὸς Ἰλίῳ πολέμου τοῖς Ἕλλησιν ἡγησαμένη, καὶ Νῖνος, ἔνθα ἦν Ἀσσυρίοις βασίλεια, καὶ Βοιώτιαι Θῆβαι προστῆναι τοῦ Ἑλληνικοῦ ποτε ἀξιωθεῖσαι, αἱ μὲν ἠρήμωνται πανώλεθροι, τὸ δὲ ὄνομα τῶν Θηβῶν ἐς ἀκρόπολιν μόνην καὶ οἰκήτορας καταβέβηκεν οὐ πολλούς.
즉, 일리온과의 전쟁에서 그리스인들을 이끌었던 미케네, 아시리아인들의 왕궁이 있던 니노스, 그리고 한때 그리스 세계의 지도자가 되기에 합당하다고 여겨졌던 보이오티아의 테베는, 어떤 것은 완전히 파멸하여 황폐해졌고 테베라는 이름은 이제 아크로폴리스 자체와 소수의 주민에게로 축소되어 버렸다.
τὰ δὲ ὑπερηρκότα πλούτῳ τὸ ἀρχαῖον, Θῆβαί τε αἱ Αἰγύπτιοι καὶ ὁ Μινύης Ὀρχομενὸς καὶ ἡ Δῆλος τὸ κοινὸν Ἑλλήνων ἐμπόριον, αἱ μὲν ἀνδρὸς ἰδιώτου μέσου δυνάμει χρημάτων καταδέουσιν ἐς εὐδαιμονίαν, ἡ Δῆλος δέ, ἀφελόντι τοὺς ἀφικνουμένους παρʼ Ἀθηναίων ἐς τοῦ ἱεροῦ τὴν φρουράν, Δηλίων γε ἕνεκα ἔρημός ἐστιν ἀνθρώπων.
또한 옛날에 부에 있어서 뛰어났던 것들, 즉 이집트의 테베, 미뉴아스의 오르코메노스, 그리고 그리스인들의 공동 교역지였던 델로스 섬은, 어떤 것은 중간 정도의 자력을 지닌 한 개인의 재산보다도 번영의 면에서 못 미치며, 델로스 섬의 경우에는 아테네에서 성소를 지키기 위해 찾아오는 이들을 제외한다면 델로스인들 자신에 관한 한 사람이 살지 않는 황무지가 되어 있다.
§8.33.3Βαβυλῶνος δὲ τοῦ μὲν Βήλου τὸ ἱερὸν λείπεται, Βαβυλῶνος δὲ ταύτης, ἥντινα εἶδε πόλεων τῶν τότε μεγίστην ἥλιος, οὐδὲν ἔτι ἦν εἰ μὴ τεῖχος, καθὰ καὶ Τίρυνθος τῆς ἐν τῇ Ἀργολίδι.
바빌론에 대해서는 벨로스의 신전은 남아 있지만, 한때 태양이 보았던 당시 가장 거대했던 도시인 이 바빌론에는 아르고리스 지방의 티린스처럼 성벽 말고는 아무것도 남아 있지 않다.
ταῦτα μὲν δὴ ἐποίησεν ὁ δαίμων εἶναι τὸ μηδέν·
이처럼 신령은 이것들을 무로 돌려버렸다.
ἡ δὲ Ἀλεξάνδρου πόλις ἐν Αἰγύπτῳ καὶ ἡ Σελεύκου παρὰ τῷ Ὀρόντῃ χθές τε ᾠκισμέναι καὶ πρῴην ἐς τοσοῦτο ἐπιδεδώκασι μεγέθους καὶ εὐδαιμονίας, ὅτι σφᾶς ἡ τύχη δεξιοῦται.
반면에 이집트의 알렉산드로스 도시와 오론테스 강가의 셀레우코스 도시는 어제오늘 세워진 것이나 다름없음에도 불구하고, 운명이 그들을 우호적으로 맞이해 주었기에 이토록 거대한 규모와 번영으로 성장하였다.
§8.33.4ἐπιδείκνυται δὲ καὶ ἐν τῷδε ἔτι τὴν ἰσχὺν μείζονα καὶ θαύματος πλείονος ἢ κατὰ συμφορὰς καὶ εὐπραγίας πόλεων·
또한 운명은 도시의 재앙이나 번영에서보다도 이곳에서 훨씬 더 크고 놀라운 힘을 보여준다.
Λήμνου γὰρ πλοῦν ἀπεῖχεν οὐ πολὺν Χρύση νῆσος, ἐν ᾗ καὶ τῷ Φιλοκτήτῃ γενέσθαι συμφορὰν ἐκ τοῦ ὕδρου φασί· ταύτην κατέλαβεν ὁ κλύδων πᾶσαν, καὶ κατέδυ τε ἡ Χρύση καὶ ἠφάνισται κατὰ τοῦ βυθοῦ.
렘노스 섬에서 그리 멀지 않은 항로에 크리세라는 섬이 있었고, 그곳에서 필로크테테스가 물뱀 때문에 재앙을 겪었다고 전해지는데, 이 섬 전체를 거센 파도가 덮쳐 크리세는 침몰하여 심연 속으로 사라져 버렸다.
νῆσον δὲ ἄλλην καλουμένην Ἱερὰν τόνδε οὐκ ἦν χρόνον.
또한 이에라라고 불리는 다른 섬은 당시에는 존재하지 않았다.
οὕτω μὲν τὰ ἀνθρώπινα πρόσκαιρά τε καὶ οὐδαμῶς ἐστιν ἐχυρά·
이처럼 인간의 일은 일시적이며 결코 확고하지 않다.