§7.1.1ἡ δὲ τῆς Ἠλείας μέση καὶ Σικυωνίας, καθήκουσα μὲν ἐπὶ τὴν πρὸς ἕω θάλασσαν, Ἀχαΐαν δὲ ὄνομα τὸ ἐφʼ ἡμῶν ἔχουσα ἀπὸ τῶν ἐνοικούντων, αὐτή τε Αἰγιαλὸς τὸ ἀρχαῖον καὶ οἱ νεμόμενοι τὴν γῆν ἐκαλοῦντο Αἰγιαλεῖς, λόγῳ μὲν τῷ Σικυωνίων ἀπὸ Αἰγιαλέως βασιλεύσαντος ἐν τῇ νῦν Σικυωνίᾳ, εἰσὶ δὲ οἵ φασιν ἀπὸ τῆς χώρας, εἶναι γὰρ τὰ πολλὰ αὐτῆς αἰγιαλόν.
엘리스 지방과 시키온 지방의 중간에 위치하며, 동쪽 바다에 닿아 있고, 우리 시대에는 그 거주민들에 따라 아카이아라는 이름을 가지고 있는 땅은, 옛날에는 그 자체로 아이기알로스라 불렸고 그 땅을 다스리던 이들은 아이기알레우스인이라 불렸다. 시키온인들의 설에 따르면 이는 현재의 시키온 지방에서 왕 노릇을 한 아이기알레우스에게서 유래한 것이라 하나, 그 땅의 대부분이 해안이기 때문이라고 말하는 이들도 있다.
§7.1.2χρόνῳ δὲ ὕστερον ἀποθανόντος Ἕλληνος Ξοῦθον οἱ λοιποὶ τοῦ Ἕλληνος παῖδες διώκουσιν ἐκ Θεσσαλίας, ἐπενεγκόντες αἰτίαν ὡς ἰδίᾳ χρήματα ὑφελόμενος ἔχοι τῶν πατρῴων·
훗날 헬렌이 죽자, 헬렌의 나머지 아들들은 크수토스가 아버지가 남긴 유산을 사사로이 가로챘다는 혐의를 씌워 그를 테살리아에서 추방했다.
ὁ δὲ ἐς Ἀθήνας φυγὼν θυγατέρα Ἐρεχθέως ἠξιώθη λαβεῖν καὶ παῖδας Ἀχαιὸν καὶ Ἴωνα ἔσχεν ἐξ αὐτῆς.
크수토스는 아테네로 도망쳐 에레크테우스의 딸을 아내로 맞이할 자격을 얻었고, 그녀와의 사이에서 아들 아카이오스와 이온을 낳았다.
ἀποθανόντος δὲ Ἐρεχθέως τοῖς παισὶν αὐτοῦ δικαστὴς Ξοῦθος ἐγένετο ὑπὲρ τῆς ἀρχῆς, καὶ—ἔγνω γὰρ τὸν πρεσβύτατον Κέκροπα βασιλέα εἶναι—οἱ λοιποὶ τοῦ Ἐρεχθέως παῖδες ἐξελαύνουσιν ἐκ τῆς χώρας αὐτόν·
에레크테우스가 죽자 크수토스는 그의 아들들 사이에서 왕권을 둘러싼 중재자가 되었는데, 가장 연장자인 케크롭스가 왕이 되어야 한다고 판결했기 때문에 에레크테우스의 나머지 아들들은 크수토스를 그 땅에서 쫓아냈다.
§7.1.3ἀφικομένῳ δὲ ἐς τὸν Αἰγιαλὸν καὶ οἰκήσαντι αὐτῷ μὲν ἐγένετο ἐνταῦθα ἡ τελευτή, τῶν δέ οἱ παίδων Ἀχαιὸς μὲν ἐκ τοῦ Αἰγιαλοῦ παραλαβὼν καὶ ἐξ Ἀθηνῶν ἐπικούρους κατῆλθεν ἐς Θεσσαλίαν καὶ ἔσχε τὴν πατρῴαν ἀρχήν, Ἴωνι δὲ ἐπὶ τοὺς Αἰγιαλεῖς στρατιὰν καὶ ἐπὶ Σελινοῦντα τὸν βασιλέα αὐτῶν ἀθροίζοντι ἀγγέλους ἔπεμπεν ὁ Σελινοῦς, τὴν θυγατέρα Ἑλίκην, ἣ μόνη οἱ παῖς ἦν, γυναῖκα αὐτῷ διδοὺς καὶ αὐτὸν Ἴωνα ἐπὶ τῇ ἀρχῇ παῖδα ποιούμενος.
아이기알로스에 도착하여 그곳에 정착한 크수토스는 그곳에서 최후를 맞이했다. 그의 자식들 중에서 아카이오스는 아이기알로스와 아테네에서 지원군을 이끌고 테살리아로 돌아가 아버지의 지배권을 차지한 반면, 이온이 아이기알레우스인들과 그들의 왕 셀리누스를 대항하여 군대를 모으고 있을 때, 셀리누스는 이온에게 전령을 보내 자신의 외동딸인 헬리케를 아내로 내어주고 이온 자신을 왕위 계승자로 삼아 양자로 들였다.
§7.1.4καί πως ταῦτα τῷ Ἴωνι ἐγένετο οὐκ ἄπο γνώμης, καὶ τῶν Αἰγιαλέων τὴν ἀρχὴν Ἴων ἔσχεν ἀποθανόντος Σελινοῦντος, καὶ Ἑλίκην τε ἀπὸ τῆς γυναικὸς ᾤκισεν ἐν τῷ Αἰγιαλῷ πόλιν καὶ τοὺς ἀνθρώπους ἐκάλεσεν Ἴωνας ἀφʼ αὑτοῦ.
그리고 웬일인지 이 일은 이온에게 마음에 어긋나지 않는 일이었으며, 셀리누스가 죽자 이온이 아이기알레우스인들의 지배권을 차지했다. 그는 아내의 이름을 따서 헬리케라는 도시를 아이기알로스에 건설하고 사람들을 자신의 이름을 따서 이온인이라 불렀다.
τοῦτο οὐ μεταβολὴ τοῦ ὀνόματος, προσθήκη δέ σφισιν ἐγένετο·
이것은 이름의 변경이 아니라 그들에게 명칭이 추가된 것이었다.
Αἰγιαλεῖς γὰρ ἐκαλοῦντο Ἴωνες.
왜냐하면 그들은 아이기알레우스·이온인이라 불렸기 때문이다.
τῇ χώρᾳ δὲ ἔτι καὶ μᾶλλον διέμεινεν ὄνομα τὸ ἐξ ἀρχῆς·
그러나 그 땅에는 원래부터의 이름이 한층 더 강하게 남아 있었다.
Ὁμήρῳ γοῦν ἐν καταλόγῳ τῶν μετὰ Ἀγαμέμνονος ἐξήρκεσε τὸ ἀρχαῖον δηλῶσαι τῆς γῆς ὄνομα·
어쨌든 호메로스는 아가멤논을 따르는 자들의 목록에서 이 땅의 옛 이름을 밝히는 것으로 충분했다.
"
Αἰγιαλόν τʼ ἀνὰ πάντα καὶ ἀμφʼ Ἑλίκην εὐρεῖαν. " §7.1.5τότε δὲ ἐπὶ τῆς Ἴωνος βασιλείας πολεμησάντων Ἀθηναίοις Ἐλευσινίων καὶ Ἀθηναίων Ἴωνα ἐπαγαγομένων ἐπὶ ἡγεμονίᾳ τοῦ πολέμου, τὸν μὲν ἐν τῇ Ἀττικῇ τὸ χρεὼν ἐπιλαμβάνει, καὶ Ἴωνος ἐν τῷ δήμῳ μνῆμα τῷ Ποταμίων ἐστίν·
“아이기알로스의 온 땅과 넓은 헬리케 주변.” 그 당시 이온의 치세에 에레우시스인들이 아테네인들과 전쟁을 벌였고 아테네인들이 이온을 전쟁의 지도자로 초빙했을 때, 아티카에서 죽음이 이온을 덮쳤다. 그리고 포타모이의 데모스에 이온의 무덤이 있다.
οἱ δὲ ἀπόγονοι τοῦ Ἴωνος τὸ Ἰώνων ἔσχον κράτος, ἐς ὃ ὑπʼ Ἀχαιῶν ἐξέπεσον καὶ αὐτοὶ καὶ ὁ δῆμος.
이온의 후손들은 이온인들의 지배권을 유지했으나, 아카이아인들에 의해 그들 자신과 민중이 추방당했다.
τοῖς δὲ Ἀχαιοῖς τηνικαῦτα ὑπῆρξε καὶ αὐτοῖς ἐκ Λακεδαίμονος καὶ Ἄργους ὑπὸ Δωριέων ἐξεληλάσθαι·
아카이아인들에게는 그때 도리스인들에 의해 라케다이몬과 아르고스로부터 쫓겨나는 사태가 일어나고 있었던 것이다.
§7.1.6τὰ δὲ ἐς Ἴωνας καὶ Ἀχαιούς, ὁπόσα ἐπράχθη σφίσιν ἐπʼ ἀλλήλους, ἐπέξεισιν αὐτίκα ὁ λόγος μοι προδιηγησαμένῳ καθʼ ἥντινα αἰτίαν τοῖς Λακεδαίμονα οἰκοῦσι καὶ Ἄργος πρὸ τῆς τῶν Δωριέων καθόδου μόνοις Πελοποννησίων ὑπῆρξεν Ἀχαιοῖς καλεῖσθαι.
이온인들과 아카이아인들 사이에 서로에게 행해진 일들에 대해서는, 도리스인들의 귀환 이전에 왜 라케다이몬과 아르고스에 사는 사람들만이 펠로폰네소스인들 중에서 아카이아인이라 불리게 되었는지 그 이유를 내가 먼저 설명한 후에, 나의 서술을 통해 곧 상세히 설명하겠다.
Ἄρχανδρος Ἀχαιοῦ καὶ Ἀρχιτέλης ἐς Ἄργος ἀφίκοντο ἐκ τῆς Φθιώτιδος, ἐλθόντες δὲ ἐγένοντο Δαναοῦ γαμβροί, καὶ Αὐτομάτην μὲν Ἀρχιτέλης, Σκαιὰν δὲ ἔλαβεν Ἄρχανδρος.
아카이오스의 아들 아르칸드로스와 아르키텔레스는 프티오티스에서 아르고스로 찾아왔고, 그곳에 와서 다나오스의 사위가 되어 아르키텔레스는 아우토마테를, 아르칸드로스는 스카이아를 아내로 맞이했다.
δηλοῦσι δὲ ἐν Ἄργει καταμείναντες οὐχ ἥκιστα ἐν τῷδε·
그들이 아르고스에 머물렀음은 특히 다음의 사실에서 분명해진다.
Μετανάστην γὰρ τῷ παιδὶ ὄνομα ἔθετο Ἄρχανδρος.
즉, 아르칸드로스가 자신의 아들에게 메타나스테스(이주자)라는 이름을 지어주었다는 점이다.
§7.1.7δυνηθέντων δὲ ἔν τε Ἄργει καὶ Λακεδαίμονι τῶν Ἀχαιοῦ παίδων, τοὺς ἀνθρώπους τοὺς ἐνταῦθα ἐξενίκησεν Ἀχαιοὺς κληθῆναι·
아카이오스의 아들들이 아르고스와 라케다이몬에서 실권을 쥐게 되자, 그곳의 사람들은 아카이아인이라 불리게 되었다.
τοῦτο μέν σφισιν ὄνομα ἦν ἐν κοινῷ, Δαναοὶ δὲ Ἀργείοις ἰδίᾳ.
이것이 그들의 공통된 이름이었고, 아르고스인들에게는 개별적으로 다나오스인이라는 이름이 있었다.
τότε δὲ ὑπὸ Δωριέων ἐκπεπτωκότες ἔκ τε Ἄργους καὶ ἐκ Λακεδαίμονος ἐπεκηρυκεύοντο Ἴωσιν αὐτοί τε καὶ ὁ βασιλεὺς Τισαμενὸς ὁ Ὀρέστου γενέσθαι σύνοικοί σφισιν ἄνευ πολέμου·
그때 도리스인들에 의해 아르고스와 라케다이몬에서 쫓겨난 그들 자신과, 오레스테스의 아들인 왕 티사메노스는 전쟁 없이 동거자가 되기 위해 이온인들에게 사절을 보내 교섭했다.
τῶν δὲ Ἰώνων τοὺς βασιλέας ὑπῄει δέος, μὴ Ἀχαιῶν ἀναμιχθέντων αὐτοῖς Τισαμενὸν ἐν κοινῷ βασιλέα ἕλωνται κατά τε ἀνδραγαθίαν καὶ γένους δόξαν.
그러나 이온인의 왕들에게는 아카이아인들이 자신들과 섞이게 되면, 그 용맹함과 가문의 명성 때문에 공동의 왕으로 티사메노스를 선택하지 않을까 하는 두려움이 생겼다.
§7.1.8Ἰώνων δὲ οὐ προσεμένων τοὺς Ἀχαιῶν λόγους ἀλλὰ ἐπεξελθόντων σὺν ὅπλοις, Τισαμενὸς μὲν ἔπεσεν ἐν τῇ μάχῃ, Ἴωνας δὲ Ἀχαιοὶ κρατήσαντες ἐπολιόρκουν καταπεφευγότας ἐς Ἑλίκην καὶ ὕστερον ἀφιᾶσιν ἀπελθεῖν ὑποσπόνδους.
이온인들이 아카이아인들의 제안을 받아들이지 않고 무기를 들고 나아갔기 때문에, 티사메노스는 전투 중에 전사했다. 아카이아인들은 승리를 거두고 이온인들을 헬리케로 몰아넣어 포위했고, 나중에 휴전 협정을 맺고 그들을 떠나보냈다.
Τισαμενοῦ δὲ τὸν νεκρὸν Ἀχαιῶν ἐν Ἑλίκῃ θαψάντων, ὕστερον χρόνῳ Λακεδαιμόνιοι τοῦ ἐν Δελφοῖς σφισιν ἀνειπόντος χρηστηρίου κομίζουσι τὰ ὀστᾶ ἐς Σπάρτην, καὶ ἦν καὶ ἐς ἐμὲ ἔτι αὐτῷ τάφος, ἔνθα τὰ δεῖπνα Λακεδαιμονίοις ἐστὶ τὰ Φειδίτια καλούμενα.
아카이아인들이 티사메노스의 시신을 헬리케에 묻은 뒤, 훗날 라케다이몬인들은 델포이에서 자신들에게 선포된 신탁에 따라 그 유골을 스파르타로 옮겨왔으며, 내 시대까지도 여전히 그의 무덤이 존재하고 있었는데, 그곳은 라케다이몬인들을 위해 피디티아라고 불리는 식사가 열리는 곳이다.
§7.1.9Ἴωνας δὲ ἀφικομένους ἐς τὴν Ἀττικὴν Ἀθηναῖοι καὶ ὁ βασιλεὺς αὐτῶν Μέλανθος Ἀνδροπόμπου συνοίκους ἐξεδέξαντο Ἴωνός τε δὴ ἕνεκα καὶ ἔργων ἃ ἔπραξε πολεμαρχῶν Ἀθηναίοις·
아티카에 도착한 이온인들을 아테네인들과 그들의 왕인 안드로폼포스의 아들 멜란토스는 동거자로 받아들였다. 이는 이온 때문이기도 했고, 그가 아테네인들을 위해 군사령관으로서 세운 공적 때문이기도 했다.
λέγεται δὲ ὡς ἐν ὑπονοίᾳ ποιούμενοι τοὺς Δωριέας οἱ Ἀθηναῖοι, μὴ οὐδὲ αὐτῶν ἐθέλωσιν ἀπέχεσθαι, ἰσχύος μᾶλλον οἰκείας ἕνεκα ἢ εὐνοίᾳ τῇ ἐς τοὺς Ἴωνας συνοίκους σφᾶς ἐδέξαντο.
그러나 아테네인들이 도리스인들을 경계하며 자신들마저도 그냥 내버려 두지 않을까 의심했기 때문에, 이온인들에 대한 호의라기보다는 자신들의 방어력을 강화하기 위해 그들을 동거자로 받아들인 것이라고도 전해진다.